الاڭدا — پروكۋراتۋرا قىزمەتكەرلەرى

استانا قالاسىنداعى مۇڭايتپاسوۆ اتىنداعى ورتالىق ستاديوندا قازاقستان رەسپۋبليكاسى كونستيتۋتسياسىنىڭ 15 جىلدىعىنا وراي قر باس پروكۋرورىنىڭ كۋبوگىنا ارنالعان پروكۋراتۋرا ورگاندارى كوماندالارى اراسىندا ميني-فۋتبول بويىنشا قورىتىندى ويىندار بولىپ ءوتتى. چەمپيونات رەسپۋبليكانىڭ بەس وڭىرىندە شىلدە ايىنىڭ سوڭىندا باستالدى, الدىن-الا وتكىزىلگەن ماتچتار استانا, تاراز, كوكشەتاۋ, اقتوبە جانە وسكەمەن قالالارىندا بولدى. قورىتىندى ماتچقا وڭىرلىك توپتاردىڭ جەڭىمپازدارى – باس پروكۋراتۋرا, باس اسكەري پروكۋراتۋرا, الماتى قالاسى جانە قاراعاندى, اقتوبە, اتىراۋ, الماتى وبلىستارى پروكۋراتۋرالارىنىڭ كوماندالارى قاتىستى. چەمپيوناتتىڭ سالتاناتتى جابىلۋ راسىمىندە باس پروكۋرور جەڭىمپاز اتانعان باس پروكۋراتۋرانىڭ كومانداسىنا كۋبوك تابىس ەتتى. ەكىنشى ورىندى قاراعاندى وبلىسىنىڭ كومان­داسى يەلەنسە, ءۇشىنشى ورىنعا الماتى قالاسىنىڭ پروكۋراتۋراسى شىقتى. شەبەرلىكتەرىمەن كوزگە تۇسكەندەردىڭ اراسىندا “ۇزدىك شابۋىلشى” نوميناتسياسىن جامبىل وب­لىسىنىڭ قورداي اۋدانى پروكۋراتۋراسىنان كەلگەن جا­نات سەيداليەۆ يەلەندى, ال اتىراۋ وبلىسى كو­مانداسىنىڭ ويىنشىسى ەرجان ەراليەۆ ۇزدىك قور­عاۋ­شى دەپ تانىلسا, قاراعاندى وبلىسى پروكۋراتۋ­راسىنىڭ باسقارما باستىعى كامال ابەۋپ ۇزدىك قاقپاشى اتاندى. سپورتشىلاردى قۇتتىقتاعان باس پروكۋرور ەل­باسىنىڭ سالاماتتى ءومىر سالتىن ناسيحاتتاۋ جونىندەگى باستاماسى پروكۋراتۋرا ورگاندارىندا بەلسەندى قولداۋ تاۋىپ وتىرعانىن اتاپ ءوتتى جانە كەلەشەكتە وسى يگى ءداستۇردىڭ جالعاسىن تابۋىنا تىلەكتەستىگىن ءبىلدىردى, دەپ حابارلادى باس پروكۋراتۋرانىڭ ءباسپاسوز قىزمەتى.