«شاحتەردىڭ» مەديا-وفيتسەرى ون جىلعا سوتتالۋى مۇمكىن

قاراعاندى. 20 قازان. قاراعاندىلىق پروكۋرورلار «شاحتەر» فۋتبول كلۋبىندا ءباسپاسوز قىزمەتىنىڭ جەتەكشىسى بولىپ ىستەگەن مانسۇر قاليەۆتى ون جىلعا تۇرمەگە قاماۋدى تالاپ ەتىپ وتىر. بۇل تۋرالى egemen.kz ءتىلشىسى حابارلادى. ەسكە سالساق, وتكەن جىلدىڭ قاراشا ايىندا ارنايى جەدەل جاساق جاۋىنگەرلەرى وبلىس ورتالىعىنداعى «وليمپ» بۋكمەكەرلىك كەڭسەسىنە قاراقشىلىق شابۋىل جاساعان بەس بىردەي كۇدىكتىنى قولعا تۇسىرگەن بولاتىن. كەيىن انىقتالعانداي, بۇل قىلمىستىق ءىستىڭ باستى ۇيىمداستىرۋشىسى – «شاحتەر» فۋتبول كلۋبىنىڭ مەديا-وفيتسەرى مانسۇر قاليەۆ بولىپ شىقتى. سونداي-اق, تەرگەۋ امالدارى بارىسىندا مانسۇر قاليەۆتىڭ بۇدان بولەك قاراقشىلىق شابۋىل جاساۋدىڭ تۋرا وسىنداي تاعى دا 8 فاكتىسىنە قاتىسى بارلىعى انىقتالعان. قازىرگى ۋاقىتتا وسى ىسكە قاتىستى سوت پروتسەسى ءجۇرىپ جاتىر. مەملەكەتتىك ايىپتاۋشى قاليەۆكە 10 جىل, ونىڭ ءتورت سىبايلاسىنا 7 جىلدان جازا سۇراپ وتىر. قايرات ءابىلدينوۆ. دەرەك, سۋرەت: egemen.kz.