ءيزرايلدىڭ بۇرىنعى باسشىسى شيمون پەرەس اۋرۋحاناعا ءتۇستى

استانا. 14 قاڭتار. شيمون پەرەس كەۋدەسى اۋىرىپ, اۋرۋحاناعا ءتۇستى. بۇل تۋرالى تاسس اگەنتتىگىنە سىلتەمە جاساعان egemen.kz ءتىلشىسى حابارلادى. نوبەل سىيلىعىنىڭ لاۋرەاتى, يزرايل ساياساتىنىڭ پاتريارحى جانە وسى ەلدىڭ بۇرىنعى پرەزيدەنتى شيمون پەرەس جۇرەك سوعىسىنداعى اقاۋعا بايلانىستى اۋرۋحاناعا جاتقىزىلدى. بۇل جونىندە ساياساتكەردىڭ كومەكشىسى ايەلەت فريش ءيزرايلدىڭ اسكەري راديوسىنا حابارلاعان. تىكەلەي ەفيردە ول پەرەستىڭ ەس-ءتۇسى انىق ءارى سويلەي الاتىنىن ايتىپ: «ونىڭ كەۋدە تۇسى اۋىردى», – دەپ مالىمدەدى. ايەلەت ءفريشتىڭ سوزىنە قاراعاندا, 92 جاستاعى ساياساتكەر تەل-اۆيۆ جانىنداعى رامات-گان قالاسىنداعى «تەل حا-شومەر» اۋرۋحاناسىنا جاتقىزىلىپ, سول جاقتا ەم قابىلداۋدا. الايدا, ءيزرايلدىڭ ونىنشى تەلەارناسى وزدەرىنىڭ دەرەككوزدەرىنە سۇيەنىپ, پەرەستىڭ ينفاركت العانىن, قازىرگى تاڭدا وعان تەل-اۆيۆ ماڭىنداعى اۋرۋحانادا وتا جاساپ جاتقانىن حابارلادى. ەلامان قوڭىر. دەرەك: تاسس. سۋرەت: AP Photo.