قوستاناي. 20 قازان. قوستاناي وبلىسىندا استىق جيناۋ ناۋقانى تولىق اياقتالدى. 4 ميلليون 18 مىڭ گەكتاردان قامباعا بارلىعى 5 ميلليون توننا التىن استىق قۇيىپ الىندى. بۇل تۋرالى egemen.kz ءتىلشىسى حابارلادى.
كوكتەم جانە كۇزدە اۋا رايىنىڭ اسا قولايلى بولماعانىنا قاراماستان قوستانايلىق ديقاندار گەكتارىنان 12,4 تسەنتنەردەن استىق جينادى. اسىرەسە, فەدوروۆ, سارىكول, مەڭدىعارا, ۇزىنكول اۋداندارىندا گەكتار اينالىمى مول, 16 تسەنتنەردەن اسىپ جىعىلدى. استىق ءۇشىن اتتانىسقا 12 مىڭ كومباين, ونىڭ ىشىندە 3,2 مىڭ قۋاتتى, ونىمدىلىگى جوعارى دجون-دير, كەيس, كلااس, اكروس كومبايندارى قاتىستى. ونىڭ سىرتىندا 8,6 مىڭ جۇك ماشينالارى, باسقا دا مىڭداعان باسقا تەحنيكالار بولدى.
ادەتتە, وبلىستا وڭتۇستىك اۋداندار استىقتى ەرتەرەك جيناپ الادى. اۋا رايىنىڭ جاڭبىرلى بولۋىنا بايلانىستى ۋاقىتتان ۇتۋ ءۇشىن وڭتۇستىك اۋدانداردان 200 كومباين سولتۇستىك اۋداندارداعى ديقاندارعا كومەككە كەلدى. مۇنىڭ ءوزى جاۋاپتى ناۋقاننىڭ تەزىرەك بىتۋىنە مۇمكىندىك جاسادى. وبلىس ديقاندارى مەملەكەت تاراپىنان جاساللعان جەڭىلدىكتەردى پايدالانا وتىرىپ, 77 مىڭ توننا ديزەل وتىنىن ارزان باعامەن الدى. ەگىس القابىنداعى كوكتەمگى-كۇزگى جۇمىستار ءۇشىن مەملەكەت 6.5 ميلليارد تەڭگە نەسيە قارجىسىن بولگەن بولاتىن.
جينالعان استىقتىڭ جاقسى ساقتالۋى ءۇشىن وبلىستا سىيىمدىلىعى 7 ميلليون توننا ەلەۆاتورلار مەن قويمالار دايىندالدى. بۇگىنگە دەيىن ەلەۆاتورلارعا 1 ميلليون 391 مىڭ توننا استىق ءتۇستى, ونىڭ 1ميلليون 209 مىڭ تونناسى بيداي. كوكەتمدە 548 مىڭ توننا تۇقىم سەبىلگەن بولاتىن. بۇل 100 پايىز سۇرانىستى قامتاماسىز ەتتى.
وبلىستا قازىر مايلى داقىلدار جينالۋدا. بۇگىنگە دەيىن 161 مىڭ گەكتار القاپ جيناودى, بۇل بارلىق كولەمنىڭ 48 پايىزى بولىپ تابىلادى. ونىڭ گەكتار اينالىمى 5,6 تسەنتنەردەن كەلىپ تۇر.
ءنازيرا جارىمبەتوۆا.
دەرەك, سۋرەت: egemen.kz.
