پوشتاشىلار قۋانىشى

«قازپوشتا» اق سقوف قارا­ماعىندا جۇمىس ىستەيتىن 13 اۋدان­دىق پوشتا بايلانىسى تورابى, 88 اۋىل­دىق, 14 قالالىق بايلانىس بولىمشەلەرى, 17 جىلجىمالى توپ, 27 پوشتا پۋنكتتەرى 700-گە جۋىق ەلدى مەكەن تۇرعىندارىنا قىزمەت كورسەتەدى. سوڭعى جىلدارى جاڭا تەحنولوگيالاردى ەنگىزۋدىڭ ارقاسىندا 127 وندىرىستىك وبەكتىلەر اۆتوماتتاندىرىلىپ, پوشتا, قارجىلىق, اگەنتتىك قىزمەت كورسەتۋ تۇرلەرى ارتتى. 2002 جىلدان بەرى فيليالدىڭ تابىسى 10 ەسە, ورتاشا جالاقى 5 ەسە مولايعان. جاڭا جىل قارساڭىندا ءوڭىردىڭ ­پوشتا قىزمەتكەرلەرى ۇلكەن قۋانىشقا بولەندى. ايماق باسشىسى ەرىك سۇلتانوۆ جەرگىلىكتى بولىمشەلەرگە 14 قىزمەتتىك اۆتو­كولىكتىڭ كىلتتەرىن سالتانات­تى جاع­دايدا تابىس ەتىپ, ولاردىڭ حالىققا قىزمەت كورسەتۋ سالاسىنداعى ەڭبەكتەرىن جوعارى باعالادى. ەلباسىنىڭ قولداۋىمەن «سامۇ­رىق-قازىنا» ۇلتتىق ءال-اۋقات قورى ديرەكتورلارىنىڭ كەڭەسى ترانس­فورماتسيالاۋ باعدارلاماسىن 2014 جىل­دان جۇزەگە اسىرىپ كەلەدى. وزىق جو­با شەڭبەرىندە فيليالدا مەرزىمدى ءباسپاسوز قۇرالدارىن اۆتوماتتى جەلىمەن سۇرىپتاۋ, بايلانىس قىزمەتكەرلەرىن سمارتفوندارمەن جاراقتاندىرۋ, بۋداندى ەلەكتروندى پوشتانىڭ, پوستاماتتاردىڭ وزىندىك جۇيەسىن قۇرۋ, SMS تەحنولوگيالارىن قولدانۋ, كەدەرگىسىز قىزمەت كورسەتۋدى ەنگىزۋ سەكىلدى كوپتەگەن شارالار ۇلكەن قولداۋ تاپتى. 2015 جىلعى ءىV توقساننان بەرى پوشتا بايلانىسى بولىمشەسى ارقىلى تەمىرجول بيلەتتەرى ساتىلادى. فيليالعا بولىنگەن 5 «نيۆا», 5 «ۋاز», 2 «IVECO», 2 «گازەل» اۆتوكولىكتەرى ءبىرىنشى كەزەكتە الىستاعى ايىرتاۋ, اقجار, ماعجان جۇماباەۆ, شال اقىن اۋداندىق بايلانىس بولىمشەلەرىنە, وبلىستىق ارنايى بايلانىس قىزمەتىنە, اۆتوكولىك ۋچاسكەسىنە تابىس ەتىلدى. پوشتا ەلىمىزدىڭ الەۋمەتتىك ومىرىندە ەڭ وزەكتى قاتىناس قۇرالى سانالادى. ونىڭ تۇرعىنداردى حات-حابارمەن, مەرزىمدى باسپاسوزبەن تۇراقتى تۇردە قامتاماسىز ەتۋدەگى ماڭىزى ولشەۋسىز ەكەنى ايتپاسا دا تۇسىنىكتى. ەرىك حامزا ۇلى پوشتا باي­لا­نىسىنىڭ ارداگەرى تىلەك ءابدى­راحمانوۆتى 80 جاسقا تولۋ مەرەي­تويىمەن قۇتتىقتاپ, قۇرمەت گراموتاسىن, مامليۋت اۋدانىنداعى ۆوسكرەسەنوۆكا اۋىلدىق پوشتا بولىمشەسىنىڭ باسشىسى سۆەتلانا تۋلينوۆاعا – ينۆەستيتسيالار جانە دامۋ مينيسترلىگىنىڭ «ۇزدىك بايلانىسشى» توسبەلگىسىن, ەسىل اۋداندىق پوشتا بولىمشەسىنىڭ اعا ينسپەكتورى نادەجدا يونوۆاعا «قازپوشتا» اق-تىڭ قۇرمەت گراموتاسىن تابىستادى. وبلىستىق فيليالدىڭ ديرەك­تورى ەرىك نۇراقاەۆ پوشتا سالا­سىنىڭ دامۋىنا ەرەكشە كوڭىل ءبولىپ وتىرعان, سوڭعى ەكى جىلدا ماشينا پاركى 40 تەحنيكا بىرلىگىمەن تولىققانىن جەتكىزدى. سالتاناتتى شارادان كەيىن ە.سۇلتانوۆ وپەراتسيا زالىنداعى پوستاماتتىڭ جۇمىسىمەن تانىس­تى. وسىنداي پوستاماتتار ساۋدا ۇيلەرىندە دە جۇمىس ىستەيدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن امانگەلدى بەكمۇراتوۆ.