شاڭىراق تۇرىندەگى شاتتىق سارايى

كوگىلدىر كوكشەتاۋ جاڭا جىلدا دا كوركەم عيماراتتارمەن تولىعا تۇسپەك. سولاردىڭ قاتارىندا زاماناۋي نەكە سارايىنىڭ بوي كوتەرۋى ىزگى ۇمىتتەرگە قانات بىتىرەتىنى حاق. كوپتەن كۇتكەن نىساننىڭ شاڭىراق تۇرىندە سالىنىپ جاتقانى جاقسى نيەت, شايقالمايتىن شاتتىعىمىزدىڭ سالتاناتىن اسىرا تۇسەتىنى دە قۋانىشقا بولەيدى. قۇرىلىس قالانىڭ كورنەكتى جەرىندە, بۇقپا تاۋىنىڭ ەتەگى مەن قوپا كولىنىڭ جيەگىندە ەكپىندەتە سالىنىپ جاتىر. اماندىق بولسا, باس مەردىگەر «اق ساۋلە» جاۋاپكەرشىلىگى شەكتەۋلى سەرىكتەستىگى جەتى اي­دا جۇرتشىلىقتىڭ ايرىقشا نازارىنداعى جۇمىستى اياقتاپ شىقپاق. قوس قاباتتى عيمارات شىعىس ساۋلەت ونەرى­نىڭ كلاسسيكالىق ۇلگىسىن ءبۇ­گىنگى ۇردىسپەن ۇندەستىرە قا­بىستىراتىنىن ايتادى ماماندار. قولداعى ماكەتكە قيال جۇگىرتە قاراساڭىز, الدىمەن ساقينا, ودان كەيىن شاڭىراق بولىپ جىمداسقان بولاشاق عيماراتتان توي اۋەنى ەستىلىپ جاتقانداي سەزىم كەشەتىندەيسىز. ءورىس كەڭەيتۋدى ءومىر ءمانى سانايتىن حالقىمىزدىڭ قۋانىشى كوبەيە بەرگەي. ەرتەڭىن ەڭسەلەندىرۋ قامىنداعى مەم­لەكەتىمىز بۇل ورايدا قارجى-قاراجاتىن ءۇيىپ-توگىپ جاتقانى دا عانيبەت. مىنە, ۇلى دالا ەلى ءوز تاۋەل­سىزدىگىنىڭ بەزبەندەپ ولشەنبەيتىن 25 جىلدىق قىمبات بەلەسىنە قادام باستى. قازاقستان پرەزيدەنتى ن.ءا.نازارباەۆ جۋىرداعى جولداۋىندا: «نەبارى شيرەك عاسىردا قازاقستان جا­ھاندىق شارۋاشىلىق باي­لانىستارعا قوسىلعان ەگەمەن ۇلتتىق ەكونوميكا جانە ۇلتتاردىڭ الەمدىك وتباسىنىڭ تولىققاندى قا­تى­سۋشىسىنا اينالعان مەملەكەت رەتىندە قالىپتاستى... ءبىزدىڭ ماقساتىمىز – ەلى باقىتتى, جەرى گۇلدەنگەن قاسيەتتى وتانىمىز قازاقستاندى «ماڭگىلىك ەل» ەتۋ! الەمدەگى ەڭ دا­مىعان 30 مەملەكەتتىڭ قاتارىنا قوسىلىپ, باي دا قۋاتتى ەلدەرمەن يىق ءتۇيىستىرۋ. ءبىز بۇل ماقساتىمىزعا مىندەتتى تۇردە جەتەمىز», دەپ اتاپ كورسەتتى. بۇل – بايلامى بەرىك باتالى ءسوز. ەندەشە, ۇلى ماقسات سا­پارىنىڭ ءبىر پاراسى كوك­شەتاۋدىڭ ەرتەڭ-اق ەسىگىن اشاتىن نەكە سارايىنان دا باستاۋ الاتىنى اقيقات! باقبەرگەن امالبەك, «ەگەمەن قازاقستان». اقمولا وبلىسى.