اق تىلەكتەر اعىنى

ەلباسىنىڭ ءباسپاسوز قىزمەتى قازاقستان پرەزيدەنتى نۇرسۇلتان نازارباەۆتىڭ تۋعان كۇنىنە بايلانىس­تى ءۇندىستان پرەمەر-ءمينيسترى نارەندرا موديدىڭ قۇت­تىق­تاۋى تۋرالى حابارلادى. ن.مودي قازاقستاننىڭ قالىپتاسۋى مەن قارقىندى دامۋىنداعى نۇرسۇلتان نازارباەۆتىڭ كوشباسشىلىعىن اتاپ وتكەن. «ءۇندىستان ەكى ەل اراسىنداعى قارىم-قاتىناستى نىعايتۋعا ءسىزدىڭ ۇدايى كورسەتىپ كەلە جاتقان قولداۋىڭىزدى جوعارى باعالايدى», – دەلىنگەن جەدەلحاتتا. ءۇندىستان پرەمەر-ءمينيسترى قازاقستان پرەزيدەنتىمەن استانادا وتەتىن الداعى كەزدەسۋدى تاعاتسىزدانا توسۋدا ەكەنىن ايتادى. سوڭىندا ن.مودي نۇرسۇلتان نازارباەۆقا مىقتى دەنساۋلىق, سارقىلماس كۇش-قۋات جانە تابىس تىلەدى. ەلباسىنىڭ ءباسپاسوز قىزمەتى قازاقستان رەسپۋبليكاسى پرە­زيدەنتى نۇرسۇلتان نازار­باەۆ­تىڭ تۋعان كۇنىنە بايلانىس­تى شەتەلدىك مەملەكەتتەر مەن ۇكى­مەت­تەر باسشىلارىنىڭ قۇت­تىق­­تاۋلارى تۋرالى حابارلادى. ارمەنيا پرەزيدەنتى سەرج سارگسيان ءوز قۇتتىقتاۋىندا قازاق-ارميان ىقپالداستىعى ەكىجاقتى پىشىمدە, سونداي-اق, حالىقارالىق جانە وڭىرلىك ۇيىمدار مەن ءبىر­لەس­تىكتەر اياسىندا قازاقستان-ار­مەنيا حالىقتارىنىڭ دوستىعى مەن يگىلىگى ءۇشىن  الداعى ۋاقىتتا دا دامي بەرەتىنىنە سەنىم بىلدىرگەن. س.سارگسيان مەملەكەت باس­شى­سىنا مىقتى دەنساۋلىق, با­قۋات­تىلىق جانە قىزمەتىنە تابىس تىلەدى. * * * چەح رەس­پۋب­ليكاسىنىڭ پرە­زي­دەنتى مي­لوش زەمان ءوز قۇتتىق­تاۋىندا قازاقستان پرەزيدەنتىمەن سوڭ­عى جىلداردا وتكەن كەزدەسۋلەر ەكى ەل اراسىنداعى دوستىق قارىم-قاتى­ناستاردى جانە ىنتى­ماق­تاس­تىقتىڭ ءتۇرلى سالالارىندا قالىپتاسقان بەرىك بايلانىستاردى ايعاقتايتىنىن ايتقان. سونداي-اق, چەحيا پرەزي­دەن­تى الداعى وقيعالار ەكى­جاق­تى ءوزا­را ىقپالداستىقتى دا­­مى­­تۋ ماسەلەلەرىن تالقىلاۋ ءۇشىن قوسىمشا كەزدەسۋلەرگە ءمۇم­كىن­دىك تۋدىراتىنىنا سەنىم بىلدىرەدى. سوڭىندا م.زەمان نۇرسۇلتان نازارباەۆقا مىقتى دەنساۋلىق جانە جاۋاپتى قىزمەتىنە تابىس تىلەدى. * * * ۋكراينا پرەزيدەنتى پەتر پوروشەنكو مەملەكەت قۇرۋ جولىندا ءبىزدىڭ ەلدىڭ سوڭعى ونداعان جىلداردا قول جەتكىزگەن ءتۇرلى سالاداعى جەتىستىكتەرى  نۇرسۇلتان نازارباەۆتىڭ قازاقستان پرە­زي­دەنتى لاۋازىمىنداعى كوپقىرلى قىزمەتىمەن اجىراعىسىز بايلانىستى ەكەنىن اتاپ وتكەن. «ءداستۇرلى ۋكراينا-قازاقستان  دوستىق قارىم-قاتىناسىن تە­رەڭدەتە تۇسۋگە باعىتتالعان ءبىز­دىڭ سىندارلى ديالوگىمىزدىڭ بۇ­دان ءارى ورىستەۋى ءوزارا ءتيىمدى جانە جان-جاقتى ىنتىماقتاستىقتى ۋك­راينا مەن قازاقستاننىڭ يگى­لىگى ءۇشىن جانداندىرا تۇسۋگە  سەپتىگىن تيگىزەتىنىنە سەنىمدىمىن», – دەلىنگەن جەدەلحاتتا. سوڭىندا پ.پوروشەنكو مەم­لەكەت باسشىسىنا مىقتى دەنساۋ­لىق, سارقىلماس كۇش-قۋات, جەمىستى مەملەكەتتىك قىزمەتىنە جاڭا تابىس, ال دوستاس قازاقستان حالقىنا يگىلىك پەن باق-بەرەكە تىلەدى. * * * جاپونيا پرەمەر-مي­نيسترى سيندزو ابە نۇرسۇل­تان نازارباەۆتى تۋعان كۇنى­مەن قۇتتىقتاپ, ونىڭ پارمەن­دى باسشىلىعىمەن قازاق­ستان كوپتەگەن جىلدار بويى ءوزىنىڭ حالىقارالىق ارەنا­داعى بەدەلىن ارتتىرىپ كەلە جاتقانىن اتاپ وتكەن. س.ابە مەملەكەت باسشىسىنا جانە قا­زاق­­ستان حالقىنا يگىلىك پەن باق-بەرەكە تىلەدى. * * * موناكو كنيازى II البەردىڭ قۇتتىق­تاۋ­ىندا ەكى ەل اراسىنداعى بايلانىستاردى ودان ءارى نىعاي­تۋدىڭ ماڭىزدىلىعى ايتىلعان. «ميلانداعى كورمەدە قا­زاقستاننىڭ ۇلتتىق پاۆيلو­نىندا بولۋ مەنى وتە جاقسى اسەرگە بولەدى, استانادا وتەتىن ەكسپو-2017 دۇنيەجۇزىلىك كورمەسىنە مونا­كو كنيازدىگىنىڭ قاتىسۋىن تاعاتسىز­دانا كۇتىپ ءجۇرمىن», – دەلىنگەن قۇتتىقتاۋدا. * * * ومان سۇلتانى كابۋس بەن سايد نۇرسۇلتان نازارباەۆتى تۋعان كۇنى­مەن قۇتتىقتاپ, وعان باقىت جانە مىقتى دەنساۋلىق تىلەدى, سون­­­داي-اق, دوستاس قازاقستان حال­قى­نىڭ ودان ءارى ىلگەرىلەۋى مەن ءوسىپ-وركەندەۋىنە نيەتتەستىگىن ءبىل­دىردى. *** پرەزيدەنتتىڭ ءباسپاسوز قىزمەتى مەملەكەت باسشىسى نۇرسۇلتان نازارباەۆتىڭ اتىنا ونىڭ تۋعان كۇنىنە جانە استانا كۇنىنە بايلانىستى كەلىپ تۇسكەن قۇتتىقتاۋلار تۋرالى حابارلادى. مەملەكەت باسشىسى اتىنا قازاقستاننىڭ بارلىق وڭىرىنەن جانە شەتەلدەردەن قۇت­تىقتاۋ حاتتارى مەن جەدەلحاتتارى ءالى دە كەلىپ تۇسۋدە. ماسەلەن, تمد پارلامەنتارالىق اس­سامبلەياسى كەڭەسىنىڭ باس حاتشىسى ا.سەرگەەۆ, سونداي-اق, تمد پاا كەڭە­سى باس حاتشىسىنىڭ ورىنباسارى – قازاق­ستان رەسپۋبليكاسى پارلامەنتىنىڭ تمد پاا جانە ۇقشۇ پارلامەنتتىك اسسام­بلەياسىنداعى وكىلى ح.باكەنوۆ مەملەكەت باسشىسىن تۋعان كۇنىمەن قۇتتىقتاپ, ونىڭ ءومىرى ءوز ەلىنە جانە حالقىنا قالتقىسىز قىزمەت ەتۋدىڭ جارقىن ۇلگىسى ەكەنىن ايتقان. «الەۋمەتتىك-ەكونوميكالىق, ساياسي جانە مادەني دامۋداعى ەلەۋلى تابىس­تارمەن, حالىقارالىق ارەناداعى ەلدىڭ ورنىنىڭ نىعايۋىمەن ايشىقتالعان قازىرگى قازاقستان تاريحىنىڭ تۇتاس ءداۋىرى ءسىزدىڭ ەسىمىڭىزبەن بايلانىستى. ءسىز ءاردايىم دوستاستىق كەڭىستىگىندەگى ينتەگراتسيالىق ۇدەرىستەردىڭ دامۋىنىڭ, تمد-عا مۇشە مەملەكەتتەردىڭ ستراتەگيالىق سەرىكتەستىگى مەن وداقتاستىق ءوزارا ىقپالداستىعىنىڭ تاباندى جاقتاۋشىسى بولدىڭىز», – دەلىنگەن حاتتا. ەۋرازيالىق ەكونوميكالىق كوميس­سيانىڭ ەنەرگەتيكا جانە ينفراقۇرىلىم جونىندەگى ءمينيسترى ت.مانسۇروۆ قازاقستان حالقى ءوزىنىڭ ءال-اۋقاتى مەن بولاشاعىن كوشباسشىسىنىڭ جەمىستى قىزمەتىمەن بايلانىستىراتىنىن اتاپ وتكەن. «ءسىزدىڭ پاسسيونارلىق ەرىك-جىگەرىڭىز بەن زور حالىقارالىق بەدەلىڭىز مەرەيلى جەڭىسى ەۋرازيالىق ەكونوميكالىق وداق­تىڭ قۇرىلۋى بولعان بۇگىنگى ەۋرازيالىق ينتەگراتسيانىڭ تابىستى دامۋىن قام­تاماسىز ەتىپ وتىر. قاجىماس قىزمەتىڭىزگە جاڭا دا جارقىن جەتىستىكتەر, ۇزاق عۇمىر مەن مىقتى دەنساۋلىق, باقىت جانە باقۋاتتىلىق  تىلەگەن شىنايى تىلەگىمىزدى قابىل الىڭىز», – دەلىنگەن حاتتا. جىلى لەبىزدى قۇتتىقتاۋىن پولشانىڭ بۇرىنعى پرەزيدەنتى ا.كۆاسنەۆسكي دە جولداپ, مەملەكەت باسشىسىنىڭ تۋعان كۇنى مەن استانا كۇنىنىڭ سايكەس كەلۋى قازاقستاننىڭ جاڭا تاريحى مەن تابىستارىنىڭ نۇرسۇلتان نازارباەۆ تۇلعاسىمەن اجىراعىسىز بايلانىسىن ايشىقتايتىنىن اتاپ وتكەن. «تاۋەلسىزدىك دەكلاراتسياسى, مەم­لەكەتتىلىكتىڭ نىعايۋى, جان-جاقتى ەكو­نو­ميكالىق دامۋ, ساياسي جانە قوعامدىق تۇراقتىلىق ءسىزدىڭ پرەزيدەنتتىگىڭىزدىڭ فيرمالىق بەلگىسى بولىپ سانالادى. كۇردەلى حالىقارالىق جاعدايدا, ۇلتتىق سىن-قاتەر جانە قاۋىپسىزدىك ءۇشىن قاۋىپ كوپ كەزەڭدە بۇل دەگەنىڭىز كەرەمەت جەتىستىك. ەۋروپادا جانە الەمدە سوڭعى شيرەك عاسىردا بولعان تاريحي وزگەرىستەردىڭ دەڭگەيى مەن ماڭىزىن, سونداي-اق, ول وزگەرىستەر ءۇشىن مۇمكىندىك پەن جاعداي تۋعىزۋ ىسىندەگى ءسىزدىڭ ەرەن ەڭبەگىڭىزدى تۇسىنەتىن مەنىڭ ەلىمدە جانە ەۋروپانىڭ كوپ ەلىندە مۇنى مويىندايدى», – دەلىنگەن حاتتا. پولشانىڭ ەكس-پرەزيدەنتى نۇرسۇلتان نازارباەۆقا دەنساۋلىق, تابىس تىلەپ, قازاقستاننىڭ بارلىق حالقىنىڭ ءوسىپ-وركەندەۋى ءۇشىن بۇدان ءارى دە بەلسەندى بولا بەرۋىنە نيەتتەستىك ءبىلدىردى. گفر-دىڭ بۇرىنعى پرەزيدەنتى ح.كيوللەر دە نۇرسۇلتان نازارباەۆتى تۋعان كۇنىمەن قۇتتىقتاپ, وعان مىقتى دەنساۋلىق جانە مەملەكەت باسشىسىنىڭ ەل يگىلىگى ءۇشىن قابىلدايتىن بارلىق شەشىمدەرىنە دانالىق تىلەدى. نۇرسۇلتان نازارباەۆقا جانە بارشا قازاقستان حالقىنا ءوزىنىڭ ەڭ ىزگى تىلەكتەرىن ۇلىبريتانيانىڭ بۇرىنعى پرەمەر-ءمينيسترى ت.بلەر جولدادى. رەسەي فەدەراتسياسى باشقۇرتستان رەسپۋبليكاسىنىڭ باسشىسى ر.حاميتوۆتىڭ قۇتتىقتاۋىندا مەملەكەتتىك قىزمەتتەگى وراسان مول تاجىريبەسى, باسقارۋشىلىق دارىنى جانە حالىقتىڭ يگىلىگى جولىنداعى جۇمىسى قازاقستان پرەزيدەنتىن لايىقتى بەدەل مەن سىي-قۇرمەتكە بولەگەنىن ايتادى. «ءسىز ەلدەرىمىز بەن وڭىرلەرىمىزدىڭ سترا­تەگيالىق سەرىكتەستىگىنىڭ دامۋىنا زور ۇلەس قوسىپ كەلەسىز. قازاقستان مەن باش­قۇرتستاننىڭ كوپقىرلى ىنتى­ماق­تاستىعى, حالىقتارىمىز اراسىنداعى بايىرعى دوستىق قارىم-قاتىناس الدا دا قارقىندى جالعاسا بەرەتىنىنە سەنىمدىمىن. سىزگە شىن جۇرەكتەن مىقتى دەنساۋلىق, بەلسەندى جانە ۇزاق عۇمىر تىلەيمىن, قازاقستان حالقىنىڭ يگىلىگى ءۇشىن بارلىق جوسپارلارىڭىز بەن باستامالارىڭىزدىڭ تابىستى جۇزەگە اسۋىنا تىلەكتەسپىن», – دەپ جازادى اۆتور. رەسەي فەدەراتسياسى پەنزا وبلىسى گۋبەر­ناتورىنىڭ مىندەتىن اتقارۋشى ي.بە­لو­زەرتسەۆ مەملەكەت باسشىسىنىڭ جەمىستى جۇمىسى وتانعا قىزمەت ەتۋدىڭ جارقىن ۇلگىسى ەكەنىن ايتادى. «سىزگە ءتان جوعارى كاسىپقويلىق, تەرەڭ ءبىلىم, كەرەمەت ۇيىمداستىرۋشىلىق دارىن, باي ساياسي تاجىريبە رەسپۋبليكانىڭ الەۋمەتتىك-ەكونوميكالىق الەۋەتىن قار­قىندى دامىتۋعا, ازاماتتارىنىڭ ءال-اۋقاتىن ارتتىرۋعا سەپتىگىن تيگىزىپ كەلەدى. سىزگە مىقتى دەنساۋلىق, باقۋاتتىلىق, باقىت, بارلىق ءىسىڭىز بەن باستامالارىڭىزعا جاڭا تابىس تىلەيمىن», – دەلىنگەن قۇت­تىق­تاۋدا. تمد-نىڭ ەكونوميكالىق دامۋ ىسكەرلىك ورتالىعىنىڭ باس ديرەكتورى ۆ.ساۆچەنكو نۇرسۇلتان نازارباەۆتىڭ عالامات ومىرلىك تاجىريبەسى مەن دانالىعى ەگەمەن مەملەكەت قۇرىپ, قازاقستاندى XXI عاسىردا ءوسىپ-وركەندەۋ جولىنا باتىل باستاۋعا مۇمكىندىك بەرگەنىن ايتقان. «ءسىز ىستەگەن ءىسىڭىزدىڭ بارلىعىندا كەمەلدىككە ۇمتىلاسىز. ءسىزدىڭ بويىڭىز ۇلى دالانى الەمدىك دامۋدىڭ قۋاتتى ورتالىعىنا اينالدىرىپ كەلە جاتقان ەنەرگياعا تولى», – دەپ جازادى اۆتور. اقش-تىڭ قازاقستانداعى توتەنشە جانە وكىلەتتى ەلشىسى د.كرول استانانىڭ قالىپتاسۋى مەن دامۋى نۇرسۇلتان نازارباەۆتىڭ كورەگەن جانە سىندارلى ساياساتىنىڭ, ەلدىڭ يگىلىگى جولىنداعى قىزمەتىنىڭ ناتيجەسى ەكەنىن اتاپ وتكەن. قازاقستاننىڭ سەربياداعى قۇرمەتتى كونسۋلى م.كاريچ نۇرسۇلتان نازارباەۆ ءوزىنىڭ ناعىز ءپاتريوتيزمى, شەبەر باسشىلىعى ارقىلى قازاقستاننىڭ مەملەكەتتىلىگى مەن حالقىنىڭ تاريحىندا ەلەۋلى ءىز قالدىرعانىنا توقتالىپ وتكەن. «پرەزيدەنت لاۋازىمىنداعى قىزمەتىڭىز بەن سوڭعى سايلاۋداعى ايقىن جەڭىسىڭىز حالىقتىڭ ءسىزدى قانشالىقتى جاقسى كورەتىنىن جانە سىزگە قانشالىقتى سەنەتىنىن ايعاقتايدى», – دەلىنگەن جەدەلحاتتا. م.ۆ.لومونوسوۆ اتىنداعى ممۋ-ءدىڭ قازاقستاندىق فيليالىنىڭ ديرەكتورى ا.سيدوروۆيچ بۇكىل ۇجىمنىڭ اتىنان نۇرسۇلتان نازارباەۆتى تۋعان كۇنىمەن قۇتتىقتاپ, مىقتى دەنساۋلىق, باقىت تىلەدى جانە جاڭا يدەيالارىنىڭ جۇزەگە اسۋىنا نيەتتەستىك ءبىلدىردى. «ءسىزدىڭ كورنەكتى قىزمەتىڭىزدى بۇكىل الەم مويىندايدى, رەسەي مەن قازاقستان حالقى جوعارى باعالايدى. ءسىزدىڭ ەسىمىڭىز بەن ىسىڭىزگە ماسكەۋ ۋنيۆەرسيتەتىنىڭ ۇجىمى ەرەكشە قۇرمەتپەن قارايدى. ممۋ-ءدىڭ قازاقستاندىق فيليالىنا زور مارتەبە بۇيىردى – ول ءسىزدىڭ باستاماڭىزبەن قۇرىلدى جانە ۇنەمى قامقورلىعىڭىزدى سەزىنىپ كەلەدى. ممۋ-ءدىڭ قازاقستاندىق فيليالىنىڭ ۇجىمى جانە تۇلەكتەرى ارقىلى ءسىزدىڭ يگى ىستەرىڭىز بەن ارەكەتتەرىڭىز ەلدىڭ ءوسىپ-وركەندەۋ ءۇشىن ەسەلەنە تۇسەتىنىنە جانە ءسىزدىڭ اسقاق مۇراتتارىڭىزدىڭ ورىندالۋىنا قىزمەت ەتەتىنىنە سەنۋىڭىزگە بولادى», – دەپ جازادى اۆتور. وزبەكستاننىڭ قازاق ۇلتتىق مادەني ورتالىعىنىڭ وكىلدەرى نۇرسۇلتان نازارباەۆتىڭ باسشىلىعىمەن ءبىزدىڭ ەلدىڭ الەۋمەتتىك-ەكونوميكالىق جانە مادەني-گۋمانيتارلىق دامۋىنا توقتالىپ ءوتىپتى. اۆتورلار, سونداي-اق, قۋاتتى ەكونوميكا قۇرۋ ءۇشىن جاعداي جاساۋعا, مەملەكەتتى ودان ءارى دامىتۋعا باعىتتالعان «نۇرلى جول» باعدارلاماسىن جۇزەگە اسىرۋدىڭ ماڭىزدىلىعىنا دا نازار اۋدارعان. جىلى لەبىزدى تىلەكتەر بالعىن مەكتەپ وقۋشىلارىنان – پاۆلودار وبلىسىنان ت.سولتانعازىدان, استانا قالاسىنان ا.احمەتوۆادان, اقتوبە قالاسىنان ن.نۇرعاليەۆ پەن ن.نۇرعاليدان, جامبىل وبلىسىنان ن.امانگەلدىدەن كەلىپ ءتۇستى. مەملەكەت باسشىسىن ولەڭ جولدارىمەن استانا قالاسىنان ا.مۇقيبەك پەن گ.شيشوۆ قۇتتىقتادى. ءوز قۇتتىقتاۋلارىن استانا قالاسىنان ب.شالاباەۆا, ب.جۇماعۇلوۆ, 1-ءشى سىنىپتى ۇشقىش-ينجەنەر ن.اقمۇقانوۆ, ر.شىرداباەۆ, شىمكەنت قالاسىنان و.كوشەكباەۆ, سونداي-اق, كوكشەتاۋ قالاسىنان ءبىر توپ ازامات جولداپ, نۇرسۇلتان نازارباەۆقا مىقتى دەنساۋلىق, باق-بەرەكە جانە تابىس تىلەدى. مەملەكەت باسشىسى اتىنا حاتتار مەن جەدەلحاتتار ءالى دە كەلىپ ءتۇسىپ جاتىر.