پاتريوتتار پارتياسىنىڭ توراعاسى دا جاڭاردى

سەنبى كۇنى ەلوردادا قازاقستان پاتريوتتار پارتياسىنىڭ كەزەكتەن تىس XIV سەزى ءوتتى. وعان پارتيانىڭ وڭىرلىك فيليالدارىنان دەلەگاتتار قاتىستى. سەزدە قازاقستان پاتريوتتار پارتياسىنىڭ جاڭا توراعاسىن سايلاۋ تۋرالى ماسەلە قارالدى. دەلەگاتتار الدىندا ءسوز سويلەگەن عاني قاسىموۆ الدا تۇرعان مىندەتتەردى شەشۋ ءۇشىن پارتياعا جاڭاشىلدىق قاجەت ەكەنىن اتاپ ءوتتى. سونداي-اق, ول ەندى ءوزىنىڭ بار كۇش-جىگەرىن ۇلتتىق كاسىپكەرلەر پالاتاسىنداعى قىزمەتىنە جۇمسايتىندىعىن مالىمدەدى. ويتكەنى, مەملەكەت باسشىسى بيزنەس-كەڭىستىككە ۇلكەن جاۋاپكەرشىلىك جۇكتەپ وتىر. ال سەزد دەلەگاتتارى داۋىس بەرۋ ارقىلى قازاقستان پاتريوتتار پارتياسىنىڭ توراعالىعىنا تولىمبەك عابدىلاشىموۆتى سايلادى. جاڭا توراعا كوپتەن بەرى وسى پارتيانىڭ مۇشەسى رەتىندە ساياسي ۇيىمنىڭ جۇمىسىنا بەلسەنە قاتىسقان. ول پارتيانىڭ ۇيىمداستىرۋشىلىق قىزمەتىنە جاڭاشىلدىق ەنگىزە الادى. تولىمبەك عابدىلاشىموۆ بەلسەندى قوعام قايراتكەرى, بىرنەشە رەت پارلامەنت ءماجىلىسى دەپۋتاتتىعىنا كانديدات رەتىندە ۇسىنىلعان. سونداي-اق, ول مەملەكەتتىك ورگانداردا جاۋاپتى قىزمەتتەر اتقاردى. «ەگەمەن-اقپارات».