گەوساياسي ارىپتەستىككە ۇمتىلىس

مەملەكەت باسشىسى نۇرسۇلتان نازارباەۆ جاپونيانىڭ سىرتقى ىستەر ءمينيسترى كاتسۋيا وكادانى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا ەكى ەل ارسىنداعى ىنتىماقتاستىقتى دامىتۋ ماسەلەلەرى تالقىلاندى. نۇرسۇلتان نازارباەۆ قازاقستان مەن جاپونيانى يادرولىق تاقىرىپ جاقىنداستىرا تۇسەتىنىن اتاپ ءوتتى. قازاقستاندا ۇزاق جىلدار بويى ەلگە جانە ونىڭ حالقىنا ۇلكەن زالال تيگىزگەن سەمەي يادرولىق سىناق پوليگونى ارەكەت ەتكەن بولاتىن. – ەكولوگيالىق ماسەلەلەردى شەشۋ بارىسىندا ءبىز ارقاشان ءسىزدىڭ ەلدىڭ قولداۋىن سەزىنىپ وتىر­دىق. 29 تامىزدى بۇكىلالەمدىك يادرو­لىق قارۋدان باس تارتۋ كۇنى دەپ جاريالاۋ تۋرالى ءبىزدىڭ باستاما­مىز­دى قولداعاندارىڭىز ءۇشىن ءسىز­دەرگە ريزامىز, – دەدى قازاقستان پرەزيدەنتى. جاپون سىرتقى ساياسات ۆەدوم­ستۆوسىنىڭ باسشىسى جاپونيا قازاقستاندى ورتالىق ازياداعى گەوساياسي ارىپتەسى سانايتىنىن جانە ونىڭ يادرولىق قارۋسىزدانۋ مەن قاۋىپسىزدىكتى نىعايتۋ باعىتىنداعى مەملەكەتتىك ساياساتىن جوعارى باعالايتىنىن اتاپ ءوتتى. ءبىز قازاقستاندىق-جاپوندىق قارىم-قاتىناستى جاڭا ساپالىق دەڭگەيگە كوتەرۋىمىز كەرەك. قازاق­ستان ەنەرگەتيكالىق رەسۋرستارعا باي, ال جاپونيا دامىعان تەحنو­لوگيالارعا يە. وسى ەكى فاكتوردى بىرىكتىرۋ جولىمەن ءبىز ەلدەرىمىز ءۇشىن ەكىجاقتى ءتيىمدى قارىم-قا­تىناستىڭ جاڭا دەڭگەيىنە قول جەت­كىزە الامىز, – دەدى ك.وكادا جۋر­ناليستەرگە ارنالعان بريفينگتە.