قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا ايەلدەرگە ارنالعان «WAW! Tokyo 2015» اتتى بۇكىلالەمدىك كونفەرەنتسيادا بايانداما جاسادى, دەپ حابارلادى پرەزيدەنتتىڭ ءباسپاسوز قىزمەتى.
گ.ابدىقالىقوۆا قازاقستاننىڭ گەندەرلىك ماسەلەلەردى شەشۋ, قوعامدىق-ساياسي, الەۋمەتتىك-ەكونوميكالىق جانە مادەني-گۋمانيتارلىق سالالاردا ەرلەر مەن ايەلدەر تەڭدىگىن قامتاماسىز ەتۋ ىسىندەگى تابىستارىنا توقتالدى. ول ايەلدەردى مەملەكەتتىك جانە قوعامدىق باسقارۋ جۇمىستارىنا بەلسەندى تۇردە تارتىپ كەلە جاتقان قازاقستان پرەزيدەنتى نۇرسۇلتان نازارباەۆتىڭ ساياسي ەرىك-جىگەرىن ايرىقشا اتاپ كورسەتتى.
مەملەكەتتىك حاتشى ايەلدەردى ەكونوميكالىق سالا بويىنشا ىلگەرىلەتۋ ماسەلەلەرىن تالقىلاۋ ءۇشىن استانا ەكونوميكالىق فورۋمىن حالىقارالىق الاڭ رەتىندە پايدالانۋ جونىندە ۇسىنىس جاسادى. سونداي-اق, گ.ابدىقالىقوۆا كونفەرەنتسياعا قاتىسۋشىلاردى دۇنيەجۇزىلىك ەكسپو-2017 مامانداندىرىلعان كورمەسىنە اتسالىسۋعا شاقىردى جانە ايەلدەرگە ارنالعان, 2016 جىلى توكيودا وتەتىن كەلەسى بۇكىلالەمدىك كونفەرەنتسيا شەڭبەرىندەگى «ەنەرگەتيك جانە كاسىپكەر ايەلدەر فورۋمىنىڭ» ارناۋلى پانەلدىك سەسسياسىندا «جاسىل بيزنەستى» دامىتۋ ماسەلەلەرىن تالقىلاۋدى ۇسىندى.
بۇكىلالەمدىك كونفەرەنتسياعا قاتىسۋشىلار قازاقستانمەن ىنتىماقتاستىق ورناتۋ جانە ايەلدەردىڭ قوعامداعى ءرولىن ارتتىرۋ باعىتىندا كوپجاقتى ۇنقاتىسۋدى ىلگەرىلەتۋگە مۇددەلىلىك تانىتتى.
ساپارىنىڭ ەكىنشى كۇنى مەملەكەتتىك حاتشى جاپونيانىڭ سىرتقى ىستەر ءمينيسترى ف.كيشيدامەن دە كەزدەستى. تاراپتار قازاقستان-جاپونيا ءوزارا ءىس-قيمىلىنىڭ بارلىق باعىتى بويىنشا سەرىكتەستىكتى ودان ءارى تەرەڭدەتۋدىڭ پەرسپەكتيۆالارىن تالقىلادى.
گ.ابدىقالىقوۆا ورتالىق ازيانىڭ بارلىق ەلدەرى ءۇشىن ورتاق پروبلەمالاردى شەشۋ ىسىنە جاردەمدەسۋگە باعىتتالعان جاپونيا ساياساتىنا ريزاشىلىق ءبىلدىرىپ, 2015 جىلعى اقپاندا جاپونيادا قابىلدانعان دامۋعا رەسمي كومەكتىڭ (درك) جاڭا جارعىسى قازاقستان مەن جاپونيا اراسىنداعى ىنتىماقتاستىق اياسىن كەڭەيتۋدىڭ مول مۇمكىندىكتەرىنە جول اشاتىنىن اتاپ ءوتتى.
«ەگەمەن-اقپارات».
گ.ابدىقالىقوۆا قازاقستاننىڭ گەندەرلىك ماسەلەلەردى شەشۋ, قوعامدىق-ساياسي, الەۋمەتتىك-ەكونوميكالىق جانە مادەني-گۋمانيتارلىق سالالاردا ەرلەر مەن ايەلدەر تەڭدىگىن قامتاماسىز ەتۋ ىسىندەگى تابىستارىنا توقتالدى. ول ايەلدەردى مەملەكەتتىك جانە قوعامدىق باسقارۋ جۇمىستارىنا بەلسەندى تۇردە تارتىپ كەلە جاتقان قازاقستان پرەزيدەنتى نۇرسۇلتان نازارباەۆتىڭ ساياسي ەرىك-جىگەرىن ايرىقشا اتاپ كورسەتتى.
مەملەكەتتىك حاتشى ايەلدەردى ەكونوميكالىق سالا بويىنشا ىلگەرىلەتۋ ماسەلەلەرىن تالقىلاۋ ءۇشىن استانا ەكونوميكالىق فورۋمىن حالىقارالىق الاڭ رەتىندە پايدالانۋ جونىندە ۇسىنىس جاسادى. سونداي-اق, گ.ابدىقالىقوۆا كونفەرەنتسياعا قاتىسۋشىلاردى دۇنيەجۇزىلىك ەكسپو-2017 مامانداندىرىلعان كورمەسىنە اتسالىسۋعا شاقىردى جانە ايەلدەرگە ارنالعان, 2016 جىلى توكيودا وتەتىن كەلەسى بۇكىلالەمدىك كونفەرەنتسيا شەڭبەرىندەگى «ەنەرگەتيك جانە كاسىپكەر ايەلدەر فورۋمىنىڭ» ارناۋلى پانەلدىك سەسسياسىندا «جاسىل بيزنەستى» دامىتۋ ماسەلەلەرىن تالقىلاۋدى ۇسىندى.
بۇكىلالەمدىك كونفەرەنتسياعا قاتىسۋشىلار قازاقستانمەن ىنتىماقتاستىق ورناتۋ جانە ايەلدەردىڭ قوعامداعى ءرولىن ارتتىرۋ باعىتىندا كوپجاقتى ۇنقاتىسۋدى ىلگەرىلەتۋگە مۇددەلىلىك تانىتتى.
ساپارىنىڭ ەكىنشى كۇنى مەملەكەتتىك حاتشى جاپونيانىڭ سىرتقى ىستەر ءمينيسترى ف.كيشيدامەن دە كەزدەستى. تاراپتار قازاقستان-جاپونيا ءوزارا ءىس-قيمىلىنىڭ بارلىق باعىتى بويىنشا سەرىكتەستىكتى ودان ءارى تەرەڭدەتۋدىڭ پەرسپەكتيۆالارىن تالقىلادى.
گ.ابدىقالىقوۆا ورتالىق ازيانىڭ بارلىق ەلدەرى ءۇشىن ورتاق پروبلەمالاردى شەشۋ ىسىنە جاردەمدەسۋگە باعىتتالعان جاپونيا ساياساتىنا ريزاشىلىق ءبىلدىرىپ, 2015 جىلعى اقپاندا جاپونيادا قابىلدانعان دامۋعا رەسمي كومەكتىڭ (درك) جاڭا جارعىسى قازاقستان مەن جاپونيا اراسىنداعى ىنتىماقتاستىق اياسىن كەڭەيتۋدىڭ مول مۇمكىندىكتەرىنە جول اشاتىنىن اتاپ ءوتتى.
«ەگەمەن-اقپارات».
