كۇرەجولدا كۇرمەۋ بولمايدى

ەلىمىزدىڭ ايماعىندا “باتىس ەۋروپا – باتىس قىتاي” كۇرەجولى بارىنشا قار­قىندى جۇرگىزىلۋدە. وعان وبلىستىق اكىم­دىكتە وسى اۆتوكولىك جولى قۇرىلىسىنا بايلانىستى وتكىزىلگەن رەسپۋبليكالىق شتابتا وربىگەن اڭگىمە بارىسىندا كوز جەت­كىزدىك. شتاب وتىرىسىنا كولىك جانە كوممۋنيكاتسيا ۆيتسە-ءمينيسترى دۋلات كوتەربەكوۆ جانە جەرگىلىكتى بيلىك باس­شىلارى مەن جاۋاپتى مەكەمە, مەردىگەر شەت­ەلدىك كومپانيالار باسشىلارى قاتى­سىپ, وسى الىپ قۇرىلىس اياسىندا اتقا­رىل­عان اۋقىمدى شارالار مەن الدا تۇرعان مىندەتتەردى جان-جاقتى ايشىقتادى. رەسپۋبليكالىق شتابتىڭ وتى­رىسىن اشقان وبلىس اكىمىنىڭ ءمىن­دەتىن اتقارۋشى رزاقۇل نۇر­تاەۆ ەكى قۇرلىق اراسىن جال­عاي­تىن كۇرەجول قۇرىلىسىنىڭ سىر ايماعىندا سەرپىندى دە ساپالى جۇرگىزىلىپ جاتقانىن تىلگە تيەك ەتسە, رەسپۋبليكالىق اۆتوكولىك جولدارى كوميتەتى وبلىستىق دە­پار­تامەنتىنىڭ ديرەكتورى مىندە­تىن اتقارۋشى شانجارحان مىر­زا­باي حالىقارالىق ءدالىز قۇرى­لى­سى بويىنشا بۇگىنگى كۇنگە دەيىن اتقارىلعان اۋقىمدى جۇ­مىس­تاردان حاباردار ەتتى. وسىعان بايلانىستى سارالاپ ايتار بولساق, سىر ايماعىنان وتە­تىن 817 شاقىرىمدى حالىق­ارا­لىق ترانزيت ءدالىزىنىڭ بۇگىنگى كۇنگە 242 شاقىرىمى ءبىرىنشى تەحنيكالىق, 575 شاقىرىمى ەكىن­شى تەحنيكالىق دەڭگەيگە جەت­كىزىلگەن. سونداي-اق, وبلىس كولە­مىندە 336 شاقىرىم جوعارى قۇ­نار­لى جەر توسەمى الىنىپ, جال­پى ۇزىندىعى 107 شاقىرىم اي­نالما جولدار سالىنعان. قازىرگى كۇنگە دەيىن 4229 مىڭ تەكشە مەتر جەر توسەمى توسەلگەن. سونداي-اق, كۇرەجول بويىنا 32 سۋ وتكىزەتىن قۇبىرلار ورنالاستىرىلعان. ەگەر جول-قۇرىلىس ماتەريالدارىن دايىنداۋ دەرەكتەرىنە جۇگىنەر بولساق, 810 مىڭ توننا قۇم-قيىر­شىق تاس قوسپاسى مەن 691 مىڭ توننا قيىرشىق تاس دايىن­دالىپ, كۇرەجول بويىنا توسەلۋدە. وسى ءبىر الىپ قۇرىلىسقا 1738 دانا تەحنيكا جۇمىلدىرىلىپ, 15171 ادام ەڭسەرە ەڭبەك ەتۋدە. ايتا كەتۋ كەرەك, وسىنشاما ادام­نىڭ جارتىسىنان استامى جەرگىلىكتى تۇرعىندار بولىپ تابىلادى. ءسوز ورايى كەلگەندە ايتا كە­تەيىك, “باتىس ەۋروپا – باتىس قىتاي” كۇرەجولى قۇرىلىسىنىڭ جۇرگىزىلۋى سىر ايماعىنىڭ اي­شىق­تانۋىنا دا سۇبەلى ۇلەس قوسۋ­دا. جول قۇرىلىسى قالاي باستاۋ الدى, سولاي سىر ەلىندە جاڭا ءون­دىرىس ورىندارى تۇساۋلارىن كەسىپ, جۇزدەگەن ادام جۇمىسقا تار­تى­لا باستادى. ياعني, اۋىلشا­رۋا­شىلىقتى ايماق ءوندىرىستى ايماق­قا اينالا باستاعانى كوپ كوڭىلىنە قۋانىش ۇيالاتۋدا. اتاپ ايتار بولساق, “شالقيا” كەن ورنىن­دا­عى قيىرشىق تاس شىعاراتىن زاۋ­ىت پەن “ۋاد” جشس-ءنىڭ بيتۋم زاۋىتى تولىقتاي ىسكە قوسىلىپ, تولىمدى جۇمىستار اتقارۋدا. بۇگىنگە دەيىن جوسپارلانعان 20 اسفالت-بەتون زاۋىتىنىڭ 8-ءى جۇيەلى جۇمىس جاساۋدا. شتاب وتىرىسىندا وبلىس كو­لەمىندە جۇمىس جۇرگىزىپ جاتقان “ساليني” “اككورد - وكان”, “يم­پرەزا” جانە “توديني” شەت­ەلدىك كومپانيالارىنىڭ باسشى­لارى ارنالدو دي ۆەردجيلو, ياۆۋز ۋيسال, ماستروگينكۋە مي­كە­لانجەلو, المانو فابيو ءسوز الىپ, وزدەرىنىڭ اتقارىپ جاتقان جۇمىستارى جايلى بايان ەتتى. دەسە دە, وسىناۋ شەتەلدىك كوم­پا­نيالار جۇمىسىندا كۇرمەۋى قيىن ماسەلەلەر جوق ەمەس كورىنەدى. اتاپ ايتقاندا, شەتەلدىك مەردى­گەر­لەردىڭ كەيبىرى وزدەرىنە تاپ­سىرىلعان اۋماقتاعى جۇمىستار­دى مەرزىمىنەن كەشىكتىرىپ, قول­باي­لاۋ جاساپ جاتقان سىڭايلى. سونداي-اق, كەيبىر كومپانيا­لار جەرگىلىكتى جۇمىسشىلارعا الەۋ­مەت­تىك- تۇرمىستىق جاعداي جاساۋدا دا كەمشىلىكتەر جىبەرۋدە. وسىناۋ كەلەڭسىزدىكتەر جايلى كولىك جانە كوممۋنيكاتسيا ۆيتسە-ءمينيسترى دۋلات كوتەربەكوۆ اتال­عان, ياعني “اككورد – وكان”, “يمپرەزا”, جانە “توديني” كوم­پا­نياسى باسشىلارىنا سىن-ەس­كەرت­پەلەرىن قاداپ ايتتى. وكى­نىش­تىسى سول, ۆيتسە-ءمينيستردىڭ سالي­قالى ساۋالدارىنا شەتەلدىك­تەردەن تۇشىمدى جاۋاپ بولمادى. سودان دا ۆيتسە-مينيستر كۇرەجول قۇرى­لىسى قۇزىرلى ورگاندار تاراپى­نان ءاردايىم باستى باقى­لاۋدا بولاتىنىن باسا ايتتى. ياعني, كۇرەجول قۇرىلى­سىندا كۇرمەۋى قيىن ماسەلەلەر بولماۋى كەرەك. ەركىن ءابىل. قىزىلوردا.