اقپاراتتىق-كوممۋنيكاتسيالىق تەحنولوگيا: بۇگىن جانە ەرتەڭ

كەشە ۇكىمەت ۇيىندە پرەمەر-ءمينيستردىڭ ورىنباسارى بەردىبەك ساپارباەۆ حالىقارالىق الەۋمەتتىك قامسىزداندىرۋ قاۋىمداستىعى (حاقق) پرەزيدەنتى ەررول فرانك ستۋۆە باستاعان دەلەگاتسيامەن كەزدەسۋ وتكىزدى,  دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا الەۋ­مەتتىك قامسىزداندىرۋ سالا­سىندا اقپاراتتىق جانە كوم­مۋنيكاتسيالىق تەحنولوگيالاردى (اكت) پايدالانۋ ماسەلەلەرى تالقىلاندى. ب.ساپارباەۆ قازاقستاندا الەۋمەتتىك سالاداعى اكت دامى­تۋعا ەرەكشە كوڭىل بولىنەتىنىن اتاپ ءوتتى. «بۇل سالانى دامىتۋ سەرپىنى سوڭعى جىلدارى ەكپىندەپ ءوسىپ كەلەدى. جاڭا تەحنولوگيا­لاردى ەنگىزۋدىڭ ارقاسىندا الەۋمەتتىك سالاداعى ەلەكتروندى قىزمەتتەر سانى جىل سايىن ارتۋدا. ءبىزدىڭ ەلىمىز اكت دامىتۋ دەڭگەيى بويىنشا ۇلكەن جەتىستىكتەرگە جەتىپ, تمد ەلدەرى اراسىندا جەتەكشى ورىندار­عا يە», – دەپ باسا ايتتى ۆيتسە-پرەمەر. ول, سونداي-اق, قازاقستان داعدارىس كەزىندە دە بارلىق الەۋمەتتىك مىندەتتەمەلەردى ورىنداپ وتىرعان الەمدەگى ساناۋ­لى ەلدەردىڭ ءبىرى ەكەنىن ايتتى. ۆيتسە-پرەمەر وسىدان كەيىن استانادا 2-4 قىركۇيەكتە حاقق قامقورلىعىمەن الەۋمەتتىك قامسىزداندىرۋداعى اقپاراتتىق جانە كوممۋنيكاتسيالىق تەحنولوگيالار بويىنشا حالىق- ارالىق كونفەرەنتسيا وتكىزۋدىڭ ماڭىزدىلىعىن اتاپ ءوتتى. «وسىندا اۋقىمدى ءىس-شارا حالىقارالىق ىنتىماقتاستىقتى ءارى قاراي جالعاستىرۋعا جانە تاجىريبە الماسۋعا جاعىمدى ورتا قالىپتاستىرىپ, قازاق­ستاننىڭ الەۋمەتتىك قامسىز­دان­دىرۋىنداعى اقپاراتتىق جانە كوممۋنيكاتسيالىق تەحنولوگيا­لاردى دامىتۋعا جاڭا سەرپىن بەرەدى», – دەپ تۇيىندەدى بەردىبەك ساپارباەۆ. ءوز كەزەگىندە ەررول فرانك ستۋۆە قازاقستاندىق تاراپقا كونفەرەنتسيا ۇيىمداستىرۋعا قول ۇشىن بەرگەنى ءۇشىن العىس ءبىلدىرىپ, اتالعان ديالوگ الاڭى الەۋمەتتىك قامسىزداندىرۋداعى اكت سالاسىن ودان ءارى دامىتۋعا سىندارلى شەشىم جاساۋعا سەپتىگىن تيگىزەتىنىنە سەنىم ءبىلدىردى.