شىۇ-نىڭ مەرەيتويلىق ءسامميتى استانادا وتەدى

11 تامىزدا شىۇ-عا مۇشە مەملەكەتتەر سىرتقى ىستەر مينيسترلەر كەڭەسىنىڭ توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قازاقستاننىڭ شىۇ توراعالىعى اياسىندا شىۇ-عا قاتىسۋشى مەملەكەتتەردىڭ ۇلتتىق ۇيلەستىرۋشىلەرىن جانە شىۇ حاتشىلىعى باسشىلارىن قابىلدادى, دەپ حابارلادى ءسىم-ءنىڭ ءباسپاسوز قىزمەتى. ۇيلەستىرۋشىلەر 2011 جىلدىڭ ماۋسىم ايىنا دەيىن شىۇ-عا قا­زاق­ستاندىق تاراپتىڭ توراعالى­عى­مەن 10-11 تامىز ارالىعىندا اس­تا­نادا وتكەن ۇلتتىق ۇيلەستىرۋشىلەر كەڭەسىنىڭ ناتيجەلەرى تۋرالى بايان­دادى. وندا قازاقستاننىڭ توراعالى­عى كەزىندە شىۇ-نىڭ 2010-2011 جىل­­دارعا ارنالعان ءىس-قيمىل جوس­پار­لارى جانە 90-نان استام ءتۇرلى دەڭگەيدەگى شارالارى  كەلىسىلگەن. قانات ساۋداباەۆ شانحاي ىن­تى­ماقتاستىق ۇيىمى اعىمداعى قىز­مەتىنىڭ نەگىزگى ۇيلەستىرۋشى مەحانيزمدەرىنىڭ ەرەكشە ينستيتۋتى بولىپ تابىلاتىنىن اتاپ ءوتىپ, ۇلتتىق ۇيلەستىرۋشىلەر كەڭەسىنىڭ جۇمىسىنا جوعارى باعا بەردى. مەملەكەتتىك حاتشى, سونداي-اق مۇشە مەملەكەتتەر مەن ۇيىمنىڭ تۇراقتى قىزمەت ەتەتىن ورگاندارىنا ۇيىم تاريحىندا العاش رەت ورىن الىپ وتىرعان 2010-2011 جىلدارعا ارنالعان شىۇ ءىس-قيمىل جوسپارى جونىندە قازاقستاندىق باستاما­لار­دى قولداعاندارى ءۇشىن العىس ءبىلدىردى. سونىمەن قاتار, مۇشە مەملەكەتتەردىڭ ورتاق كۇش-جىگەرى, ۇلت­تىق ۇيلەستىرۋشىلەر كەڭەسىنىڭ ۇيلەستىرۋشىلىك ءرولى جانە حات­شى­لىق پەن وڭىرلىك انتيتەررورلىق قۇرىلىمنىڭ قولداۋىمەن شىۇ ءوزىنىڭ 10 جىلدىق مەرەيتويىنا ارنالعان 2011 جىلى استانادا وتەتىن ءسامميتتى جوعارى ءارى ساپالى دەڭگەيدە وتكىزۋگە دايىندىقتىڭ  جۇيەلى  قامتاماسىز ەتىلەتىنىنە سەنىم ءبىلدىردى.