قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №213

2010 جىلعى 31 ناۋرىز  استانا قالاسى اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىقتى بەكىتۋ تۋرالى “اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى” قازاقستان رەسپۋبليكاسىنىڭ 2005 جىلعى 8 شىلدەدەگى زاڭىنىڭ 6-بابى 1-تارماعىنىڭ 24) تارماقشاسىنا جانە “مەملەكەتتىك قىزمەت تۋرالى” قازاقستان رەسپۋبليكاسىنىڭ 1999 جىلعى 23 شىلدەدەگى زاڭىنىڭ 3-بابى 1-تارماعىنىڭ 13) تارماقشاسىنا سايكەس, اگروونەركاسىپتىك كەشەن قىزمەتكەرلەرىن جانە اگروونەركاسىپتىك كەشەننىڭ كاسىپورىندارى مەن ۇيىمدارىنىڭ ەڭبەك ۇجىمدارىن كوتەرمەلەۋ ماقساتىندا بۇيىرامىن: 1. قوسا بەرىلىپ وتىرعان اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىق بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگى اكىمشىلىك قامتاماسىز ەتۋ دەپارتامەنتى (كەرىمبەك ا. ج.) زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن. 3. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر   ا.كۇرىشباەۆ. ______________________ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2010 جىلعى 31 ناۋرىزداعى № 213 بۇيرىعىمەن بەكىتىلگەن اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىق 1. جالپى ەرەجەلەر 1. وسى اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىق (بۇدان ءارى - نۇسقاۋلىق) “اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى” قازاقستان رەسپۋبليكاسىنىڭ 2005 جىلعى 8 شىلدەدەگى زاڭىنىڭ 6-بابى 1-تارماعىنىڭ 24) تارماقشاسى جانە “مەملەكەتتىك قىزمەت تۋرالى” قازاقستان رەسپۋبليكاسىنىڭ 1999 جىلعى 23 شىلدەدەگى زاڭىنىڭ 3-بابى 1-تارماعىنىڭ 13) تارماقشاسى نەگىزىندە اگروونەركاسىپتىك كەشەن قىزمەتكەرلەرىن (بۇدان ءارى - قىزمەتكەرلەر) جانە اگروونەركاسىپتىك كەشەننىڭ كاسىپورىندارى مەن ۇيىمدارىنىڭ ەڭبەك ۇجىمدارىن (بۇدان ءارى – ەڭبەك ۇجىمدارى) كوتەرمەلەۋ ماقساتىندا ازىرلەندى. 2. ۇزدىك قىزمەتكەرلەر جانە ەڭبەك ۇجىمدارى: 1) قازاقستان رەسپۋبليكاسى اۋىل شارۋاشىلىعى مينيسترلىگىنىڭ قۇرمەت گراموتاسىمەن; 2) قازاقستان رەسپۋبليكاسى اۋىل شارۋاشىلىعى ءمينيسترىنىڭ العىسىمەن كوتەرمەلەنەدى. 3. قازاقستان رەسپۋبليكاسى اۋىل شارۋاشىلىعى مينيسترلىگىنىڭ قۇرمەت گراموتاسى جانە قازاقستان رەسپۋبليكاسى اۋىل شارۋاشىلىعى ءمينيسترىنىڭ العىسى ۆەدومستۆولىق ناگرادالار بولىپ تابىلادى. 4. كوتەرمەلەۋگە قىزمەتكەرلەردى جانە ەڭبەك ۇجىمدارىن ىرىكتەۋ ولشەمدەرى مىنالار بولىپ تابىلادى: 1) قازاقستان رەسپۋبليكاسى اۋىل شارۋاشىلىعى مينيسترلىگى (بۇدان ءارى – مينيسترلىك) سالالارىن دامىتۋعا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى پرەمەر – ءمينيسترىنىڭ اگروونەركاسىپتىك كەشەن سالاسىنداعى ساياساتىن ىسكە اسىرۋعا ەلەۋلى ۇلەس قوسۋ; 2) وندىرىسكە اگرارلىق عىلىمنىڭ جەتىستىكتەرىن ەنگىزۋ, اسا قۇندى ونەرتابىستارىنىڭ بولۋى; 3) لاۋازىمدىق مىندەتتەردى ادال, ۇلگىلى ورىنداۋ, سونداي-اق, اسا ماڭىزدى جانە كۇردەلى تاپسىرمالاردى ورىنداۋ; 4) كاسىبي قىزمەتتە جوعارى جەتىستىكتەرگە جەتۋ, مەملەكەتتىك باسقارۋدىڭ جاڭا ۇدەمەلى ادىستەرىن ەنگىزۋ. 5. قىزمەتكەرلەردى جانە ەڭبەك ۇجىمدارىن كوتەرمەلەۋ مەرەكە كۇندەرگە: قازاقستان رەسپۋبليكاسىنىڭ كونستيتۋتسيا كۇنىنە, قازاقستان رەسپۋبليكاسىنىڭ تاۋەلسىزدىك كۇنىنە, اۋىل شارۋاشىلىعى قىزمەتكەرى كۇنىنە جانە قىزمەتكەرلەردىڭ مەرەيتوي كۇندەرىنە ورايلاستىرىلۋى مۇمكىن. 2. مينيسترلىكتىڭ قۇرمەت گراموتاسى 6. مينيسترلىكتىڭ قۇرمەت گراموتاسىمەن ادال جۇمىسى, كاسىبي شەبەرلىگى, سالانىڭ الدىنا قويىلعان مىندەتتەردى ورىنداۋعا قوسقان جەكە ۇلەسى ءۇشىن جانە اتالعان ۇجىمدا كەمىندە 5 جىل ەڭبەك ءوتىلى بار قىزمەتكەرلەر, سونداي-اق, جۇمىستاعى جوعارى كورسەتكىشتەرى ءۇشىن ەڭبەك ۇجىمدارى ماراپاتتالادى. 7. مينيسترلىكتىڭ قۇرمەت گراموتاسىمەن ماراپاتتاۋ تۋرالى شەشىمدى مينيسترلىكتىڭ, ونىڭ ۆەدومستۆولارىنىڭ جانە اۋماقتىق ورگاندارىنىڭ قۇرىلىمدىق بولىمشە باسشىلارىنىڭ, جەرگىلىكتى اتقارۋشى ورگانداردىڭ, باسقا دا ۇيىمداردىڭ ۇسىنىستارى بويىنشا قازاقستان رەسپۋبليكاسى اۋىل شارۋاشىلىعى ءمينيسترى (بۇدان ءارى – مينيستر) قابىلدايدى. مينيسترلىكتىڭ قۇرمەت گراموتاسىمەن ماراپاتتاۋ ءۇشىن كەلەسى مەرەيتوي كۇندەرى بەلگىلەنەدى: قىزمەتكەرلەر ءۇشىن 50 جانە 60 جاس, ال ەڭبەك ۇجىمدارى ءۇشىن 20 جىل جانە ارى قاراي ءار ون جىل سايىن. 8. مينيسترلىكتىڭ قۇرمەت گراموتاسىنا مينيستر قول قويادى. 3. ءمينيستردىڭ العىسى 9. قىزمەتكەرلەر مەن ەڭبەك ۇجىمدارىنا: 1) اسا ماڭىزدى جانە كۇردەلى تاپسىرمالاردى ورىنداعانى ءۇشىن; 2) مينيسترلىكتىڭ اتاۋلى تاپسىرمالارىن ءتيىستى دەڭگەيدە جانە ادال ورىنداعانى ءۇشىن; 3) وندىرىسكە اگرارلىق عىلىمنىڭ جەتىستىكتەرىن ەنگىزگەنى, اسا قۇندى ونەرتابىستارى ءۇشىن ءمينيستردىڭ اتىنان العىس جاريالانادى. 10. العىستىڭ رەسمي ماتىنىنە مينيستر قول قويادى. 4. مينيسترلىكتىڭ قۇرمەت گراموتاسىمەن جانە ءمينيستردىڭ العىسىمەن ماراپاتتاۋ 11. قۇرمەت گراموتاسىمەن ماراپاتتاۋعا ۇسىنىلعان قىزمەتكەرلەرگە ناقتى سىڭىرگەن ەڭبەگىن كورسەتە وتىرىپ, وسى نۇسقاۋلىققا 1-قوسىمشاعا سايكەس ۇسىنىس رەسىمدەلەدى. ەڭبەك ۇجىمدارىن ماراپاتتاۋ كەزىندە وسى نۇسقاۋلىققا 2-قوسىمشاعا سايكەس ۇسىنىس رەسىمدەلەدى. 12. ءمينيستردىڭ العىسىن جاريالاۋ ءۇشىن مينيسترلىككە قىزمەتكەرلەردىڭ نەمەسە ەڭبەك ۇجىمدارىنىڭ ناقتى ەڭبەكتەرىن سيپاتتاي وتىرىپ, ەركىن نىساندا قولداۋ حات جولدانادى. 13. مينيسترلىكتىڭ قاراماعىنداعى, سونداي-اق, ورتالىق مەملەكەتتىك ورگاندار قاراماعىنداعى ۇيىمدار مينيسترلىككە ءبىرىنشى باسشىسىنىڭ قولىمەن ماراپاتتاۋ تۋرالى ۇسىنىس جانە قولداۋ حات جىبەرەدى. 14. مەنشىك نىسانىنا قاراماستان اگروونەركاسىپتىك كەشەن ۇيىمدارى, اگروونەركاسىپتىك كەشەن سالاسىندا قىزمەت ەتەتىن جەكە تۇلعالار اگروونەركاسىپتىك كەشەن سالاسىنداعى جەرگىلىكتى اتقارۋشى ورگاندارعا ماراپاتتاۋ تۋرالى ۇسىنىس جانە قولداۋ حات بەرەدى, ولار وبلىس اكىمدەرىنىڭ قولىمەن مينيسترلىككە جىبەرىلەدى. 15. ماراپاتتاۋ تۋرالى ۇسىنىستار مەن قولداۋ حاتتار مينيسترلىككە مەرەكەلىك, مەرەيتوي كۇندەرىنە دەيىن 30 كۇنتىزبەلىك كۇننەن كەشىكتىرىلمەي جولدانادى. 16. قۇرمەت گراموتاسىمەن ماراپاتتاۋ جانە العىس جاريالاۋ ءمينيستردىڭ بۇيرىعىمەن جۇرگىزىلەدى. 17. مينيسترلىكتىڭ قۇرمەت گراموتاسىن تاپسىرۋ جانە العىس جاريالاۋ مەرەكەلىك جاعدايدا مينيسترلىكتە نەمەسە ماراپاتتالاتىن قىزمەتكەر جۇمىس ىستەيتىن ەڭبەك جۇزەگە اسىرىلادى. 18. قىزمەتكەرلەردى جانە ەڭبەك ۇجىمدارىن كوتەرمەلەۋدىڭ بارلىق تۇرلەرىنىڭ ەسەبىن مينيسترلىكتىڭ كادر قىزمەتى جۇزەگە اسىرادى. 19. مينيسترلىكتىڭ قۇرمەت گراموتاسىن جانە ءمينيستردىڭ العىسىن جوعالتىپ العان جاعدايدا, ولاردىڭ تەلنۇسقاسى بەرىلمەيدى. 5. قورىتىندى ەرەجەلەر 20. مينيسترلىكتىڭ قۇرمەت گراموتاسىمەن ماراپاتتاۋعا جانە ءمينيستردىڭ العىسىن جاريالاۋعا تارتىپتىك جازاعا تارتىلعان تۇلعالار جاتپايدى. 21. مەملەكەتتىك نەمەسە ۆەدومستۆولىق ناگرادامەن ماراپاتتالعان تۇلعالار سوڭعى ماراپاتتالعاننان كەيىن ءۇش جىل وتكەن سوڭ قۇرمەت گراموتاسىمەن ماراپاتتاۋعا ۇسىنىلۋى مۇمكىن. اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىققا 1-قوسىمشا نىسان اگروونەركاسىپتىك كەشەن قىزمەتكەرلەرىن قازاقستان رەسپۋبليكاسى اۋىل شارۋاشىلىعى مينيسترلىگىنىڭ قۇرمەت گراموتاسىمەن ماراپاتتاۋعا ۇسىنىس 1.تەگى, اتى, اكەسىنىڭ اتى __________________________________ 2. تۋىلعان كۇنى__________________________________________ 3.ءبىلىمى________________________________________________ (جوو-نىڭ اتاۋى جانە بىتىرگەن كۇنى) 4. جۇمىس ورنى, اتقارىپ وتىرعان قىزمەتى___________________ 5. جالپى ەڭبەك ءوتىلى, سالاداعى ەڭبەك ءوتىلى, اتالعان ەڭبەك ۇجىمىنداعى ەڭبەك ءوتىلى __________________________________ 6. تارتىپتىك جازاعا تارتىلعان با؟ __________________________ (قاشان تارتىلعان) 7.مىنەزدەمە____________________________________________ (ناقتى ەڭبەكتەرىن كورسەتە وتىرىپ) ______________________________________________________ ______________________________________________________ باسشىنىڭ قولى م.و. اگروونەركاسىپتىك كەشەن قىزمەتكەرلەرىن كوتەرمەلەۋ جونىندەگى نۇسقاۋلىققا 2-قوسىمشا نىسان اگروونەركاسىپتىك كەشەننىڭ كاسىپورىندارى مەن ۇيىمدارىنىڭ ەڭبەك ۇجىمدارىن قازاقستان رەسپۋبليكاسى اۋىل شارۋاشىلىعى مينيسترلىگىنىڭ قۇرمەت گراموتاسىمەن ماراپاتتاۋعا ۇسىنىس 1.كاسىپورىننىڭ نەمەسە ۇيىمنىڭ تولىق اتاۋى ______________ _____________________________________________________ 2. اتالعان كاسىپورىننىڭ نەمەسە ۇيىمنىڭ قۇرىلعان كۇنى _____ 3.كاسىپورىندا جۇمىس ىستەيتىندەردىڭ سانى___________________ 4. كاسىپورىننىڭ نەمەسە ۇيىمنىڭ سوڭعى 5 جىلداعى نەگىزگى كورسەتكىشتەرى _____________________________________________________________ _____________________________________________________________ _____________________________________________________________ _____________________________________________________________ _____________________________________________________________ _____________________________________________________________ باسشىنىڭ قولى م.و. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 6 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6213 بولىپ ەنگىزىلدى.