اقتاۋدا دارىگەرلەردىڭ سالعىرتتىعىنان قىز بالا قايتىس بولدى

اقتاۋ. 14 قاڭتار. اقتاۋدا استان ۋلانعان قىز بالاعا دارىگەرلەر دۇرىس دياگنوز قويا الماي, ءولتىرىپ العان. بۇل تۋرالى nur.kz سايتىنا سىلتەمە جاساعان egemen.kz ءتىلشىسى حابارلادى. اقتاۋدا استان ۋلانىپ, قايتىس بولعان 15 جاستاعى قىزدىڭ ولىمىنە اق حالاتتىلار كىنالى. ساراپشىلار جەدەل جاردەم دارىگەرلەرى ناۋقاستىڭ جاعدايىن دەر كەزىندە باعالاي الماعاندىعىن ايتۋدا. 2015 جىلى قازان ايىندا اقتاۋدا ءبىر وتباسى تۇزدالعان قياردان ۋلانعان. ولارعا دارىگەرلەر باستاپقىدا بوتۋليزم دياگنوزىن قويعان بولاتىن. وتباسىنىڭ 15 جاستاعى قىزى كەشكىلىك استان سوڭ السىرەي باستايدى. اناسى دەرەۋ جەدەل جاردەم شاقىرعانىمەن, كەلگەن دارىگەرلەر ونىڭ اسقازانى اۋىرىپ جاتىر دەپ كەتىپ قالىپتى. قىزدىڭ جاعدايى ناشارلاعان سوڭ, ەكىنشى رەت جەدەل جاردەم شاقىرعانىمەن ديسپەتچەر ەرتەڭىنە ەمحاناعا بارۋعا كەڭەس بەرىپ, بريگادا جىبەرمەگەن. ساراپشىلار قىز بالانى العاشقى جىبەرىلگەن جەدەل جاردەممەن اۋرۋحاناعا جەتكىزگەندە ءتىرى قالار ەدى دەگەن توقتامعا كەلدى. ءتىپتى ەكىنشى رەت شاقىرعان كەزدە ديسپەتچەر دارىگەر جىبەرگەندە, قىزدىڭ امان قالۋى مۇمكىن ەكەن. سول سەبەپتى 2 دارىگەر مەن ديسپەتچەرگە قىزمەتىنە سالعىرت قاراۋى سالدارىنان ابايسىزدا ادام ءولتىردى دەگەن ايىپ تاعىلدى. اقتاۋ قالاسىنىڭ پروكۋرورى ت.الىباەۆ ماسەلەگە قاتىستى پىكىرىن «قازاقستان رەسپۋبليكاسى قىلمىستىق كودەكسى 317 بابى بويىنشا 5 جىلعا دەيىن باس بوستاندىعىنان ايىرۋ قاراستىرىلعان. ونى سوت شەشەدى» دەپ ءبىلدىردى. گۇلايىم شىنتەمىرقىزى دەرەك: egemen.kz. سۋرەت: nsktv.ru.