كومەك قولىن سوزۋ – ادامدىق ايناسى

باتىس قازاقستان وبلىسىنداعى اسا ءىرى قاراشىعاناق مۇناي-گاز كوندەنساتى كەن ورنىندا قۇرامالىق وقىتۋدىڭ جۇمىس­تارى ءساتتى اياقتالدى دەۋگە بولادى. اتال­مىش وقىتۋ جۇيەسىنىڭ باستى مىندەتى “قاراشىعاناق پەترولەۋم وپەرەيتينگ” كومپانياسىنداعى اپاتتىق-قۇتقارۋ قىزمەتىنىڭ وڭىرلىك دايىندىعى مەن ءوزارا قارىم-قاتىناس ناتيجەسىنەن تۋىنداعان اقپاراتتىق جانە حابارلاندىرۋ بايلا­نىسىنىڭ تيىمدىلىگىن ارتتىرۋ بولىپ تابىلاتىندىعىن بىلايعى جۇرت ونىمەن تانىسىپ تا ۇلگەرگەن شىعار. ەلىمىز بويىنشا قاۋىپسىزدىك شارالارى جوعارى دەڭگەيدە قاداعالاتاتىن ءمىنسىز جوبانىڭ ءبىرى وسى قاراشىعاناق ەكەندىگىن ەسكەرسەك, قورشاعان ورتانى قورعاۋ ماسەلەسى جاعىنان دا قاراشىعاناق تابي­عاتتى قورعاۋ ينفراقۇرىلىمىنا ەرەك­شە نازار اۋدارىپ كەلگەنى اسىرا سىلتەۋ­دى قاجەت ەتپەيتىن اقيقات. سول سەبەپتى دە قاراشىعاناق جانە وعان قاراستى كومپانيانىڭ قۇزىرەتتى بولىمشەلەرىندە توتەنشە جاعدايلاردى بولدىرماۋعا ارنالعان, سونىمەن قاتار كەز كەلگەن جاع­دايداعى دايىندىق شارالارىن پراكتيكا­لىق تۇرعىدان قامتاماسىز ەتەتىن وقىتۋ جۇمىستارى تۇراقتى وتكىزىلىپ وتىرادى. قولعا الىنعان مۇنداي جۇمىستار مەملەكەتتىك قۇرىلىمدار اراسىنداعى قارىم-قاتىناستى ىلگەرىلەتۋگە ءوز سەپىگىن تيگىزبەي قويمايدى. توتەنشە جاعدايلاردى بولدىرماۋ باعىتىنا ارنالعان بىرلەسكەن باسقارۋ مەن باقىلاۋ ءىس-شارالارىن تاجىريبەلىك تۇرعىدان جۇرگىزۋ, قپو-داعى اپاتتىق-قۇتقارۋ قىزمەتىنىڭ دايىندىعىن تەكسەرۋ, اقپاراتتىق جانە حابارلاندىرۋ بايلا­نىسىنىڭ تيىمدىلىگىن ارتتىرۋ سىندى ناتيجەلى جۇمىستار بۇگىنگى كۇنگە دەيىن وزگەلەرگە ۇلگى بولىپ وتىر. اپاتتىق-قۇتقارۋ قىزمەتى بەلگىلى ءبىر تارتىپپەن ءوز مىندەتتەرىن جەدەل تۇردە اتقارىپ كەلەدى. قپو كومپانياسىنىڭ جەدەل-قۇتقارۋ باسقارماسىنىڭ جەتەكشىسى الەكساندر وحريمەنكو ءبىرىنشى كەزەڭدەگى ناتيجەگە سۇيەنىپ: “وقىتۋ ناتيجەسى كورسەتكەندەي, قپو كومپانياسى جانە ونىڭ اپاتتىق-قۇتقارۋ قىزمەتىنىڭ ورىنداعان جۇمىستارى وتە ورىندى. قپو-نىڭ اپاتتىق-قۇتقارۋ قىزمەتى كەز كەلگەن توتەنشە جاعدايعا دايىن”, – دەپ باعاسىن بەرگەن بولاتىن. توتەنشە جاعدايلاردى بولدىرماۋعا ارنالعان وپەراتسيانىڭ جەتىستىگى قپو كومپانياسىنىڭ قۇتقارۋ جانە اپاتتىق قىزمەتىنىڭ قيمىل بىرلىگىنە تاۋەلدى ەدى. 2010 جىلعى قۇراما وقىتۋ ناتيجەسى كورسەتكەندەي قاراشىعاناق كەن ورنىن پايدالانۋداعى قاۋىپسىزدىك ءىس-شارالارىن جۇزەگە اسىراتىن مول تاجىريبەسى مەن مۇمكىندىگى جوعارى ەكەندىگىن كورسەتەدى. وقۋ جۇمىستارىنا قاتىسۋشىلاردىڭ اراسىندا رەسەيدىڭ توتەنشە جاعدايلار مينيسترلىگى­نىڭ قىزمەتكەرلەرى دە كەزدەستى. ولار اتال­مىش كومپانيانىڭ قىزمەتكەر­لەر قۇرامى مەن تەحنيكالىق قۇرىلعى­لارى, توتەنشە جاعدايلار بولىمشەسى مەن باتىس قازاقسان وبلىسىنىڭ ءىىد جانە باسقا دا ماماندان­دىرىلعان ۇيىمدار بۇل ايماقتاعى تابيعي رەسۋرستاردى ناقتى قاداعالاۋعا جان-جاقتى كىرىسۋگە تولىق مۇمكىندىكتەرىنىڭ بار ەكەندىگىنە كوزدەرى جەتتى. باتىسقازاق­ستاندىق ارىپتەستەرىنىڭ ۇتقىرلىعى مەن بەيىمدىلىگىن رەسەيلىك قۇت­قارۋ­شىلار جوعارى باعالادى. “قۇتقارۋ­شىلار مەن ءورت سوندىرۋشىلەردىڭ شەبەر­لىك­تەرى جانە بارلىق تەحنيكالىق جابدىق­تارىڭىز بىزگە جاقسى اسەر ەتتى. اپاتتىق-قۇتقارۋ بريگاداسى تىكەلەي تاعايىندالعان تاپسىرمالاردى ورىنداۋعا قابىلەتتى ەكەندىكتەرىن كورسەتتى”, – دەگەن جىلى پىكىرىن رەسەيدىڭ ورىنبور وبلىسىنداعى توتەنشە جاعداي-جەدەل قۇتقارۋ باس باسقارماسىنىڭ باستىعى ماكسيم رديۋكوۆ ءبىلدىردى. مۇنداي التى كەزەڭنەن تۇراتىن قۇرا­ما وقىتۋ جۇمىستارى ءار ءۇش جىل سايىن بولىپ تۇراتىندىعى بەلگىلى. سونى­مەن قاتار, مۇنداي وقىتۋ جۇمىستارىنىڭ اياسىندا ءاربىر قىزمەت ورنى ايىنا ءبىر­نەشە رەت جاتتىعۋ وتكىزىپ تۇرادى. “وقىتۋ­دىڭ ناتيجەسى بويىنشا ناقتى ساراپتاما جۇرگىزەمىز. مۇنىڭ باستى سەبەبى, كەن ورنىنىڭ قاۋىپسىزدىكتى قامتاماسىز ەتۋ دەڭگەيى قانداي دارەجەدە ەكەندىگىن انىقتايدى”, – دەيدى باتىس قازاقستان وب­­لىس­تىق توتەنشە جاعدايلار دەپارتا­مەنتىنىڭ باستىعى قادىر بيسەمباەۆ. ء“ورت ءسوندىرۋشى” دەپ اتالاتىن مامان­داندىرىلعان ورتالىقتا 2 مىڭعا جۋىق ارنايى كاسىبي قۇتقارۋشى دايىندالادى. مۇنداي وقۋ-جاتتىعۋ جۇمىستارى بارلىق وقىتۋ ورتالىقتارى مەن بولىمشەلەرىندە جاۋاپتى ەمتيحان تۇرىندە وتكىزىلەدى. تالاپتانعان ماماندار ءوز الدارىنا دا ماڭىزدى مىندەتتەر قويا بىلەدى. استانا­داعى ازاماتتىق قورعانىس جونىندەگى ماماندان­دىرىلعان وقۋ ورتالىعىنىڭ باس ديرەك­تورى ماناربەك بايجۇمانوۆتىڭ: “بۇدان بىلاي دايىندىعىمىزدى الدە­قاي­دا جو­عار­عى ساپالىق دەڭگەيگە كوتەرۋى­مىز كەرەك. بۇل دەگەنىمىز وقۋ ورتالىق­تارى­نىڭ وقىتۋ باعدارلامالارىن بۇرىن­عىسىنان دا جاقسارتۋعا, نىعايتا تۇسۋگە جول اشادى”, – دەپ ايتقان پىكىرىنەن دە بۇل باعىتتاعى جۇمىستار ءوز ناتيجەلەرىن جوعارى دەڭ­گەيگە كوتەرە الاتىنىنا سەنىمدىمىز. ەلى­مىز­دىڭ باسقا دا وڭىرلەرىنە كومەك قولىن ۇسىنىپ, دەر كەزىندە جاردەمدەسە الاتىن­دىقتارى دا جۇرەككە جىلۋلىق ۇيالاتادى. ويتكەنى كومەك قولىن ۇسىنۋ – ۇلكەن ادام­دىق پەن ادامگەرشىلىكتىڭ اسقار شىڭى. اراي ۇيرەنىشبەكقىزى.