گۆاتەمالادا تۇرمەدەگىلەر كۇزەتشىلەردى كەپىلگە الدى

استانا. 12 قاڭتار. گۆاتەمالادا تۇرمەدەگىلەر ب ۇلىك شىعارىپ, بىرنەشە ادامدى كەپىلگە الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جەرگىلىكتى بيلىكتىڭ مالىمدەۋىنشە, اپتانىڭ ءبىرىنشى كۇنى بىردەن ەكى تۇرمەدەگى تۇتقىندار باس كوتەرگەن. ۇلتتىق پوليتسيا ديرەكتورى نەري راموستىڭ دەرەكتەرىنە قاراعاندا, «فرايحانەس-1» تۇرمەسىندە ب ۇلىكشىلەر 20 ادامدى تۇتقىنعا العان. كەپىلدىككە الىنعانداردىڭ بىرەۋى مەكەمە ديرەكتورى بولسا, قالعان 19-ى كۇزەتشى. قازىر جازاسىن وتەۋشىلەر مەن بيلىك اراسىندا كەلىسسوزدەر جۇرگىزىلۋدە. سونىڭ ناتيجەسىندە ازاماتتىق تۇلعاداعى ءۇش تۇتقىن بوساتىلدى. تۇرمە تولىعىمەن پوليتسيانىڭ ارنايى قۇرىلىمدارىمەن قورشاۋعا الىنىپ, اسكەريلەر شىعاتىن ەسىكتىڭ الدىنا جەڭىل تانكى اكەلدى. ءدال وسىنداي باسكوتەرۋ «چيمالتەنانگو» تۇرمەسىندە دە باستالدى. Prensa Libre پورتالىنىڭ حابارلاۋىنشا, تۇرمەدەگى سوتتالعانداردىڭ لاڭىنان كەم دەگەندە ءبىر ادام قازا بولىپ, تاعى بىرنەشەۋى جارالانعان. پوليتسيا قىزمەتكەرلەرى ب ۇلىك باستالعان كەزدە تۇرمەگە كەلگەن ءبىر توپ ايەلدى قاۋىپسىز جەرگە شىعارىپ ۇلگەرگەن. ەلامان قوڭىر. دەرەك, سۋرەت: ريا «نوۆوستي».