پاۆلوداردا 25 تۇرعىن ءۇي جىلۋسىز قالدى

پاۆلودار. 10 قاڭتار. پاۆلوداردا كەشە كاتاەۆ-سۋۆوروۆ كوشەلەرىنىڭ قيىلىسىندا ديامەترى 700 مم بولاتىن №10 جىلۋ ماگيسترالى جارىلدى. بۇل تۋرالى egemen.kz ءتىلشىسى حابارلادى. وبلىس ورتالىعىنداعى جىلۋ قۇبىرىنىڭ جارىلۋ سالدارىنان 25 تۇرعىن ءۇي جىلۋسىز قالدى. «پاۆلودارەنەرگو» اكتسيونەرلىك قوعامىنىڭ ءبولىم باسشىسى اسقار شومشەكوۆ: «سوندىقتان № 3-جەس-نىڭ جىلۋىن تۇتىنۋشى ۇيلەر №1-جەس-نا اۋىستىرىلدى. زاقىمدانعان قۇبىر ماگيسترالى جوندەلگەنشە 25 تۇرعىن ءۇي, ءبىر بالاباقشا مەن ءبىر مەكتەپ جىلۋدان اجىراتىلدى. قالا اكىمى بولات باقاۋوۆتىڭ جەتەكشىلىگىمەن اپاتتى جويۋ جونىندەگى جەدەل شتاب جۇمىس جاساۋدا. زاقىمدانۋدى جويۋ ءۇشىن «پاۆلودار جىلۋ جەلىلەرى» سەرىكتەستىگىنىڭ 30 مامانى مەن 10 تەحنيكا قۇرالى جۇمىلدىرىلدى. اپات زاردابى شامامەن 12-15 ساعاتتان سوڭ قالىپقا كەلتىرىلمەك» – دەدى. فاريدا بىقاي. دەرەك, سۋرەت: egemen.kz.