قاراعاندىدا جاس اقىندار ءمۇشايراسى ءوتتى

قاراعاندى. 25 مامىر. وبلىستىق تىلدەردى دامىتۋ جونىندەگى باسقارماسى قازاق حاندىعىنىڭ 550 جىلدىعىنا وراي « اڭىز دالا-ابىز دالا» اتتى جىر ءمۇشايراسىن وتكىزدى. بۇل تۋرالى egemen.kz ءتىلشىسى حابارلادى. اتالعان ءداستۇرلى بايقاۋعا 20-30 جاس ارالىعىنداعى 29 اقىن قاتىستى. قازىلار القاسى ولاردىڭ ولەڭدەرىن ىرىكتەۋ بارىسىندا شىعارمانىڭ تاقىرىبىنا ءمان بەرىپ, بايقاۋ شارتىنا سايكەستىن, يدەيالىق مازمۇنى مەن كوركەمدىك ساپاسىنا نازار اۋداردى. وسىعان وراي اقتىق سىنعا 10 ۇمىتكەردىڭ ولەڭدەرى جىبەرىلدى. ال اقتىق مارەدە قازىلار باس جۇلدەگە «ورتالىق قازاقستان» گازەتىنىڭ اعا ءتىلشىسى ميراس اساننىڭ جىرلارى لايىق دەپ تانىدى. سونداي-اق, قالعان جۇلدەلى ورىنداردى بايقاۋعا قاتىسۋشى 5 اقىن ءوزارا ءبولىستى. اقىنداردى ماراپاتتاۋ ساتىندە قازاقستان رەسپۋبليكاسىنىڭ ەڭبەك سىڭىرگەن قايراتكەرى رىمبالا ومارحانوۆا: «ءبىز جاس تالاپكەرلەردىڭ ولەڭ-جىر ورنەكتەۋدەگى وزىندىك ىزدەنىستەرىنە كۋا بولدىق. تولعاۋلاردان وتكەن تاريحتىڭ اقيقات-شىندىعى, بۇگىنگى ءومىرىمىزدىڭ تىنىس-بەينەسى سەزىلدى. ۇلتتىق پوەزيامىزدىڭ جاڭا تولقىن ۇنىمەن جارقىراي ءتۇسۋى قۋانتتى», – دەدى. ايقىن نەسىپباي. دەرەك: egemen.kz. سۋرەت: bnews.kz.