ءيمانجۇزدى اۋىل ەدىك...

اۆتوبۋستا كىسى كوپ ەدى. جانىمدا وتىر­عان قاريا ءوز-وزىنەن سويلەپ وتىر. «زا­مان نە بولىپ بارا جاتىر», دەيدى قىن­جىلا كۇرسىنىپ. اڭعارعانىم, كۇنى-ءتۇنى كۇزەتكەن قوراسىنان بىرەۋلەر 5 قويىن ۇرلاپ كەتىپتى. تاۋسىلا سويلەپ وتىر. ول كىسىنى جۇباتار دارمەن جوق ەدى بىزدە. قازىر «ءاي, سونى قويشى, ءبىر قويىم ءولىپ تە قالادى عوي» دەيتىن زامان ەمەس. كۇزدىكتى بىلاي قويىپ, سوعىمنىڭ رەتى دە سيرەپ بارا جاتقانىن بايقايمىز. اۋىلدىڭ اسىراۋشىسى – مالى. سونى دا كوپ كورگەندەي, ۇرلىق-قارلىق تىيىلار ەمەس. اۋىلدىڭ ادامى ۇرىنىڭ الىستان كەلمەيتىنىن بىلەدى. ارىزدانىپ, الاشاپقىن شىعارمايتىنىن دا تالاي كورگەنبىز. قاريانىڭ وقيعاسى شەكتەن شىققاننىڭ ءبىر كورىنىسى. وسى جولى, ءداۋ دە بولسا, وبلىستىڭ پوليتسياسىنا ارىزدانىپ كەلە جاتىر. اۆتوبۋستا كىسى كوپ ەدى... تىلشىلەر قوسىنىنا كەلە سالىپ, وبلىستىق ىشكى ىستەر دەپارتامەنتىنە قوڭىراۋلاتتىق. ابىروي بولعاندا, ۇرى­لار قولعا تۇسكەن ەكەن. كىمدەر دەيسىزدەر عوي. سۇمدىق. سول اۋىلدىڭ 19-21 جاس ارالى­عىنداعى زىڭگىتتەي ءتورت جىگىتى. سونشا­لىقتى جەرگە قاراپ وتىرعاندار ەمەس. قىل­مىسقا كولىكتىڭ تورەسى سانالاتىن جاپوندىق «Nissan maxima» جەڭىل ماشينەسىمەن شىققان. ولاردىڭ ۇستىنەن قر قك 188-بابىنىڭ 2-بولىمىنە جاتاتىن قىلمىستىق ءىس قوزعالىپتى. ءيمانجۇزدى اۋىل ەدىك... نە بولىپ بارادى ءوزى؟ باقبەرگەن امالبەك, «ەگەمەن قازاقستان». اقمولا وبلىسى.