20 قازان, 2015

قاراعاندىداعى جول جوندەۋ بيزنەستى تىعىرىققا تىرەدى

274 رەت
كورسەتىلدى
1 مين
وقۋ ءۇشىن
21-10-2015-Jol Karagandaقاراعاندى. 20 قازان. قاراعاندىدا جول جوندەۋ جۇمىستارىنىڭ جىرى ۇزاققا سوزىلىپ, سونىڭ سالدارىنان كاسىپكەرلەر شاش-ەتەكتەن زيان شەگە باستادى. بۇل تۋرالى zakon.kz سايتىنا سىلتەمە جاساعان egemen.kz ءتىلشىسى حابارلادى. وبلىس ورتالىعىندا جاز بويى جۇرگىزىلىپ جاتقان جول جوندەۋ جۇمىستارىنىڭ «ارقاسىندا» 30-عا تارتا كاسىپورىن شىعىنعا بەلشەدەن باتقان. بانكروتتىقتىڭ بۇلتى تونگەن شاعىن بيزنەس نىساندارىنىڭ اراسىندا دۇكەندەر مەن اپتەكالار جانە ءدامحانالار بار. اسىرەسە زارداپ شەككەن قالاداعى كونە كينوتەاترلاردىڭ ءبىرى ەكەن. جول جوندەۋشىلەر كينوتەاترعا بارار جولدىڭ ءبارىن ءۇش جارىم ايعا جاۋىپ تاستاعان. سونىڭ كەسىرىنەن كورەرمەندەر سانى ءتورت ەسەگە ازايىپ, قارىز دەگەن ءۇيىلىپ قالعان ەكەن. كينوتەاتر ديرەكتورىنىڭ ايتۋىنشا, مەكەمە بۇگىنگى كۇندە ەلىمىزدەگى ءىرى پروكات ۇيىمدارىنىڭ الدىندا 4 ميلليون تەڭگە, سونداي-اق قىزمەتكەرلەرىنىڭ ەڭبەكاقىسى بويىنشا 4,5 ميلليون تەڭگە قارىزعا «كىرىپ» كەتىپتى. قايرات ءابىلدينوۆ. دەرەك, سۋرەت: egemen.kz.
سوڭعى جاڭالىقتار

ادام قۇقىعى – باستى نازاردا

اتا زاڭ • 21 اقپان, 2026