ۇيالى بايلانىس جەلىسىنىڭ باعاسى تومەندەۋى مۇمكىن

ءجون سۇراسۋدىڭ جەدەل جۇيەسى بۇرناعى كۇنى استاناداعى ء“RىXOS” قوناقۇيىنىڭ “جەرۇيىق” زالىندا باسەكەلەستىكتى قورعاۋ اگەنتتىگىنىڭ باستاماشى بولۋىمەن “ينتەركوننەكت تاريفتەرىن رەتتەۋ” دەگەن تاقىرىپ بويىنشا سەمينار وتكىزىلدى. ونىڭ شەڭبەرىندە سونداي-اق بۇقارالىق اقپارات قۇرال­دارى­نىڭ وكىلدەرى ءۇشىن ءباسپاسوز جيىنى ۇيىمداستىرىلدى. قازىرگى تاڭدا ۇيالى بايلانىس ەلىمىزدىڭ تەلەكوممۋنيكاتسيا رىنو­گىندا بارىنشا قارقىندى دامىپ كەلە جاتقان سەگمەنتتەردىڭ ءبىرى بو­لىپ قالىپ وتىر. ونىڭ ۇلەسىنە باي­لانىس قىزمەتىنىڭ بارلىق ءتۇر­لە­رىنەن تۇسەتىن تابىستار قۇرى­لى­مى­نىڭ 45,9 پايىزى تيەدى ەكەن. سا­لىستىرۋ ءۇشىن مۇنداعى ينتەرنەت-قولجەتىمدىلىك قىزمەتىنىڭ الار شا­ما­سى – 5,2, راديو مەن تەلەديدار­دىڭ شەگى – 3,4, ال پوشتا قىز­مە­تى­نىڭ دەڭگەيى 1,8 پايىز ەكەنىن ايت­ساق, كوپ ءجايت وزىنەن ءوزى ايعاقتالا تۇسەر ەدى. بىراق, تاياقتىڭ ەكى ۇشى بولاتىنى سياقتى, بايلانىستىڭ بۇل ءتۇرىنىڭ سالاعا وسىنشاما مول تابىس اكەلىپ تۇرعانىنىڭ تۇتىنۋ­شى­لار ءۇشىن ءتيىمسىز تيەتىن كەلەسى كە­نەرەسى دە بار. ول – بىزدەگى جەلى­ارا­لىق بايلانىس بەلگىلەپ وتىرعان مولشەرلەمەنىڭ قىمبات بولىپ وتىرعانىندا. ۇيالى بايلانىس قىز­مەتىنىڭ تەلەكوممۋنيكاتسيا جۇيە­سى­نە اقشانى ناۋالاپ قۇيىپ تۇرۋى­نىڭ ەندىگى ءبىر ەرەكشە سەبەبى وسى قىمباتشىلىقتا جاتىر. وبالى نە كەرەك, سوڭعى ۋاقىت­تا­رى بۇل تاقىرىپ جونىندە ۇدايى ماسەلە كوتەرىلىپ كەلەدى. ماسەلەن, بيىلعى كوكتەمدە اقپاراتتاندىرۋ جانە بايلانىس مەملەكەتتىك اگەنت­تىگىنىڭ باسشىسى قۋانىشبەك ەسە­كەەۆ قازاقستاندا الداعى جىلدان باستاپ ۇيالى بايلانىس قىزمەتىنىڭ باعاسى تومەندەي باستايتىنىن ءما­لىمدەگەن بولاتىن. ال بايلانىس جانە اقپارات مينيسترلىگى شىلدە ايىندا رەسپۋبليكاداعى ۇيالى باي­لانىس قىزمەتى تاريفتەرىنىڭ قان­شا­لىقتى دەڭگەيدە نەگىزدى ەكەنىن تەك­سەرۋگە كىرىستى. بىراق, قايسىبىر ەل­دەر­دەگى سەكىلدى, بايلانىستىڭ بۇل ءتۇرىنىڭ باعاسىن ونىڭ وپەراتور­لا­رى ءوز ەرىكتەرىنشە بەلگىلەپ وتىرا­دى. ءبىزدىڭ ەلىمىزدە ونداي وپەراتور­دىڭ تورتەۋى تىركەلىپ, جۇمىس جا­ساۋ­دا. سولاردىڭ اراسىنداعى “GSM قا­زاقستان” جشس بۇگىندەرى 7 ملن. ابو­نەنتكە قىزمەت جاسايدى. ودان ابو­نەنتتەر سانى 250 مىڭداي عانا كەم “كار-تەل” كومپانياسى دا ءبىز­دىڭ رىنوكتا قادامىن نىق باسىپ تۇر. ەندى بۇلارعا قالاي باعانى تومەن­دەت­تىرۋگە بولادى؟ الدە بيىل عانا وسى رى­نوكقا كەلىپ قوسىلعان جاڭا “وي­ىن­شى” — شۆەدتىڭ Tele2 ديس­كاۋنتەرى “تاريفتەردىڭ شارپى­سۋىن” تۋعىزىپ, ونىڭ تومەندەۋىنە سەبەپكەر بولا الا ما؟ سەمينارعا قاتىسۋشىلاردى وسى ماسەلەلەردىڭ ءبارى تولعاندىردى. سەميناردىڭ سوڭىندا باسەكە­لەس­تىكتى قورعاۋ اگەنتتىگى توراعا­سى­نىڭ ورىنباسارى رۇستەم اقبەردين بۇقا­را­لىق اقپارات قۇرالدارىنىڭ وكىل­دەرىمەن كەزدەسىپ, جيىندا قول جەتكەن شەشىمدى جەتكىزدى. ونىڭ اي­تۋىنشا, ەلىمىزدەگى بايلانىس وپەرا­تورلارى تامىزدىڭ 20-سى كۇنى جەلى­ارالىق بايلانىستىڭ مولشەرلەمە­لەرىن ءتو­مەندەتۋ بويىنشا ۇسىنىس جاسايتىن كورىنەدى. “تامىزدىڭ 20-سىندا ولار جە­لىارالىق بايلانىس ءمول­شەرلەمە­لەرىن ءوز ەرىكتەرىمەن تومەندەتۋ بوي­ىنشا ۇسىنىستارىن ەنگىزۋلەرى ءتيىس. سول كەزدە ءبىز ولار­دىڭ قانشالىقتى دايىن ەكەن­دىك­تە­رىن بايقايمىز”, – دەگەن ول بۇل جەردەگى سالماقتىڭ “كار-تەل” جانە “قازاقتەلەكوم” اق-قا ءتۇسىپ وتىر­عانىن دا جاسىرمادى. وسى ورايدا اگەنتتىك بايلانىس وپەراتور­لارى­نىڭ بۇل ءتاريفتى بارىنشا ءتۇسىرۋىن كۇتىپ وتىرعانىن جەتكىزدى. باسەكەلەستىكتى قورعاۋ اگەنتتى­گى­نىڭ مالىمەتىنە قاراعاندا, قازىر جە­لى­ارالىق بايلانىستىڭ قۇنى مي­نوتىنە 19,98 تەڭگەنى قۇراپ وتىر. “قازاق­ستاندا ابونەنتتەرگە ار­نالعان ۇيالى بايلانىس قىزمەتىنە تاريفتەر  تىم جوعارى”, – دەپ اتاپ ءوتتى ر.اقبەردين. وسى ورايدا ول تاريفتەردىڭ قىمبات بولۋىنىڭ ءبىر سەبەبى رەتىندە ۇيالى بايلانىس سالاسىنداعى بولەك وپەراتورلاردىڭ جەلىارالىق بايلانىس ءۇشىن ءمول­شەر­لەمەلەرى جوعارى بولىپ وتىرعا­نىن اتاپ ءوتتى. تاعى بەلگىلى بول­عانى, ەگەر بايلانىس وپەراتورلارى ءتيىستى شەشىمگە كەلمەسە, وندا مونو­پولياعا قارسى ۆەدومستۆو بۇل ءمول­شەرلەمەلەرگە مەملەكەتتىك رەتتەۋ ەنگىزۋگە نيەتتى سىڭايلى. سونىمەن, ءجون سۇراسۋدىڭ جەدەل جۇيەسى بولىپ وتىرعان جەلى باعا­سى­نىڭ شامادان تىس قىمبات ەكەنىنە ءپرينتسيپتى تۇردە تۇجىرىمدى باعا بەرىلدى. بۇل توڭىرەكتە ويلانۋ ءۇشىن بايلانىس وپەراتورلارىنا ۇسىنىل­عان ۋاقىت تا تىم كوپ ەمەس. ەن­دە­شە, وسى وزىق ويدان نەندەي ءتۇيىن شىعاتىنىن بىلەتىن كۇن دە جاقىن. سەرىك ءپىرنازار.