ءۇندىستاندا 4 كۇننىڭ ىشىندە اپتاپ ىستىقتان 500 ادام قايتىس بولدى

الماتى. 25 مامىر. اسپان اينالىپ جەرگە تۇسكەن ىستىق پەن اۋا جەتپەس قاپىرىقتان 4 كۇننىڭ ىشىندە ءۇندىستاندا 500 ادام كوز جۇمدى. قاسىرەتتى وقيعا ەلدىڭ وڭتۇستىگىندەگى اندحرا-پرادەش پەن تەلانگانا شتاتتارىندا ورىن الدى. بۇل تۋرالى ريا «نوۆوستي» حابارلادى. ماچيليپاتنام مەن تۋني شاھارلارىندا اۋانىڭ تەمپرەاتۋراسى +47 گرادۋسقا دەيىن كوتەرىلگەن. ەڭ قيىنى – مەتەورولوگتار تاياۋ كۇندەرى ىستىقتىڭ بەتى قايتپايتىنىن ەسكەرتتى. جەرگىلىكتى اكىمشىلىك تۇرعىندارعا دالاعا شىقپاي, مۇمكىن بولسا كولەڭكەنى سايالاۋعا كەڭەس بەرۋدە. الايدا, ەڭ باستىسى, حالىق – اۋىزسۋعا ءزارۋ. ءساۋىر مەن مامىر ايلارىندا كۇننىڭ ەرەكشە ىسۋى ءۇندىستاننىڭ وڭتۇستىك اۋماعىنا ءتان قۇبىلىس. دەگەنمەن  ءۇندى سينوپتيكتەرى تەلاگان شتاتىندا ءدال مۇنداي ىستىق سوڭعى رەت 1947 جىلى بولعان دەيدى. سول جىلى تەرمومەتردەگى كورسەتكىش تسەلسي باعانى بويىنشا +47,2 گرادۋستى كورسەتكەن ەكەن. تالعات ءسۇيىنباي. دەرەك, سۋرەت: ريا «نوۆوستي».