سىر ءوڭىرىنىڭ سپورتشىسى الەمدىك سىندا جۇلدە الدى

قىزىلوردا. 20 قازان. قىزىلوردا وبلىسى قارماقشى اۋدانىنىڭ تۇرعىندارى لاتۆيانىڭ ريگا قالاسىندا وتكەن سامبودان جاسوسپىرىمدەر اراسىنداعى الەم چەمپيوناتىنىڭ كۇمىس جۇلدەگەرى ديانا تىلەۋمۇراتوۆانى قوشەمەتپەن كۇتىپ الدى. اتالعان سايىسقا 30 ەلدىڭ سپورتشىلارى قاتىستى. بۇل تۋرالى egemen.kz ءتىلشىسى حابارلادى. جاسوسپىرىمدەر اراسىندا 48 كيلو سالماقتا ونەر كورسەتكەن قارماقشىلىق ديانا تىلەۋمۇراتوۆا №1 قىزىلوردا وبلىسىنىڭ مامانداندىرىلعان بالالار مەن جاسوسپىرىمدەردىڭ وليمپيادالىق رەزەرۆ مەكتەبىنىڭ سپورتشىسى. ەندى ول بيىلعى جەلتوقسان ايىندا وتەتىن ازيا چەمپيوناتىنا ەل نامىسىن قورعايدى. ايتا كەتەيىك, قازان ايىنىڭ 8-12 ارالىعىندا لاتۆيانىڭ ريگا قالاسىندا سامبودان جاسوسپىرىمدەر اراسىنداعى الەم بىرىنشىلىگى ءوتتى. حالىقارالىق تۋرنيردە باق سىناعان جەرلەسىمىز كۇمىس جۇلدەگەر اتاندى. د.تىلەۋمۇراتوۆا جارىس جولىندا بەلارۋس, رۋمىنيا سپورتشىلارىنان باسىم تۇسسە, شەشۋشى سىندا رەسەيلىك سپورتشىعا جاراقاتىنا بايلانىستى جول بەردى. جاس سپورتشى بۇعان دەيىن جاسوسپىرىمدەر اراسىندا قازاقستان چەمپيونى اتاندى. ونى جارىسقا دايىنداعان دارحان الماحانوۆ. ەرجان بايتىلەس. دەرەك, سۋرەت: egemen.kz.