ءباا ەلشىسىمەن كەزدەستى

سارسەنبى كۇنى “نۇر وتان” حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى نۇرلان نىعماتۋلين بىرىككەن اراب امىرلىكتەرىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى يبراحيم حاسان سەيفپەن كەزدەستى. ءباا ەلشىسى الماتىدا ەقىۇ-عا قاتىسۋشى ەلدەر سىرتقى ىستەر مي­نيسترلەرىنىڭ بەيرەسمي كەزدەسۋىندە ۇيىمنىڭ ءسامميتىن 2010 جىلدىڭ سوڭىندا استانا قالاسىندا وتكىزۋ تۋرالى شەشىمنىڭ ماڭىزدىلىعىنا توقتالدى. وسى تۇرعىدا ول بۇل شە­شىمنىڭ قابىلدانۋى قازاقستان پرە­زيدەنتى نۇرسۇلتان نازار­باەۆ­تىڭ عالامدىق باستامالارى مەن حا­لىقارالىق جوعارى بەدەلىنىڭ ءنا­تي­جەسى ەكەندىگىن ەرەكشە اتاپ ءوتتى. سو­نىمەن قاتار, ەلشى ورتالىق ازيا­دا­عى ساياسي تۇراقتىلىقتى قامتا­ما­سىز ەتۋدە قازاقستان ءرولىنىڭ ماڭىز­دى ەكەندىگىنە توقتالدى. ال نۇرلان نىعماتۋلين ۇلت كوشباسشىسى, پارتيا توراعاسىنىڭ حالىقارالىق بەدەلى قازاقستاننىڭ ەقىۇ-عا توراعالىعى تۋرالى شە­شىم­نىڭ قابىلدانۋىنا جانە وسى ۇيىمعا قاتىسۋشى ەلدەردىڭ سام­ميت­تى استانا قالاسىندا وتكىزۋ تۋ­را­لى كەلىسە وتىرىپ شەشىم قابىل­دانۋىنا ىقپال ەتكەنىن اتادى. كەزدەسۋ بارىسىندا تاراپتار ىن­تى­ماقتاستىقتىڭ بىرقاتار پەرسپەك­تي­ۆا­لى باعىتتارى تۋرالى ءسوز قوزعاپ, پىكىر الماستى, قازاقستان مەن ءباا اراسىنداعى ارىپتەستىك ءارى قاراي داميتىندىعىنا سەنىم ءبىلدىرىلدى. نۇرلان نىعماتۋلين مەيماندى قا­سيەتتى رامازان ايىنىڭ باستالۋى­مەن دە قۇتتىقتادى.