ءتىل مارتەبەسى - ەل مارتەبەسى

وڭتۇستىك قازاقستان وبلىسىندا مادەنيەت مينيسترلىگى ءتىل كوميتەتىنىڭ توراعاسى ف.ع.د., پروفەسسور ب.وماروۆ, استانا قالاسى اكىمدىگى “رۋحانيات” مەملەكەتتىك ءتىلدى وقىتۋ ورتالىعىنىڭ ديرەكتورى, ف.ع.ك. ە.تىلەشوۆ جانە وبلىس باسشىلارىنىڭ قاتىسۋىمەن باعدارلاما جوباسىن تالقىلاۋ ماقساتىندا ء“تىل مارتەبەسى – ەل مارتەبەسى” تاقىرىبىندا ءماجىلىس ءوتتى. اتالعان ماجىلىسكە وبلىس اكىمى اپپاراتىنىڭ جاۋاپتى قىزمەتكەر­لەرى, وبلىستىق, جەرگىلىكتى باسقار­ما­لار مەن اۋماقتىق ينسپەكتسيا, دەپارتامەنتتەردىڭ باسشىلارى, وب­لىستىق ونوماستيكا كوميسسيا­سىنىڭ مۇشەلەرى, “نۇر وتان” حدپ وڭتۇستىك قازاقستان وبلىستىق فيليالىنىڭ قىزمەتكەرلەرى, زيالى قاۋىم وكىلدەرى مەن ءتىل جاناشىر­لارى, اۋدان, قالا اكىمدەرىنىڭ ورىن­باسارلارى, مادەنيەت جانە تىلدەردى دامىتۋ, ىشكى ساياسات, ءبىلىم بولىمدەرىنىڭ باستىقتارى مەن ما­ماندارى, جوعارى وقۋ ورىندارى­نىڭ باسشىلارى, ءبىلىم سالاسىنىڭ قىزمەتكەرلەرى مەن عالىمدار, ونو­ماست-عالىمدار, وقىتۋشى-ادىسكەر­لەر, قوعامدىق, ەتنومادەني بىرلەس­تىكتەر, ۇكىمەتتىك ەمەس ۇيىمدار, بۇقارالىق اقپارات قۇرالدارىنىڭ وكىلدەرى قاتىستى. جيىندى وبلىس اكىمىنىڭ ورىن­باسارى ءالي بەكتاەۆ جۇرگىزىپ وتىر­دى. “تىلدەردى قولدانۋ مەن دامى­تۋدىڭ 2011-2020 جىلدارعا ارنالعان مەملەكەتتىك باعدارلاماسىنىڭ” جوباسى بويىنشا ءسوز العان ءتىل كوميتەتىنىڭ توراعاسى باۋىرجان وما­روۆ باعدارلامانىڭ ءمانىسىن ماقسات-مۇراتىنا ساي جىلىكتەپ, تە­رەڭ تالداپ بەردى. اتقارىلاتىن جۇمىس­تاردى سارالادى. كەيىننەن تۇسكەن ساۋالدارعا تياناقتى جاۋاپ بەردى. جوبانى تالقىلاۋدا ءتىل سايا­سا­تىنا قاتىستى وڭىرلىك تاجىريبەلەر زەردەلەنىپ, سونداي-اق ءتىل جانە ونو­ماستيكا ماسەلەسىمەن اينالىسا­تىن مامانداردىڭ, ءتىلشى-عالىم­داردىڭ, قوعامدىق جانە ەتنوما­دەني بىرلەستىك باسشىلارىنىڭ, جاس­تاردىڭ, بۇقارالىق اقپارات قۇ­رالدارى مەن زيالى قاۋىم وكىل­دە­رى­نىڭ, ت.ب. ازاماتتاردىڭ باعدارلا­ما­دا قامتىلعان ماسەلەلەر مەن ىسكە اسىرۋ تەتىكتەرى تۋرالى جان-جاقتى ۇسىنىس-پىكىرلەرى ايتىلدى. تالقىلاۋدا العاشقى ءسوزدى وڭ­تۇستىكتىڭ ارداگەر جۋرناليستەرىنىڭ ءبىرى بايدۋللا قونىسبەكوۆ الدى. “باعدارلاما دۇرىس, بىراق, ونىڭ ورىندالۋى استانانىڭ وزىنەن باس­تاۋ الادى. باسشىلاردان باستاپ بار­­لىق شەنەۋنىكتەرىمىز رەسمي جي­ىنداردى مەملەكەتتىك تىلدە جۇرگىزەر بولسا, ونىڭ قولدانۋ اياسى تەز كەڭەيەدى. مەملەكەتتىك ءتىلدى قۇر­مەت­تەۋدى كورشى حالىقتاردان ۇيرەنۋىمىز كەرەك. وزبەكستاندا سىرتتان كەلگەن بىرەۋ تۇسىنەدى, تۇسىنبەيدى دەمەيدى, ءوز انا تىلىندە ءىس قاعازدارىن ءجۇر­گىزەدى. رەنىش ءبىلدىرىپ جاتقان باسقا ەتنوس وكىلدەرى جوق. ال نەگە ءبىز اركىمگە جالتاقتايمىز؟”. بەلگىلى جازۋشى مارحابات بايعۇت تا وسى ويدى ءارى قاراي ءتىرىلتتى. جوبانى تالقىلاۋدا “ەگەمەن قازاقستان” گازەتىنىڭ ۇلكەن جاناشىرلىقپەن اتسالىسىپ جاتقاندىعىن ايتتى. ون جىل بۇرىن استانادا ءتىل تاعدىرى تۇرعىسىندا ورىسشا بايانداما جا­ساعان قازاقتىڭ كەربەز قىز, كەلىستى جىگىتتەرىنىڭ ءالى سول قالپىنان ەش وزگەرمەگەنىنە رەنىشىن ءبىلدىرىپ, مەملەكەتتىك ءتىلدى قولدانىسقا ەن­دىرۋدىڭ تەتىگىن جەتىلدىرۋ, قاتايتۋ ماسەلەسىن كوتەردى. وزبەك مادەني ورتالىعىنىڭ توراعاسى يكرام حاشيمجانوۆ ء“تىل ولسە, ۇلت تا ولەدى. قازاقستاننىڭ مەم­لەكەتتىك ءتىلى – قازاق ءتىلى. قازاقتار ەشبىر ۇلتتى باسىنا قيىندىق تۇسكەندە جاتىرقاعان جوق, باۋىرىنا تارتتى. سول قازاق­تىڭ تىلىندە سويلەۋ – ۇلتقا قىزمەت, ورتاق وتانعا قۇرمەت”, دەدى. ارداگەر ابدىقايىم جانداربە­كوۆ, سلاۆيان مادەني ورتالىعىنىڭ توراعاسى يۋري كيريۋحين جانە تاعى باسقا دا ءسوز العان ازاماتتار باع­دارلاماعا قاتىستى ۇسىنىس­تارىن ايتتى. ءماجىلىستى قورىتىندىلاعان وبلىس اكىمىنىڭ ورىنباسارى ءالي بەكتاەۆ ء“تىل بىلمەيدى دەپ اعا ۇرپاقتى قاجاۋدىڭ قاجەتى جوق. نەگىزگى جۇمىس بالاباقشادان باس­تالۋى كەرەك. قازاقستانداعى بارلىق ەت­نوس وكىلدەرى قازاق ءتىلىن ۇيرەنۋگە دەن قويسا, ۇتپاسا ۇتىلمايدى”, دەدى. كوپشىلىك وسى ويمەن كەلىستى. باقتيار تايجان. وڭتۇستىك قازاقستان وبلىسى.