ۇلكەن ەل – ۇلكەن وتباسى

الماتىداعى «دوستىق» ۇيىندە قازاقستان حالقى اسسامبلەياسى مۇشەلەرى ەلباسى نۇرسۇلتان نازارباەۆتىڭ «ۇلت جوسپارى - قازاقستاندىق ارمانعا باستايتىن جول» ماقالاسىن تالقىلادى. دوڭگەلەك ۇستەل باسىنداعى جيىندا ءسوز العان قازاقستان حال­قى اسسامبلەياسى توراعا­سى­نىڭ ورىنباسارى ەرالى توع­جانوۆ: «مەملەكەت باسشىسى ءوز ماقالاسىندا اسسامبلەيا جۇمىسىنىڭ جاڭا فورماتىنىڭ باستى باعىتتارىن ايقىنداپ بەردى. «ۇلت جوسپارى – قازاق­ستاندىق ارمانعا باستايتىن جول» ماقالاسى 5 ينستيتۋتتىق رەفورمانى جۇزەگە اسىرۋدىڭ تاجىريبەلىك جول كارتاسى ىسپەتتەس. بۇل ماقالا ارقىلى ۇلت جوسپارىنىڭ پراكتيكالىق جۇزەگە اسۋى باستالدى دەۋگە بولادى. بۇگىنگى ءىس-شارامىز جالپى ءبىرتۇتاس ۇلتتىڭ بولاشاعى تۋرالى بەس ينستيتۋتتىق رەفورمانىڭ باعىتىندا جۇرگىزىلىپ وتىرعان ءتورتىنشى رەفورما. بۇنىڭ نەگىزىندە, ءسوز جوق, «ۇلكەن ەل – ۇلكەن وتباسى» اتتى ۇلكەن جوبا بوي كورسەتىپ تۇر. سەبەبى, ءبىز بۇل جوبانىڭ العى شارتتارىن وتكەن جىلى-اق باستاپ جىبەرگەنبىز», دەدى. بۇدان كەيىن قحا مۇشەلەرى ەلىمىزدەگى سوڭعى ساياسي-قوعامدىق وقيعالاردىڭ اياسىندا, ياعني وتكەن اسسامبلەيا جىلىندا اتقارىلعان جۇمىستار جايلى ايتىپ, پىكىر الماستى. وتكەن جىلى 2002 جىلى قابىلدانعان «قحا تۋرالى» زاڭعا بىرنەشە وزگەرىس ەنگىزىلگەنى دە ەسكە الىندى. «ۇلكەن ەل – ۇلكەن وتباسى» جوباسى اياسىندا ناقتى 20 شارا جۇزەگە اسىرىلدى. «20 يگى ءىس» جوباسى اياسىندا ەلىمىزدىڭ مۇقتاج وتباسىلارىنا 2 ملرد .تەڭگەنىڭ كومەگى كورسەتىلدى. بۇل باعىتتاعى جۇمىس بيىل دا جالعاسادى. «مەملەكەت باسشىسى ايتقان­داي, ءبىز باستى 5 قاعيداتتى جادىمىزدا مىقتاپ ۇستانۋىمىز كەرەك, ول – نەگىزدىلىك, ساباقتاستىق, ترانسپارەنتتىك, قاداعالاۋ مەن باقىلاۋ. ونىڭ ىشىندە بۇگىنگى تاڭدا 25 قاعيدات جانە جۇزەگە اسىرىلۋ ۇستىندە», – دەدى ءبىراۋىزدان اسسامبلەيا مۇشەلەرى. تالقىلاۋعا قحا كەڭەسىنىڭ مۇشەلەرىمەن قاتار پارلامەنت ءماجىلىسىنىڭ جانە الماتى قالاسى ءماسليحاتىنىڭ دەپۋتاتتارى, قوعام جانە مەملەكەت قايراتكەرلەرى, «قوعامدىق كەلىسىم» كمم وكىلدەرى, الماتى قالالىق قازاقستان حالقى اسسامبلەياسىنىڭ, قازاقستان حالقى اسسامبلەياسى عىلىمي-ساراپتامالىق كەڭەسىنىڭ, ەتنو­مادەني بىرلەستىكتەردىڭ مۇشە­لەرى, ستۋدەنت-جاستار قاتىستى. شارا سوڭىندا قحا جالاۋى «دوستىق» ۇيىنە سالتاناتتى جاعدايدا تابىس ەتىلدى. تالعات ءسۇيىنباي, «ەگەمەن قازاقستان». الماتى. سۋرەتتى تۇسىرگەن يۋري بەككەر.