ەرەكشە كورمە

ۇلتتىق مۋزەيدە ۇلىبريتانيادان كەلگەن ەرەكشە شاي كورمەسى ءوتتى. شارا استانا كۇنىنە جانە ۇلتتىق مۋزەيدىڭ 1 جىلدىعىنا وراي ۇيىمداستىرىلدى. وندا «Chitra by Newby» حالىقارالىق بىرەگەي شاي كوللەكتسياسى تانىستىرىلدى.  قازاقستان – «Chitra by Newby كوللەكتسياسىنان» حالىق­ارالىق كورمەسى وتكىزىلگەن العاشقى ەل. كورمەنى قازاقستان رەس­پۋبليكاسىنىڭ مادەنيەت جانە سپورت مينيسترلىگى, بريتانيالىق كوممەرتسيالىق ەمەس N.Sethia Foundation قايىرىمدىلىق قورى جانە قازاقستان رەسپۋبليكاسىنىڭ ۇلتتىق مۋزەيى ۇيىمداستىردى. سونداي-اق, كورمەنى ۇيىمداستىرۋعا قازاقستان رەسپۋبليكاسىنىڭ ۇلتتىق بانكى قولداۋ بىلدىرگەن, ال كوللەكتسيانى رەسمي تاسىمالداۋشى – «ەير استانا» اق. «بۇگىنگى كۇندى تاريحي كۇن دەپ ايتۋعا بولادى. ءدال وسى كورمەنى ەلباسىمىزدىڭ ءوزى تاماشالاپ, ۇلكەن باعاسىن بەرىپ كەتتى. شاي مادەنيەتى قازاق حالقىنا ەشقاشان بوتەن بولعان ەمەس. ءبىز باسقا حالىقتاردان كەم شاي ىشپەيمىز. ال شايدىڭ تاريحىنا قاتىستى تىڭ  دەرەكتەردى ءبىلۋ ءۇشىن ءبىز وسىنداي كورمەلەرمەن تانىسۋىمىز كەرەك. وسىندا تۇرعان ءاربىر شاي جابدىعىنىڭ ءوزىنىڭ تەرەڭ تاريحى بار. بۇل جەردەن وسىدان جەتى-سەگىز عاسىر بۇرىن جاسالعان بۇيىمداردى كورۋگە بولادى. ولاردىڭ بارلىعى ءبىزدىڭ رۋحاني دۇنيەمىزدى بايىتادى.مەن وسى كورمەنى ۇيىمداستىرىپ, الەمنىڭ جاۋھارلارىنىڭ ءبىزدىڭ الدىمىزعا كەلۋىنە ۇيىتقى بولعان ۇلتتىق بانك توراعاسى قايرات كەلىمبەتوۆكە, نيرمال سەتحيا مىرزاعا ەرەكشە العىس ايتقىم كەلەدى», – دەدى كورمەنىڭ اشىلۋىندا سويلەگەن سوزىندە ۇلتتىق مۋزەي ديرەكتورى دارحان مىڭباي. «Chitra by Newby كوللەكتسياسىنان» كورمەسى استانا تۇرعىندارى مەن قوناقتارىن ەرەكشە قۇندى جادىگەرلەرمەن تانىستىرىپ, شاي ءىشۋ مادەنيەتىندە قالىپتاسقان داستۇرلەر تۋرالى جانە وسىناۋ كونە سۋسىننىڭ تاريحىنان حاباردار ەتتى. «Chitra by Newby كوللەكتسيا­سىن» جيناقتاۋشى – N.Sethia Groupof Companies جانە «N.Sethia Foundation» قايىرىمدىلىق قورىنىڭ توراعاسى نيرمال كۋمار سەتحيا. لوندوندا ورنالاسقان «Chitra by Newby كوللەكتسياسى» – بۇل شاي تاريحىمەن بايلانىستى جالعىز جەكە انتيكۆارياتتار توپتاماسى. كوللەكتسيا قۇرامىندا ەۋروپا, ازيا جانە امەريكادا جاسالعان قولدانبالى ونەر تۋىندىلارىنىڭ 1500-دەن استام سيرەك جانە عاجاپ ۇلگىلەرى بار. كوللەكتسيا مىڭ جىلدىق ۋاقىت ارالىعىن قامتيدى: سۋن ديناستياسى (ح-حIII ع.ع.) كەزىندەگى پيالالار مەن ساتسۋمالىق كەرەمەت فارفور شاينەكتەردەن باستاپ ۆيكتورياندىق داۋىردەگى سالتاناتتى شاي ىدىستارى مەن ححI عاسىردا جاسالعان ءساندى اكسەسسۋارلارعا دەيىن – قىتايدىڭ مين داۋىرىنە جاتاتىن كوكالا فارفوردان جاسالعان, كۇمىسپەن بەزەندىرىلگەن «كرااك» ستيلىندەگى شاينەك, اشىق تەڭىز تولقىنى تۇستەس نەفريتتەن جاسالعان, ايداھار بەينەلەنگەن كەسە, قىتايدىڭ كانسي داۋىرىنە جاتاتىن التىنمەن بەزەندىرىلگەن فارفور شاينەك, بوروككو ستيلىندە نيدەرلاندتا جاسالعان شاينەك (1700), التىنمەن بەزەندىرىلگەن, گەليوتروپتان جاسالعان شاينەك, التىن جالاتىلعان كۇمىس شاينەك پەن شاي تاباق, بريتانيا جانە تاعى باسقالار بار. دينارا بىتىكوۆا, «ەگەمەن قازاقستان». سۋرەتتى تۇسىرگەن ەرلان وماروۆ.