جولىڭ بولسىن, جاس جۋرناليست!

15-19 تامىز ارالىعىندا استانادا ءىىى رەسپۋبليكالىق “قالامگەر-ازامات” جاس تىلشىلەر فورۋمى وتپەكشى اتالمىش فورۋمنىڭ باس قول­داۋ­شىلارى قاتارىندا “نۇر وتان” پارتياسى “جاس وتان” جاستار قا­ناتى, بايلانىس جانە اقپارات, ءما­دەنيەت مينيسترلىكتەرى, قازاقستان جاستار كونگرەسى, مەملەكەتتىك ءتىلدى دامىتۋ پرەزيدەنتتىك قورى جانە باس­قالار اتالۋدا. نەگىزگى ۇيىم­داس­تى­رۋشىلىق تىزگىندى ءوز قولىنا ال­عان “زاڭعار” شىعارماشىلىق ءبىر­لەس­تىگىنىڭ توراعاسى ايدار قىرىق­باي ۇلى الماتىنىڭ وقۋشىلار سا­رايىندا بەرگەن ءباسپاسوز ءماس­لي­حاتىندا القالى جيىننىڭ تاۋەلسىز ۇرپاقتىڭ 20 جىلدىعىنا ارنالىپ وتىرعاندىعىن اتاپ كورسەتتى. فورۋمنىڭ باستى ماقساتى – دا­رىندى جاس جۋرناليستەردىڭ با­سىن قوسىپ, ءارتۇرلى سەمينار-ترە­نينگ­تەر مەن شەبەرلىك سىنىپتارىن وتكىزۋ, ولاردى ەلجاندىلىق پەن وتانسۇيگىشتىككە شاقىرۋ, كاسىبي شەبەرلىكتەرىن شىڭداۋعا مۇمكىندىك تۋعىزۋ, زاماناۋي زاڭدىلىقتاردى مەڭگەرۋگە تالپىندىرۋ. العاش رەت وسىنداي فورۋم الما­تىدا 2008 جىلى باستالىپ, ودان سوڭ استانانىڭ 10 جىلدىعىنا ارنالىپ ەلوردادا جالعاسىن تاپقان بولاتىن. 2009 جىلى فورۋم “جاس پاتريوتتار” اتاۋىن ەنشىلەسە, بي­ىل­عى فورۋمعا 18-23 جاس ارالى­عىن­داعى جۋرناليستەر قاتىسپاقشى. وندا تالقىعا تۇسەتىن تاقىرىپتار دا وتە كوكەيتەستى دەپ ايتا الامىز. شىنىندا دا, تەلەباعدارلامالار مەن جاڭالىقتار سيۋجەتتەرىنىڭ بۇگىنگى ساپاسى قاي دەڭگەيدە ەكەن­دىگى, قازاق ءباسپاسوزىنىڭ دامۋى, قا­زاق تىلىندەگى ينتەرنەت رەسۋرس­تارىنىڭ دامۋى كىم-كىمدى دە تول­عاندىراتىن جايلار. وسى رەتتە جاس جۋرناليستەردىڭ جۋرناليستيكا سالاسىنىڭ مايتالماندارىنان شە­بەرلىك دارىستەرىن الۋى دا وي­لاستىرىلىپتى. ءبىلىم ءمينيسترى جانسەيىت تۇيمەباەۆ, پارلامەنت دەپۋتاتى الدان سمايىل, جازۋشى اكىم تارازي جانە باسقا فورۋمنىڭ قۇرمەتتى قوناقتارى بولادى دەپ كۇتىلۋدە. بالكىم, وسى قۇرمەتتى قوناقتاردىڭ ىشىنەن اسىرەسە قازاق جۋرناليستيكاسى فاكۋلتەتتەرىنە تۇسۋگە مەملەكەتتىك گرانتتاردىڭ نە­لىكتەن از ءبولىنىپ جۇرگەنىنە ناقتى جاۋاپ بەرۋشىلەر دە تابىلماي قالماس. فورۋمعا قاتىسۋشىلار قازاق­ستان جاستارىنا ۇندەۋ جولدايدى دەپ ۇيعارىلۋدا. سونىمەن بىرگە ءرامىزدى سىيكادە تۇرىندە ەلباسىعا سىيلىق ازىرلەنۋدە. جيىندى ۇيىمداستىرۋ­شىلار 2011 جىلدىڭ جاستار جىلى بولىپ جاريالانۋى جاس جۋرنا­ليس­تەردىڭ دە كوپتەگەن الەۋمەتتىك ماسەلەلەرىن شەشۋىنە ۇلكەن كومەك بولار ەدى دەپ ۇمىتتەنەدى. سونداي-اق الداعى قىركۇيەكتە ەل­وردادا قازاق باسىلىمدارىنىڭ قۇ­رىلتايى بولاتىندىعى جايىندا­عى قۇلاققاعىستى دا وسى ءباسپاسوز ءماس­ليحاتىندا ەستىپ, سەرپىلىپ قالدىق. قورعانبەك امانجول. ---------------------------------- سۋرەتتى تۇسىرگەن بەرسىنبەك سارسەنوۆ.