ەل سەنىمىن ارتتىردى

باس باسىلىمنان مەم­لەكەت باسشىسىنىڭ «ۇلت جوس­پارى – قازاقستاندىق ارمانعا باستايتىن جول» اتتى ماقالاسىن ەرەكشە ەكپىنمەن وقىپ شىقتىم. بىلە بىلسەك, بۇل قۋانا قۇپتارلىق ماقالا بولدى. ەڭ باستىسى, ەلدى ۇيى­تا ءارى جارقىن جولعا باس­تاۋشى بولىپ وتىر. شىنى كەرەك, ءدال وسى كەزەڭدە ءبىزدىڭ ەلباسى دارالىعىن, كورەگەن كوشباسشىلىعىن كورسەتە ءبىلدى. بۇل – ءبىر مەنىڭ عانا ەمەس, ءدۇيىم جۇرتتىڭ پىكىرى. بۇل جەردە باسا ايتار جايت – ءسوز بەن ءىستىڭ قابىسۋى بولىپ وتىر. وعان ءوزىمىز ەڭبەك ەتىپ جۇرگەن وڭىردەن مىسالدى كوپتەپ كەلتىرە الامىن. جەتىسۋدىڭ كىندىك قالاسى – تالدىقورعان كۇننەن كۇنگە تۇرلەنىپ, ءسانى مەن سالتاناتى ارتۋدا. مەملەكەتتىك ساياساتقا ساي اتقارىلعان ءنا­­تيجەلى جۇمىستىڭ جەمىسى سول, وبلىس ەكونوميكاسى اناعۇرلىم وركەندەپ, بيۋدجەت قورجىنى تولىعا تۇسۋدە. ەكونوميست رەتىندە ايتارىم, قۇرعاق پورتتىڭ جەتىسۋ جەرىنەن اشىلۋى ءالى سان مۇمكىندىكتىڭ جولىن اشىپ قانا قويماي, تەلەگەي تابىستىڭ قاينار كوزىنە اينالارى انىق. جالپى, جەتىسۋ جەرى ەلباسى ماقالاسىندا ايتىلعان ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا سايكەس كەلەتىن ءوڭىر بولىپ سانالادى. وسى ەلدى دامىتۋ, حالىقتىڭ الەۋمەتتىك جاعدايىن جاقسارتۋدا اتقا­رىلىپ جاتقان يگىلىكتى ىستەر سونىڭ جارقىن دالەلى بولىپ تابىلادى. سون­دىقتان جاڭا جىلدىڭ العاشقى كۇ­نىنەن ۇلت جوسپارىن ورىن­­داۋ ۋاقىتىنىڭ باس­تالۋى ەكونوميكالىق جاع­دايدى جاقسارتقان ۇستىنە جاقسارتا تۇسەتىنىنە سەنىم ارتامىز. ويتكەنى, وسىعان دەيىن باستالعان جۇمىس جاندى جالعاسىن تاۋىپ, ۇلكەن قولداۋ تاۋىپ, تابىس باستاۋىن اشا تۇسەرى حاق. ناتيجەسىندە قازاقستان وركەنيەتتى, دامىعان 30 ەلدىڭ قاتارىنان ءوز ورنىن الىپ, گۇلدەنە تۇسەتىنى انىق. ولاي دەۋىمە ەلىمىزدىڭ بەيبىت تە قۇتتى ءومىرى, سول ءومىردى ەلىنە سىيلاپ قانا قويماي, ودان ءارى كەمەلدەنە تۇسۋىنە باستاپ وتىرعان ەلباسىنا دەگەن سەنىمىم نەگىز بولادى. باس باسىلىمداعى مىنا ماقالا سول ويىمدى بەكىتە ءتۇستى. بولات سەريەۆ, ءى.جانسۇگىروۆ اتىنداعى جەتىسۋ مەملەكەتتىك ۋني­­ۆەرسيتەتى قارجى-ەكونوميكا فاكۋل­تەتىنىڭ دەكانى. الماتى وبلىسى.