جاپونيادا جەر سىلكىنىسى تسۋناميگە ۇلاسۋى مۇمكىن

استانا. 14 قاڭتار. جاپونيانىڭ سولتۇستىگىندە ماگنيتۋداسى 6,7 باللدى قۇرايتىن جەر سىلكىنىسى بولدى. ۇلتتىق مەتەرەولوگيالىق باسقارمانىڭ ايتۋىنشا, ەپيتسەنترى حوككايدو پرەفەكتۋراسىنىڭ سولتۇستىگىندە, 50 شاقىرىم تەرەڭدىكتە ورنالاسقان. اپاتتان زارداپ شەككەندەر جايلى اقپارات جوق. دەگەنمەن, اتالعان باسقارما ماماندارى تابيعات اپاتىنىڭ سوڭى تسۋناميگە ۇلاسۋى مۇمكىن دەگەن بولجامعا بايلانىستى دابىل قاعۋدا. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جەر سىلكىنىسى جاپونيانىڭ سولتۇستىگىندەگى 13 ەلدى-مەكەندەرىندە جانە ورتالىعىنداعى حوككايدو, اوموري, فۋكۋسيما, يۆاتە پرەفەكتۋرالارىندا سەزىلگەن. East Japan Railway تەمىر جول كومپانياسىنىڭ قىزمەتكەرى سولتۇستىككە بەت العان «سينكانسەن» جۇيرىك پويىزىنىڭ ۋاقىتشا توقتاتىلعانىن مالىمدەدى. ال جاپون مەتەورولوگتارىنىڭ ايتۋىنشا, تسۋنامي تولقىندارى ماڭايداعى حالىققا زيانىن تيگىزبەيدى. الايدا, تۇرعىنداردىڭ تەز ارادا الىستاۋ جەرگە قونىس اۋدارۋلارىنا كەڭەس بەردى. جاپونيانىڭ ۇلتتىق مەتەورولوگيالىق اگەنتتىگى جەر استى ءدۇمپۋىنىڭ بولاتىنىن بىرنەشە سەكۋند الدىن انىقتاپ ۇلگەرگەن. وسىعان بايلانىستى ەل تۇرعىندارىنا قۇلاقتاندىرۋ حابارلاماسى جىلدام ىكە قوسىلدى. ءتىپتى, دىبىسسىز رەجيمدە تۇرعان ۇيالى تەلەفوندارعا دا ەستىلەرلىكتەي ەتىپ ەسكەرتۋ كەلدى. مۇنداي جۇيە 2011 جىلدىڭ 11 ناۋرىزىندا بولعان قايعىلى وقيعادان سوڭ, قولدانىسقا ەنگەن. ايتا كەتەيىك, اتالعان جىلى جاپونيادا بولعان 9,0-9,1 بالدى جويقىن جەر سىلكىنىسىنىڭ ارتى سۋ تاسقىنىنا ۇلاسىپ, بىرنەشە ەلدى-مەكەندەر جەرمەن جەكسەن بولدى. ەكى مارتە سوققان جەر سىلكىنىسىنەن 14 مىڭنان استام ەل تۇرعىنى قازا تاپتى. ايان ءابدۋالي. دەرەك, سۋرەت: تاسس.