الماتىلىق كومپانيالار شەتەل نارىعىنا شىعا باستادى

الماتى. 11 قاڭتار. الماتىداعى تۇرمىستىق حيميا ونىمدەرىن شىعاراتىن «اۆرورا» وندىرىستىك كەشەنى» جاۋاپكەرشىلىگى شەكتەۋلى سەرىكتەستىگى تمد ەلدەرىنە ەكسپورتقا شىقتى. بۇل تۋرالى egemen.kz ءتىلشىسى حابارلادى. دەزينفەكتسيالىق قۇرالداردى ەكسپورتتاۋ ۇدەرىسى يندۋستريالاندىرۋ كارتاسى اياسىندا جۇزەگە اسىرىلۋدا. بۇل كۇندە «اۆرورا» كوسمەتيكالىق ونىمدەردىڭ 45 ءتۇرىن, تۇرمىستىق حيميانىڭ 50 ءتۇرىن شىعارادى. تاۋار تۇرلەرىنىڭ باعا ساياساتىنداعى ءدالىزى وتاندىق تۇتىنۋشىلاردىڭ سۇرانىسىنا وراي ەسەپتەلگەن. اتالعان كومپانيانىڭ باس ديرەكتورى دانيار الشانباەۆتىڭ ايتۋىنشا, 640 ميلليون تەڭگەنى قۇرايتىن جوبا جىلىنا 10 800 توننا ءونىم شىعاراتىن وندىرىستىك تسيكلدى تولىق قامتاماسىز ەتەدى. جاڭا وندىرىستىك جەلى 0,27 گەكتاردى الىپ جاتىر جانە وندا باستاپقىدا  0 جۇمىس ورنى جاساقتالعان. «اۆرورا» وندىرىستىك كەشەنى» سەرىكتەستىگى 2010 جىلى قۇرىلعان. ال 2011 جىلى فارماتسەۆتيكا سالاسىنىڭ «دەزينفەكتسيالايتىن قۇرالدار شىعاراتىن ەڭ ۇزدىك قازاقستاندىق ءوندىرۋشى» سىيلىعىن العان. وسى ارادا كومپانيانىڭ بۇكىل جاڭا ونىمدەرى نيدەرلاندتىق كومپانيامەن بىرگە جاساقتالعانىن ايتا كەتۋ قاجەت. ءدال قازىرگى كۇندەرى كومپانيا شتاتىنداعى قىزمەتكەرلەر سانى 250 ادامنان استى. ايناش ەسالي. دەرەك, سۋرەت: egemen.kz.