ءبىزدىڭ باعىتىمىز ايقىن

«ءبىز ءوزىمىزدىڭ قازاقستاندىق ارمانىمىزدىڭ ورىندالۋى­نا جانە قازاقستاننىڭ وركەن­دەۋىنە سەنىمدى تۇردە قول جەت­كىزەتىن بولامىز!». ەلباسىمىزدىڭ رەسپۋبليكا تۇرعىندارىنا جاريالاعان ۇلت جوسپارى ءبارىمىزدى اسقاق ارمانعا جەتەلەيتىن وسىنداي رۋحتى سوزدەرمەن باستالادى. 2016 جىلدىڭ 1 قاڭتارىنان «5 ينس­تيتۋتتىق رەفورمانى جۇزەگە اسىرۋ بويىنشا 100 ناقتى قادام» اۋقىمدى ستراتەگيالىق باعدار­لامانى ورىنداۋدىڭ ناقتى قادامى­نا كوشۋىمىز الدىمىزعا ناقتى ءمىن­دەتتەر قويۋمەن بىرگە, جا­ھان­دىق قيىن­دىقتاردى ەڭسەرۋدىڭ مول تاجىريبەسىن قالىپتاستى­رارى, جەرىمىزدىڭ استى-ۇستىندەگى قيساپسىز بايلىقتى ۇقىپتى­لىقپەن پايدالانۋعا ۇيرەتەرى, جاڭا تەحنولوگيالاردى ەركىن مەڭ­گەرىپ, اسا دامىعان 30 ەلدىڭ قاتا­رىنا جەتۋگە جەتەلەرى انىق. پرەزيدەنتىمىزدىڭ ەلىمىز­دى تە­رەڭدەتە جاڭعىرتۋ جونىندەگى وي-يدەيالارىنا اركەز جان-جاقتى قولداۋ كورسەتىپ كەلە جاتقان سول­تۇستىكقازاقستاندىقتار ۇلت جوس­پارىن داعدارىسقا قارسى باستى قۇجات رەتىندە قابىلداپ, ءوسىم, رە­فورمالار, دامۋ ۇعىمدارىمەن ءبىر­تۇتاس جۇيەدە قاراستىرارى انىق. ويتكەنى, بارلىق سالانى قامتيتىن تەرەڭ رەفورمالىق وزگەرىستەر اۋقىمى اسا كەڭ. ونىڭ تۇپكى ماق­ساتى ەل ەكونوميكاسىنىڭ سەرپىن­دى دامۋىن, حالقىمىزدىڭ داۋلەت­تى ءومىر ءسۇرۋىن, مەملەكەت پەن ازامات­تىق قوعامعا دەموكراتيا ۇردىستەرىن بەلسەندىرەك ەنگىزۋگە زور ىقپال جاساۋدى دىتتەيدى. بۇگىنگىدەي ەرەكشە كەزەڭدە ءوسىپ-وركەندەۋدىڭ الەمدىك وركەنيەتىنە قول جەتكىزۋدىڭ ماڭىزدى ەكەنىن مەملەكەت باسشىسى تاعى ءبىر ايعاقتاپ بەردى. قوعامعا ەسەپ بەرەتىن اشىق مەملەكەت قۇرۋدىڭ بەسىنشى رەفورماسى شەڭبەرىندە دە بىرقاتار ءتۇيىندى ماسەلەلەر شەشىلەتىن بولادى. اسىرەسە, قاجەتسىز اكىمشىلىك كەدەرگىلەردى قىسقارتۋ, سۇراۋ سالىناتىن قۇجاتتار سانىن ازايتۋ ارقىلى مەملەكەتتىك قىزمەت كورسەتۋدى بارىنشا وڭتايلاندىرۋ, اشىقتىعىن قامتاماسىز ەتۋ ابدەن قولداۋعا تۇرارلىق. بۇگىنگى كۇنى رەفورمالار تابىسى ۇلت بىرلىگىنە باستار جول ەكە­نى ەشقانداي دالەلدەۋدى قاجەت ەتپەيدى. قازاقستان تاۋەل­سىز­دىگىنىڭ شيرەك عاسىرعا جۋىق كەزە­ڭى قازاقستاندىقتاردىڭ بيىك بەلەستەردى باعىندىرا الاتىنىن كورسەتىپ بەردى. ونى مەك­تەپ-ينتەرناتتىڭ كۇندەلىكتى ومىرىنەن دە كورۋگە بولادى. 10 ەتنوس وكىلىنەن قۇرالعان 130-عا جۋىق قىزمەتكەرىمىز بەيبىتشىلىك پەن ىنتىماقتاستىقتىڭ جارقىن ۇلگىلەرىن كورسەتىپ كەلەدى. قۇرا­مىندا 6 تاربيەلەنۋشى بار كلاس­سي­كالىق بي توبى جۋىردا يتاليادا وتكەن حالىقارالىق بايقاۋدا گران-ءپريدى يەلەندى. بارىپ-قايتۋ جول­ساپارىنا ايماق باسشىسى ەرىك سۇلتانوۆ قارجىلىق قولداۋ كورسەتتى. قازىر مۇندا ەستۋ قابىلەتىنەن ايىرىلعان 145 كەمتار بالا تاربيەلەنەدى. مەكەمەنىڭ ەلىمىز بويىنشا ورتا ءبىلىم بەرەتىن جالعىز مەكتەپ-ينتەرنات ەكەنىن ەسكەرسەك, ۇكىمەت تاراپىنان جاسالىپ وتىرعان قامقورلىق ايرىقشا ەكەنىن باسا ايتقىم كەلەدى. سوڭعى 6 جىلدا 11 تۇلەگىمىز جوعارى ءبىلىم الىپ شىقتى. 3-ءى ماگيستراتۋرادا وقيدى. مەكتەپالدى دايىندىق توبى جۇمىس ىستەيدى. ازاماتتىق بىرتەكتىلىك پەن ءبىر­تۇ­تاستىقتى نىعايتۋعا باعىت­تال­عان قازاقستاندىق فورمۋلانىڭ دايەك­تىلىكپەن ورىندالاتىنىنا سەنىمدىمىز.  جانكەلدى ءتاجين, پەتروپاۆل قالالىق ءماسليحاتىنىڭ دەپۋتاتى, وبلىستىق ارنايى كوررەكتسيالىق مەكتەپ-ينتەرناتتىڭ ديرەكتورى. سولتۇستىك قازاقستان وبلىسى.