نان باعاسى قىمباتتامايدى

وڭتۇستىككە اۋىل شارۋاشىلىعى ءمينيسترى ا.كۇرىش­باەۆ باستاعان دەلەگاتسيا كەلدى. استىق اتاسى – نان. بيىلعى قۋاڭشىلىقتى پايدالانىپ پايدا تابۋ ءۇشىن نان ونىمدەرى باعاسىن كوتەرىپ جىبەرۋگە بولمايدى. ال, باعانى ىرىقتان شىعارماۋعا مۇمكىندىكتەر بار. ا.كۇرىشباەۆ ەلباسىنىڭ تاپ­سىر­ماسىنا سايكەس “قازاگرو” اق, “ازىق-ت ۇلىك كەلىسىم-شارت كورپو­را­تسيا­سى” اق قاتىسۋىمەن استىق ءوسىر­مەيتىن جانە وسى داقىل جەتكى­زىلمەيتىن ايماقتاردى قامتاماسىز ەتۋ جونىندە مەموراندۋمعا قول قويىلاتىندىعىن ايتتى. اكىمدىكتەر استىقتى ماقساتتى پايدالانۋدى قامتا­ما­سىز ەتىپ, نان ونىمدەرىنىڭ باعاسىنا باقىلاۋ جاساپ وتىرۋى كەرەك. سوندا عانا ىشكى رىنوكتاعى استىقتىڭ باعاسىنا تاۋەلدىلىكتى ىرىقتاندىرىپ, باعانى تۇراقتى ۇستاي الامىز. ايماقتاردى قاجەتتى ونىمدەرمەن قامتا­ما­سىز ەتكەننەن كەيىن استىق وندىرۋشىلەر ءوز ونىمدەرىن شەتەلدەرگە الەمدىك رىنوك باعاسى بويىنشا ساتۋعا شىعارا الادى. “قازاگرو” اق باسقارما توراعا­سى اسىلجان ما­مىت­بەكوۆ “ازىق-ت ۇلىك كەلىسىم-شارت كورپوراتسياسى” اق قورىنان وپەراتورلاردىڭ بەلگىلەنگەن باعا مولشە­رىندە استىق الا الاتىنىن ايتتى. ءمينيستردىڭ ايتۋى بويىنشا, قازاقستاننىڭ وسى ونىمدەرگە قاجەتتىلىگى 3,5 ملن. توننا. كور­پو­راتسيادا ءوت­كەن جىلداردان قالعان 1.5 ملن. توننا قور بار. ەندىگى ءمىن­دەت, تونناسىن 180 دوللارعا با­عا­لاپ, استىق ءوندىرۋشى ءوز ديقاندا­رىمىزدان 2 ملن. توننا ءداندى داقىل ساتىپ الىنسا, ىشكى رىنوكتى تولىق قامتاماسىز ەتۋگە بولادى. ال وڭتۇستىكتىڭ جىلدىق قاجەتى 439 مىڭ توننا. ياعني, اي سايىن 34 مىڭ توننا استىق كەستەگە سايكەس جەتكىزىلۋى كەرەك. وسى ورايدا “امانگەلدى ۇن” كورپوراتسياسىنىڭ پرە­زي­دەنتى نۇرلان قۇرالوۆ “قازاگرو” اق باسشىسىنا استىقتى ەكىنشى دارە­جەلى بانك كەپىلدىگى ارقىلى ساتىپ الۋدى ۇسىندى. ويتكەنى, شارۋا­لار­دىڭ قولىندا كوتەرمە باعامەن سا­تىپ الاتىنداي قارجى جوق. “قاز­اگرو” باسشىسى ەكى جاققا دا ءتيىمدى ۇسىنىستى قولدادى. وبلىس باسشىسى اسقار مىر­زاح­مەتوۆ وبلىس ديقاندارى وندىرگەن بيدايدىڭ دا ىشكى قاجەتتىلىكتى وتەۋگە جۇمسالاتىنىن ايتتى. جيىن سوڭىندا تاراپتار مەمو­راندۋمعا قول قويدى. بيىلعى كۇز وڭتۇستىكتىك ديقان­دار  شامامەن 266,2 مىڭ توننا اس­تىق جيناپ الدى. گەكتار ءتۇسىمى 15 تسەنت­نەردەن اينالدى. بۇل وتكەن جىلعا قاراعاندا تومەندەۋ بولعا­نى­مەن باسقا وڭىرلەرمەن سالىستىر­عاندا كوڭىل توعايتاتىن مولشەر. بۇگىندە وبلىس ديقاندارى كۇزگى اس­تىق ءۇشىن جەر ايداۋدى باستاپ كەتتى. باقتيار تايجان. وڭتۇستىك قازاقستان وبلىسى.