سەنات جۇمىسىنداعى باسىم باعىت

قازاقستان رەسپۋبليكاسىنىڭ بەسىنشى شاقىرىلعان پار­لا­مەنتىنىڭ بەسىنشى سەسسياسىنىڭ اشىلۋىنا وراي سەنات ءتور­اعاسى قاسىم-جومارت توقاەۆ مەملەكەت باسشىسى نۇر­سۇل­تان نا­زارباەۆتىڭ ينستيتۋتتىق رەفورمالارىن زاڭناما­لىق تۇرعىدا قامتاماسىز ەتۋ ماسەلەلەرى بويىنشا جوعارعى پالا­تانىڭ بيۋرو مۇشەلەرى جانە اپپاراتىنىڭ باسشى قىزمەتكەر­لە­رىمەن كەڭەس وتكىزدى, دەپ حابارلادى سەناتتىڭ ءباسپاسوز قىزمەتى. «جۋىردا وتكەن كونستي­تۋ­تسيا­­­نىڭ 20 جىلدىعىنا ارنالعان حا­لىقارالىق كونفەرەنتسيادا ءسوي­لە­گەن سوزىندە پرەزيدەنت الداعى ءۇش-ءتورت جىل ىشىندە ۇلت جوسپارىن­ زاڭنا­مالىق قامتۋ ماقساتىندا جەتپىستەن استام زاڭ قابىلداۋ جوس­پارلانىپ وتىرعانىن, ونىڭ ىشىندە جىل سوڭىنا دەيىن 57 زاڭ قابىلداۋ قاجەتتىگىن ايتىپ ءوتتى», – دەدى ق.توقاەۆ. قالىپتاسقان ەرەكشە احۋالعا وراي ق.توقاەۆ جەدەل­دىكتى جانە زاڭداردى جوعا­رى ساپادا قابىلداۋدى قامتا­ماسىز ەتۋ ءۇشىن سەنات كومي­تەتتەرىن ءماجىلىستىڭ ءتيىستى كوميتەتتەرىمەن جانە زاڭ جوبالارىن ازىرلەگەن مينيسترلىكتەرمەن ىنتىماقتاسا قويان-قولتىق جۇمىس ىستەۋگە شاقىردى. توراعا, سونداي-اق, پالاتانىڭ قوسىمشا وتىرىستارىن وتكىزۋ مۇمكىندىكتەرى تۋرالى دا ايتتى. سوندىقتان سەناتورلاردى كاسىبي بىلىكتىلىكتى, ىجداعاتتىلىق پەن جاۋاپتىلىقتى تالاپ ەتەتىن اۋقىمدى زاڭ شىعارۋ جۇمىستارى كۇتىپ تۇر. سەنات اپپاراتىنا دەپۋ­تاتتاردىڭ زاڭنامالىق قىزمەتىن جەدەل ءارى ساپالى قۇقىقتىق, اقپاراتتىق, ۇيىمداستىرۋشىلىق جانە قۇجاتتامالىق جاعىنان قامتاماسىز ەتۋ تاپسىرىلدى. زاڭ جوبالارىمەن جۇمىسقا باسىمدىق بەرىلەتىنى ەسكەرىلە وتىرىپ, كوميتەتتەردىڭ كوشپەلى وتىرىستارى مەن دەپۋتاتتاردىڭ ءىسساپارلارىن قايتا ۇيلەستىرۋ تۋرالى ۇسىنىس ايتىلدى. جاڭا پارلامەنتتىك سەسسيادا سەناتتىڭ العاشقى وتىرىسى 3 قىركۇيەكتە وتەتىن بولدى.  «ەگەمەن-اقپارات».