كۇش بىرىكتىرگەننەن كۇتەر ناتيجە كوپ

امەريكا-قازاقستان ەنەرگەتي­كا­لىق ارىپتەستىگى اياسىندا قر يندۋستريا جانە جاڭا تەحنولوگيا­لار مينيسترلىگى مەن اقش-تىڭ ەنەرگەتيكا مينيسترلىگى بىرلەسىپ قايتالاما قۋات كوزدەرىن دامىتۋ مەن قۋات تيىمدىلىگى كەدەرگىلەرىن ەڭسەرۋ جانە ىنتالاندىرۋ بوي­ىنشا سەمينار وتكىزدى. ەكى كۇنگە سوزىلعان باسقو­سۋعا اقش ەنەر­گەتيكا مينيسترلىگى جانىنداعى قايتالاما قۋات كوزدەرى ۇلتتىق زەرتحاناسىنىڭ, دجوردجيا شتاتى تەحنولوگيا ينستيتۋتى مەن Hudson ءTechnologىes كوم­پانياسىنىڭ ساراپشىلارى قاتىستى. قازاقستان تارا­پىنان سەمينار جۇمىسىن ۇكىمەت,  ونەركاسىپ كاسىپ­ورىندارى مەن وزگە دە ۇيىمداردىڭ وكىلدەرى تىڭدادى. باسقوسۋ بارىسىندا اقش تاراپىنىڭ تابىستارى, تازا ەنەرگەتيكالىق تەحنولوگيالار ەنگىزۋدە قانداي كەدەرگىلەرگە كەزدەسكەنى جان-جاقتى ايتىلدى. قايتالاما قۋات كوزدەرى ماسەلەلەرى بويىنشا پىكىر­تالاستاردا اتالعان سالاداعى قازاقستاننىڭ الەۋەتى, وسى باعىتتا ىلگەرى جىلجي وتىرىپ, ىقتيمال كەدەر­گى­لەر­دى قالاي ەڭسەرۋگە بولاتىنى, جەل ەنەرگياسىن پايدالانۋ ىسىندە مۇمكىندىكتى ايقىنداۋ ءۇشىن كارتا جاساۋدا تالدامالاردى قالايشا كادەگە اسىرۋعا بولاتىنى تۋرالى اڭگىمە قوزعالدى. قۋات تيىمدىلىگى ماسەلەلەرىمەن اينالىساتىن توپ قۋات باسقارۋ باعدارلامالارىن جۇزەگە اسىرۋ جولدارىن وقىپ, وندىرىستىك قۋات تيىمدىلىگى ستاندارتتارى بويىنشا شو­لۋلار وتكىزدى. ەكى تاراپتان قاتىسۋشىلار تازا ەنەرگيانى دامىتۋ ءۇشىن ستراتەگيا جاساۋ قاجەتتىگىن اتاپ كورسەتتى. امەريكا قۇراما شتاتتارى مەن قازاقستان ەنەر­گەتيكا سالاسىندا ۇزاق ۋاقىتتان بەرى ىنتىماقتاسىپ كەلەدى. ۇستىمىزدەگى جىلدىڭ 11 ساۋىرىندە اقش پرەزي­دەنتى باراك وباما مەن قازاقستان پرەزيدەنتى نۇر­سۇل­تان نازارباەۆ ۆاشينگتوندا وتكەن يادرولىق قاۋىپسىزدىك جونىندەگى سامميتتە كەزدەسكەن بولاتىن. سول جولى ەكى جاقتى مالىمدەمە قابىلدانىپ, وندا يادرولىق قاۋىپ­سىز­دىك پەن تاراتپاۋ, ورتالىق ازياداعى وڭىرلىك قاۋىپ­سىزدىكتى كۇشەيتۋ ماقساتىندا ەكىجاقتى ىنتىماق­تاس­تىقتى ارتتىرۋ اتاپ كورسەتىلگەن ەدى. ونىڭ ىشىندە مەملەكەت باس­شىلارى قازاقستان رەسپۋبليكاسى مەن امەريكا قۇراما شتاتتارى اراسىنداعى 15 جىلدىق تىعىز ىنتىماقتاستىق تاجىريبەسى يادرو­لىق قارۋدى قول­دانۋ قاتەرىن قىسقارتۋ ىسىندە تابىس اكەلگەنىنە ەك­پىن تۇسىرگەن-ءتىن. سونداي-اق يادرولىق ەنەرگەتيكا سالا­سىندا جانە قۋاتتىڭ بالامالى كوزدەرى بويىنشا ىن­تى­ماقتاستىقتى نى­عايتۋعا نيەتتەستىك تانىتقان بولاتىن. “ەگەمەن-اقپارات”.