استانا. 11 قاڭتار. قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى شىعىس قازاقستان وبلىسى كوكپەكتى اۋدانىنىڭ تۇرعىندارىنا كومەككە كەلدى. بۇل تۋرالى egemen.kz ءتىلشىسى حابارلادى.
27943 اسكەري ءبولىمىنىڭ وفيتسەرلەرى مەن كەلىسىمشارت بويىنشا اسكەري قىزمەتشىلەرى 30 جەلتوقسانعا قاراعان ءتۇنى قاتتى قار كوشكىنىنەن سىرتقى الەمنەن جىراقتا قالعان جەرگىلىكتى حالىقتى قۇتقارۋعا اتتاندى.
ازىق-ت ۇلىك پەن ءدارى-دارمەك اكەلۋگە, ال قاجەت بولعان جاعدايدا ادامداردى ەلدى مەكەنگە كوشىرۋ ءۇشىن ەلدى مەكەنگە ارنايى تەحنيكا, ياعني, ءتورت جەڭىل بروندالعان كوپ ماقساتتىلى تارتقىش جانە ءبىر كاماز ر-142 تارتىلدى.
شقو جارما اۋدانىنا حالىققا كومەك كورسەتۋ, جولدى تازالاۋ جانە قار كۇرتىگىنەن ءاۆتوموبيلدى تەحنيكانى الىپ شىعۋ ءۇشىن 54770 اسكەري ءبولىمىنىڭ اسكەري قىزمەتشىلەرى, سونداي-اق اۋىر ارنايى تەحنيكا, ياعني, جىلدام جۇرەتىن ارتيللەريالىق تارتقىش جىبەرىلدى.
«شىعىس» وڭىرلىك قولباسشىلىعىندا حابارلاعانداي, ءىس-شارالار تابيعي سيپاتتاعى توتەنشە جاعداي سالدارىن جەدەل جانە ۇيىمداسقان تۇردە جويۋ جانە وسكەمەن گارنيزونىنىڭ باستىعى پودپولكوۆنيك ەرجان ىبىراەۆتىڭ جاۋاپكەرشىلىگى ايماعىندا زارداپ شەككەندەرگە كومەك كورسەتۋ ماقساتىندا وتكىزىلۋدە.
توتەنشە جاعداي باسىلعانشا دەيىن اسكەري قىزمەتشىلەر ەلدى مەكەندەردە بولادى. قاجەت بولعان جاعدايدا قولباسشىلىق كومەككە جەكە قۇرامنىڭ قوسىمشا سانىن جىبەرۋگە ءازىر.
داستان كەنجالين.
دەرەك, سۋرەت: egemen.kz
