تالدىقورعاندى تۇرلەندىرەر تەاتر

جەتىسۋدا جارىسا بوي كوتەرگەن قۇرىلىس نىساندارى مەشىن جىلى دا جالعاسىن تابادى. سونىڭ بىرەگەيى تالدىقورعاندا سالىناتىن الماتى وبلىستىق دراما تەاترى بولىپ سانالادى. قۇرى­لىس نىسانىنىڭ جالپى اۋماعى 10513,40 شارشى مەتر بولاتىن­دىعى, وندا 3 قاباتتى عيمارات بوي كوتەرەتىندىگى جوسپارلانعان. كورگەن جاننىڭ كوزىن تويدىراتىن عيماراتتىڭ سىرت كەلبەتى اسەمدىگىمەن قالا ءسانىن كوركەيتە تۇسسە, ىشىنە 510 ادام سىيىپ ناعىز ونەر ورداسىنا اينالارى حاق. ءوڭىر باسشىسىنىڭ بۇل ماڭىز­دى ماسەلەنى الدىن الا كەڭى­نەن ويلاس­تىرعاندىعى سول, بۇگىندە دراما تەاتردىڭ قۇرىلىس جۇمىستارىن جۇرگىزۋ ءۇشىن ەكونوميكالىق-تەحني­كالىق نەگىزدەگى كەشەندى ساراپتامانىڭ قورىتىندىسى دا شىقتى. جوبانى تالقىلاپ, قاراۋ ءۇشىن مەملەكەتتىك ساتىپ الۋ جۇرگىزۋگە كونكۋرستىق قۇجات­تار دايىندالۋدا. بۇل دەگەنى­مىز, بەلگىلەنگەن ۋاقىتتا قۇرى­لىس جۇمىسىن جۇرگىزەتىن قۇرى­لىس كومپانياسىن انىقتاپ, زاڭنا­ما شەڭبەرىندە دراما تەاتر قۇرى­لىسىن ەشقانداي كەدەرگىسىز باستاۋعا اشىلعان جول بولىپ ­سانالادى. ءسويتىپ, تالدىقورعان­نىڭ باتىسىندا بوي كوتەرەتىن ­دراما ­تەاترى جاڭا شاعىن اۋداندا ­جارىسا سالىنىپ, ساپ تۇزە­گەن قۇرى­لىس نىساندارىمەن قاناتتاسا قالانى تۇرلەندىرە تۇسەتىنىنە كامىل سەنىم بار. نۇربول الدىباەۆ, «ەگەمەن قازاقستان». تالدىقورعان.