يندونەزيادا تەراكت ۇيىمداستىرعان كۇدىكتىلەر ۇستالدى

استانا. 12 قاڭتار. يندونەزيانىڭ باندۋنگ قالاسىندا جاڭا جىل قارساڭىنا تامان تەراكت ۇيىمداستىردى دەگەن كۇدىكپەن پوليتسيا قىزمەتكەرلەرى ءۇش ادامدى تۇتقىنعا الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. «ۇستالعان كۇدىكتىلەر جاكارتانىڭ سولتۇستىگىندە انتيتەرروريستىك جۇمىستارى كەزىندە جانە دە باندۋنگ قالاسىندا نازارىمىزعا ىلىكتى. قۇقىق قورعاۋ ورگانىنىڭ قىزمەتكەرلەرى ولاردىڭ تەررورلىق توپتارعا قاتىسى بار ەكەنىن انىقتادى», – دەيدى ۇلتتىق پوليتسيا قىزمەتىنىڭ باسشىسى بادرودين حايتي. ايتا كەتەيىك, 31 جەلتوقسان كۇنى باندۋنگ قالاسىنىڭ ورتالىق الاڭىندا جارىلىس بولدى. بەلگىسىز بىرەۋلەر قالا اكىمىنىڭ رەزيدەنتسياسىنا تاياۋ ماڭدا اۆتوتۇراقتا تۇرعان كولىكتىڭ استىنا كۇشى از بومبا قويىپ كەتكەن. الايدا, زارداپ شەككەندەر بولعان جوق. يندونەزيانىڭ ارنايى قىزمەتكەرلەرى مەن پوليتسيا وكىلدەرى جاڭا جىل مەن روجدەستۆو مەرەكەلەرى قارساڭىندا تەراكت بولۋى مۇمكىن دەگەن سۋىت حابار العان سوڭ, قالا ىشىندە ءتارتىپ جۇمىستارىن كۇشەيتتى. ارنايى جۇمىلدىرىلعان ءىس بارىسىندا, سودىرلىق ارەكەتكە بارۋعا نيەتتەنگەن 11 ادام قولعا ءتۇستى. ولاردىڭ اراسىندا ەكەۋى قالىڭ توپتىڭ ىشىندە ءوزىن جارىپ جىبەرمەك بولعان. ايان ءابدۋالي. دەرەك: تاسس. سۋرەت: ntv.ru.