ەلىمىزدە ستۋدەنتتەردىڭ شاكىرتاقىسى 25 پايىزعا ءوستى

استانا. 5 قاڭتار. وسى جىلدىڭ 1 قاڭتارىنان باستاپ بيۋدجەتتىك قىزمەتتەرلەردىڭ ەڭبەكاقىسى كوبەيدى. الاتىن ايلىعىنا سايكەس ەڭبەكاقىعا جيىرمادان قىرىق پايىز ارالىعىندا اقشا قوسىلادى. زەينەتكەرلەردىڭ دە قاجەتىنە جاراتاتىن قارجىسى جەتكىلىكتى بولادى. شاكىرتاقى جوعارىلايدى. وسى قۋانىشتى جاڭالىق ەلباسىنىڭ جولداۋىنداعى الەۋمەتتىك ساياساتتى قايتا قۇرۋ بولىمىندە ايتىلدى. بۇل تۋرالى almaty.tv حابارلادى. قىمباتشىلىق قىستى دەپ قاپالانعان حالىققا ەلباسىنىڭ جولداۋى تاعى دەمەۋ بولدى. ينفلياتسيا ءيىپ اكەتە بەرەتىن قىمباتشىلىقتان قورىقپاي, كەرەگىنە قاجەت قارجى قوسىلاتىن بولدى ەلگە. جولداۋدىڭ «جاڭا الەۋمەتتىك ساياساتى» اتتى بولىمىندە جاھاندىق داعدارىستىڭ تەرىس ىقپالىنا قاراماستان تۇرعىندارعا تولەمدەردىڭ تولەنۋى توقتامايتىنىن جەتكىزدى. الەۋمەتتىك سالا مەن مەملەكەتتىك باسقارۋدا جالاقى الاتىنداردىڭ سانى ەلىمىزدە 1,2 ميلليون ادام بولسا, جاردەماقىعا تاۋەلدى تۇرعىنداردىڭ سانى 1,5 ميلليون ادام. بيىلدان باستاپ دارىگەرلەر جالاقىسىن ادەتتەگىدەن 28, مۇعالىمدەر 29 پايىزعا كوپ الادى. ال الەۋمەتتىك قورعاۋداعى قىزمەتكەرلەردىڭ اي سايىنعى الاتىن اقشاسى 40 پايىزعا دەيىن جوعارىلايدى. وسى رەتتە مەملەكەت باسشىسى: «الەۋمەتتىك ادىلەتتىلىك بۇرمالانباۋى ءتيىس دەگەن پرەزيدەنت زەينەتاقى الاتىنداردىڭ اقشاسى ينفلياتسيا كورسەتكىشىنەن 2 پايىزعا جوعارى بەرىلىپ وتىرادى», – دەدى. سونداي-اق, ەلباسى 2017 جىلدان باستاپ ەلىمىزدە تەگىن تەحنيكالىق-كاسىبي ءبىلىم بەرۋ باعدارلاماسى ىسكە قوسىلادى. ءبىلىم العان جاستار شاعىن كاسىپكەرلىكتىڭ سىرتىندا ءتۇرلى مەملەكەتتىك باعدارلامالارمەن سالىنىپ جاتقان جۇمىستارعا تارتىلادى دەگەندى ايتتى. بۇل قۋانىشتى جاڭالىققا قازاقستاندىقتار ءدان ريزا. ءوز كەزەگىندە الماتى قالالىق «جاس وتان» جاستار قاناتى ورتالىق كەڭەسىنىڭ مۇشەسى مارجان اقتاەۆا: «ەلباسىمىزدىڭ كەزەكتى جولداۋى الماتى قالاسى جاستارى ەرەكشە ىقىلاسپەن قابىلداپ تىڭدادى. وسى جولداۋدا ايتىلعان ەكونوميكا باعىتى يننوۆاتسيالىق جوبا ءبىز جاستاردىڭ ەرەكشە قىزىعۋشىلىمىزدى اۋدارىپ, جاڭا وقۋ جىلىنا جاڭاشا جىگەر بەردى»,- دەدى. جالپى, ەلباسى جولداۋى جاستاردىڭ ماڭدايالدى مامان, ابىرويلى ادام بولۋىنا باعىت پەن ۇمتىلىس بەرەدى. ساپالى ءبىلىم مەن ستۋدەنتتىك تۇرمىستىڭ تۇبەگەيلى جاقسارۋىنا جول اشىلماق تاعى دا. 1 قاڭتاردان باستاپ ستۋدەنتتەر شاكىرتاقىسى 25 پايىزعا وسەدى. بىراق ەلباسىنىڭ قوسىلىپ جاتقان اقشالاردىڭ بيۋدجەتكە عانا ەمەس, كەز كەلگەن ەل ازاماتىنا قوسىمشا سالماق پەن جاۋاپكەرشىلىك جۇكتەيدى دەگەن ەسكەرتپەسىن ەستەن شىعارماعان ءجون. تالعات رايىمبەك. دەرەك, سۋرەت: almaty.tv.