ءماجىلىس بيۋروسى ءوتتى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتا بيۋروسىنىڭ وتىرىسىندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى. قارجى جانە بيۋدجەت كوميتەتى ۇكىمەتتەن ەل بيۋدجەتىنە قاتىستى زاڭ جوبالارى كەلىپ تۇسكەنىن ءمالىم ەتتى. “2011-2013 جىلدارعا ارنالعان رەسپۋبليكالىق بيۋدجەت تۋرالى”, “قازاقستان رەسپۋبليكاسىنىڭ ۇلت­تىق قورىنان 2011-2013 جىلدارعا ار­نالعان كەپىلدەندىرىلگەن ترانس­فەرت تۋرالى”, سونداي-اق “رەسپۋب­لي­­كالىق جانە وبلىستىق بيۋد­جەت­تەر, رەسپۋبليكالىق ماڭىزى بار قالا, استانا بيۋدجەتتەرى اراسىن­دا­عى 2011-2013 جىلدارعا ارنالعان جال­پى سيپاتتاعى ترانسفەرتتەردىڭ كولە­مى تۋرالى” زاڭ جوبالارى بويىنشا قورىتىندى ازىرلەۋ ماسەلەلەرى قارالدى. حالىقارالىق ىستەر, قورعانىس جانە قاۋىپسىزدىك كوميتەتىنە “قازاق­ستان رەسپۋبليكاسى مەن كورەيا رەس­پۋبليكاسى اراسىنداعى ۇستاپ بەرۋ تۋ­رالى شارتتى راتيفيكاتسيالاۋ تۋ­را­لى” قازاقستان رەسپۋبليكاسى زا­ڭى­نىڭ جوباسى بويىنشا قورىتىن­دى ازىرلەۋ مىندەتى جۇكتەلەتىن بولدى. “ەگەمەن-اقپارات”.