ەلباسى قابىلدادى

مەملەكەت باسشىسى نۇرسۇلتان نازارباەۆ رەسپۋبليكالىق بيۋد­جەت­تىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ومارحان وكسىك­باەۆتى قابىلدادى, دەپ حابارلادى قازاقستان رەس­پۋب­ليكاسى پرەزيدەنتىنىڭ ءباسپاسوز قىزمەتى. و.وكسىكباەۆ پرەزيدەنتكە ەسەپ كوميتەتىنىڭ بي­ىلعى جىلدىڭ ال­عاش­قى جارتىجىلدىعىندا اتقار­عان جۇ­مىسى تۋرالى باياندادى. اتاپ ايتقاندا, ەل ەكونو­مي­كاسى دامۋ­ىن­داعى ىلگەرىلەۋشىلىكتەردىڭ ناتيجە­سىندە, رەسپۋبليكالىق بيۋدجەتتىڭ كىرىس بولىگىن ورىنداۋ بوي­ىنشا سالىق تۇسىمدەرىنىڭ 2009 جىلعى وسى كەزەڭدەگىمەن سالىستىرعاندا 2 پايىزعا وسكەنى اتاپ ءوتىلدى. – پرەزيدەنت ەسەپ كوميتەتىنە قارجى مينيسترلىگىمەن بىرلەسىپ, بيۋدجەتتى جوسپارلاۋدىڭ ادىستەمەسىن ناقتىلاي ءتۇسۋدى تاپسىردى. سونى­مەن قاتار قازاقستاننىڭ بارلىق ۇلتتىق قورلارىن تەكسەرۋگە جانە ولاردىڭ جۇمىسىنىڭ قانشالىقتى تيىمدىلىگىن بايانداۋعا تاپسىرما بەر­دى, – دەدى و.وكسىكباەۆ جۋرناليس­تەرگە ارنالعان بريفينگتە. كەزدەسۋ بارىسىندا مەم­لە­كەت­تىك قىزمەت ىستەرى جونىندەگى اگەنت­تىكتىڭ بيۋدجەتتىك باعدارلامالاردى ورىنداۋىنا, سونداي-اق اۆتوكولىك جول­دارىن سالۋعا جانە ەلەكترون­دى ۇكىمەتتى دامىتۋعا بولىنگەن قا­راجاتتىڭ پايدالانىلۋىنا قاتىستى جۇرگىزىلگەن باقىلاۋ شارالارىنىڭ ناتيجەلەرى ۇسىنىلدى. *  *  * مەملەكەت باسشىسى نۇرسۇلتان نازارباەۆ جوعارعى سوتتىڭ توراعاسى مۇسابەك الىمبەكوۆتى قا­بىلدادى, دەپ حابارلادى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. م.الىمبەكوۆ مەملەكەت باسشى­سىنا رەسپۋبليكاداعى سوت تورەلىگى جۇيەسىنىڭ جاعدايى تۋرالى بايان­دادى. اتاپ ايتقاندا, ازاماتتىق ءىس­تەر بويىنشا سوت تورەلىگىنىڭ ورنىن تولتىرۋدى قالپىنا كەلتىرۋ قاعي­داتىن ىسكە اسىرۋ جايى قوزعالدى. كەزدەسۋ بارىسىندا سونداي-اق الداعى ۋاقىتتاعى قۇقىق سالاسىن­داعى وزگەرىستەر, قازاقستاننىڭ جوعارعى سوتىنىڭ ەۋروپا مەن ازيا ەلدەرىنىڭ سوتتارىمەن ءوزارا ءىس-قيمىلى تۋرالى اڭگىمە بولدى. *  *  * مەملەكەت باسشىسى نۇرسۇلتان نازارباەۆ قازاقستانداعى ورىس پراۆوسلاۆيە شىركەۋىنىڭ باسشىسى استانا جانە قازاقستان ميتروپو­ليتى الەكساندردى قابىلدادى, دەپ حابارلادى قازاقستان رەسپۋبلي­كا­سى پرەزيدەنتىنىڭ ءباسپاسوز قىزمەتى. پرەزيدەنت ميتروپوليت الەك­ساندر­دى قازاقستانداعى ورىس پرا­ۆو­سلاۆيە شىركەۋىنىڭ باسشىسى جو­عارى لاۋازىمىنا تاعايىندالۋىمەن قۇتتىقتادى. – قازاقستان – پرەزيدەنتتىڭ دانا ساياساتىنىڭ ارقاسىندا ۇلتى مەن مادەنيەتى ءارتۇرلى ادامدار جايلى جانە تىنىش ءومىر ءسۇرىپ جاتقان ۇلكەن مەملەكەت, – دەدى جۋرناليستەرگە ارنالعان بريفينگتە ميتروپوليت الەكساندر.