پولشاداعى پرەزيدەنت سايلاۋىندا اندجەي دۋدا جەڭىسكە جەتتى

استانا. 25 مامىر. كەشە پولشادا پرەزيدەنت سايلاۋىنىڭ ەكىنشى تۋرى اياقتالىپ, ەكزيت-پول ءوز ناتيجەسىن جاريالادى. سوعان سايكەس ەلدىڭ جاڭا باسشىسى سايلانعانى بەلگىلى بولدى. بۇل تۋرالى 24.pl حابارلادى. اتالعان ۇيىمنىڭ ساراپتاما قورىتىندىسى بويىنشا, وپپوزيتسيالىق «قۇقىق جانە ادىلدىك» پارتياسىنىڭ كانديداتى اندجەي دۋدانىڭ جەڭىسكە جەتتى. ساۋالناما ناتيجەسىندە وعان سايلاۋشىلاردىڭ 53 پايىزى داۋىس بەرگەنى انىقتالدى. ال دۋدانىڭ باستى قارسىلاسى, قازىرگى پرەزيدەنت برونيسلاۆ كوموروۆسكيدىڭ 47 پايىز داۋىس جيناعان. سايلاۋدىڭ ەكىنشى تۋرىنا سايلاۋشىلاردىڭ قاتىسۋ كورسەتكىشى 56,1 پايىزدى قۇرادى. «اندجەي دۋدا مىرزانى ناتيجەسىمەن قۇتتىقتايمىن جانە ونىڭ پرەزيدەنتتىك قىزمەتىنە ساتتىلىك تىلەيمىن. پولشانىڭ تەك جاقسى بولعانىن قالايمىن», – دەدى سايلاۋ ناتيجەسىنە قاتىستى برونيسلاۆ كوموروۆسكي. ەلامان قوڭىر. دەرەك: 24.pl. سۋرەت: szona.org.