قازاقستان نەپالعا گۋمانيتارلىق كومەك كورسەتەتىن بولدى

استانا. 25 مامىر. ۇكىمەت ۇيىندە قازاقستان رەسپۋبليكاسى پرەمەر – ءمينيسترىنىڭ ءبىرىنشى ورىنباسارى باقىتجان ساعىنتاەۆ حالىقارالىق گۋمانيتارلىق كومەك ماسەلەلەرى جونىندەگى كوميسسيانىڭ وتىرىسىن وتكىزدى. وندا قازاقستاننىڭ نەپالعا گۋمانيتارلىق كومەك كورسەتۋ بارىسى ايتىلدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. كوميسسيا وتىرىسىندا قازاقستاننىڭ ءزىلزالادان زارداپ شەككەن نەپالعى 200 000 دوللارى كولەمىندە رەسمي گۋمانيتارلىق كومەك كورسەتۋى ايتىلدى. ال اتالعان قاراجات  ۇكىمەتتىڭ توتەنشە رەزەرۆىنەن بولىنەدى دەپ جوسپارلانىپ وتىر. سونداي-اق, كوميسسيا مۇشەلەرى قازاقستان رەسپۋبليكاسى ۇكىمەتىنە اۋعانستانعا گۋمانيتارلىق كومەك كورسەتۋدى ۇسىنۋ تۋرالى شەشىم قابىلدادى. بۇل ەلگە وسىمدىك مايى, جىلى كيىم-كەشەك, توسەك ورىندار مەن جابدىقتار, شاتىرلار جانە ىدىس-اياق جەتكىزىلەدى. تالعات رايىمبەك. دەرەك: پرەمەر-ءمينيستردىڭ ءباسپاسوز قىزمەتى. سۋرەت: ntv.ru.