اقتوبەدە ۇزدىك تالىمگەرلەر ماراپاتتالدى

اقتوبە. 20 قازان. اقتوبەدە ءۇشىنشى رەت تمد-داعى بىرەگەي, ەرەكشە كورپوراتيۆتىك مەرەكە – تالىمگەرلەر كۇنى اتاپ ءوتىلدى. بۇل تۋرالى egemen.kz ءتىلشىسى حابارلادى. وسى جىلى شارا ەۋرازيالىق توپقا (ERG) مۇشە «قازحروم» كومپانياسىنىڭ 20 جىلدىق مەرەيتويىنا ارنالدى. كومپانيانىڭ فيليالدارى – ءدوڭ تاۋ-كەن بايىتۋ كومبيناتى, «قازمارگانەتس» كەن باسقارماسى, اقسۋ جانە اقتوبە فەرروقورىتپا زاۋىتتارىنىڭ ءوندىرىس جانە الەۋمەتتىك سالاسىنىڭ ۇزدىك تالىمگەرلەرىنە قۇرمەت كورسەتۋ تاحاۋي احتانوۆ اتىنداعى وبلىستىق دراما تەاترىندا ۇيىمداستىرىلدى. مەرەكەگە تالىمگەرلەردى عانا ەمەس, سونىمەن بىرگە ولاردىڭ ۇيرەنۋشىلەرى مەن ارىپتەستەرى دە شاقىرىلدى. ۇزدىك تالىمگەرلەردى ىرىكتەۋ كەزىندەگى باستى شارتتار – ۇيرەنۋشىلەر سانى مەن ولاردىڭ قىزمەت بويىنشا كوتەرىلۋى, قامقورلىققا الىنعاندار مەن بولىمشە باسشىلارىنىڭ لەبىزدەرى نازارعا الىندى. بۇدان باسقا, كورپوراتيۆتىك تالىمگەرلەر جوعارى كاسىبي شەبەرلىگى مەن جۇمىستا تۇراقتى كورسەتكىشكە جەتكەن لايىقتى قىزمەتكەرلەردەن تاڭداپ الىندى. ايتا كەتۋ كەرەك, ەڭ ۇزدىك تالىمگەردىڭ ءبىرى بولىپ باۋىرجان وتەمىسوۆ تانىلدى. كاسىپورىندا ەڭبەك ەتكەن 28 جىل ىشىندە ول ۇساقتاۋشىدان باستاپ ءدوڭ تكبك-نىڭ ديرەكتورى ورىنباسارلىعىنا دەيىن كوتەرىلگەن. «قازحرومنىڭ» التىن قورى بولىپ تابىلاتىن ۇزدىك تالىمگەرلەر مەن قىزمەتكەرلەرگە گۇلدەر, سىيلىقتار, كومپانيا باسشىلىعى اتىنان اقشالاي سىياقىلار تاپسىرىلدى. ساتىبالدى ءساۋىرباي. دەرەك, سۋرەت: egemen.kz.