بيشىلەر بايقاۋى بولدى

استانا اكىمدىگى مەن «United4» پروديۋسەرلىك ورتالىعى ەلوردا مەرەكەسىن تويلاۋ اياسىندا «International Street Dance Session» كوشە ءبيىنىڭ VI حالىقارالىق فەستيۆالىن ۇيىمداستىردى. 4-5 شىلدە ارالىعىندا وتكەن بي جارىسىنىڭ قاتىسۋشىلارىنىڭ قاراسى قالىڭ.  جالعىز جانە توپپەن سايىسقا تۇسكەن بيشىلەردىڭ جاس مولشەرىنە شەكتەۋ قويىلمايدى. سونداي-اق, الاڭدا ونەرپازدار كوشە بيلەرىنىڭ حيپ-حوپ, پوپپينگ, لوكينگ, ۆاكينگ, كرامپ جانە حاۋس سىندى تۇرلەرىن كورسەتەدى. 2010 جىلدان بەرى ءداستۇرلى تۇردە وتكىزىلىپ كەلە جاتقان وسىناۋ بي سايىسى استانا مەرەكەسى قارساڭىنداعى جارقىن وقي­عالاردىڭ ءبىرى بولىپ تابىلادى. ال اتالعان فەستيۆالدىڭ باستى قوناعى «شاگ ۆپەرەد 3D» ءفيلمىنىڭ جۇلدىزى مەدد چەدد. سونىمەن قاتار, جارىس­تا جەڭىمپازداردى انىقتاپ, ءادىل باعاسىن بەرۋشىلەردىڭ, ياعني قازىلار القاسىنىڭ قۇرامىندا تانىمال حورەوگرافتار بار. اتاپ ايتقاندا, تنت ارناسىنداعى «تانتسى», MTV-داعى «زۆەزدى تانتسپولا-2» شوۋلارىنا قاتىسقان زلاتا ماسلو مەن دجاستين بيبەردىڭ, مايلي سايرۋس پەن پينكتىڭ كليپتەرىنە تۇسكەن Aja George بار. وسىنداي بەدەلدى ءارى تاجىريبەلى تۇلعالارمەن تىعىز بايلانىستىڭ ارقا­سىندا بيشىلەر جىلدان-جىل­عا كاسىبيلەنە تۇسەدى. جانە دە ايتا كەتەرلىگى, بۇل فەستيۆالدىڭ جۇلدە قورى 2,5 ملن.تەڭگەدەن اسادى. ال باس جۇلدەگە 1 ملن.تەڭگە تاعايىندالعان. جاڭا باستاعاندار مەن كاسىبي بيشىلەر ءۇشىن ءبيدىڭ ءار باعىتى بويىنشا نوميناتسيالار قاراستىرىلعاندىقتان ولارعا قويىلار تالاپ تا جوعارى. ەلميرا ماتىباەۆا, «ەگەمەن قازاقستان».