اتا زاڭ مەرەكەسى ميلاندا اتالىپ ءوتىلدى

قازاقستان كونستيتۋتسياسىنىڭ كۇنى ەجەلگى وركەنيەت ورداسى – يتاليا ەلىندە اتالىپ ءوتىلدى. ميلان قالاسىندا ءوتىپ جاتقان ەكسپو-2015 حالىقارالىق جەتىستىكتەر كورمەسىندەگى قازاقستان پاۆيلونىنىڭ الدىنداعى الاڭدا وسى ايتۋلى كۇنگە ارنالعان مەرەكەلىك شارالار بولىپ ءوتتى. الەم حالىقتارى جەتىس­تىك­تە­رىنىڭ جادىگەرلەرىن پاش ەتەتىن ەكسپو كورمەسى – جاھاندىق ءىرى حالىقارالىق شارالاردىڭ بىرەگەيى. مىنە, بىرنەشە ايدان بەرى ميلان قالاسىنا دۇنيە ءجۇزىنىڭ نازارى اۋعان. كورمەگە تورتكۇل دۇنيەنىڭ ءتورت بۇرىشىنان ات ءىزىن سالعان تۋريستەردىڭ قازاق­ستان رەسپۋبليكاسى پاۆيلو­نىنا سوقپاي كەتكەندەرى كەم دە كەم. مامانداردىڭ ايتۋى بو­يىنشا, ەكسپو-2015 حالىق­ارالىق جەتىستىكتەر كورمە­سىن­دەگى پاۆيلونداردىڭ ىشىندە قازاق­­ستان­دىق پاۆيلوننىڭ مەرەيى ۇستەم بولۋدا. قازىردىڭ وزىندە ەلىمىز­دىڭ پاۆيلونىنا 600 مىڭنان استام كورەرمەن كەلگەن. كورمە اياقتالعانعا دەيىن ولاردىڭ سانى 1 ميلليوننان اسىپ تۇسەتىندىگى كامىل. «ەكسپو بۇكىلالەمدىك جەتىس­تىكتەر كورمەسى 120 جىلدان استام ۋاقىتتان بەرى ەڭ دامىعان ەلدەردە وتكىزىلىپ كەلەدى. قازاقستان – جەر كولەمى جاعىنان الەمدەگى توعىزىنشى ەل بولىپ سانالادى. ءبىزدىڭ ەلىمىزدە 140-قا جۋىق ۇلت وكىلدەرى تاتۋ-ءتاتتى ءومىر سۇرۋدە. قازاقستان – ورتالىق ازياداعى جانە تمد-داعى كوشباسشى مەملەكەتتىڭ ءبىرى. كونستيتۋتسيا – ءبىزدىڭ ەلىمىزدىڭ قول جەتكىزگەن جەتىستىكتەرىنىڭ تۇعىرى, تەڭ قۇقىق پەن مۇمكىندىكتەردىڭ كەپىلى. قازاقستاننىڭ كەلەسى ەكسپو كورمەسىن ءوزىنىڭ استاناسىندا وتكىزۋ قۇرمەتىنە يە بولۋى دا سونىڭ ايقىن ايعاعى», دەدى ميلانداعى قازاقستان كونستيتۋتسياسى كۇنىنە ارنالعان مەرەكەلىك سالتاناتتا سويلەگەن سوزىندە «استانا ەكسپو-2017» ۇك» اق باسقارما توراعاسى احمەتجان ەسىموۆ. بۇدان كەيىن احمەتجان ەسىموۆ يتاليالىق جۋرناليستەردىڭ قويعان بىرقاتار سۇراقتارىنا جاۋاپ بەردى. ولاردىڭ ءبىرى ميلاندا ءوتىپ جاتقان كورمەدە ءوزىنىڭ پاۆيلونىمەن كوپشىلىكتى تاڭداندىرعانداي, قازاقستان ەكسپو-2017 حالىق­ارالىق كورمەسىن جوعارى دارەجەدە وتكىزە الا ما دەگەن سۇراق قويدى. «استانادا وتەتىن كورمەنىڭ تاقى­رىبىنىڭ ءوزى بۇگىنگى تاڭدا الەمدەگى ەڭ ماڭىزدى ماسەلە بولىپ وتىر, وعان قوسا قازاقستان ەكسپو كورمەسىن وتكىزۋدەگى يتاليالىق ارىپتەستەرىنىڭ تاجىريبەسىن مولىنان پايدالانادى», دەپ جاۋاپ بەردى «استانا ەكسپو-2017» ۇك» اق باسقارما توراعاسى. ميلان­داعى قازاقستان پاۆيلونى الدىن­داعى مەرەكە ەلىمىزدىڭ ونەر شەبەر­لەرىنىڭ كونتسەرتىنە ۇلاستى. جاراس سادۋاقاسوۆ.