باعالار باقىلاۋدا

ستاتيستيكا ورگاندارىنىڭ مالىمەتىنە سۇيەنسەك, قالا بويىنشا جىل باسىنان بەرى جەكەلەگەن تاۋار باعاسىنىڭ ءوسۋى 10 پايىزدى قۇراسا, الەۋمەتتىك ماڭىزداعى تاۋار قۇنى ورتا ەسەپپەن 5 پايىزعا وسكەندىگى بايقالادى. بۇل رەتتە ازىق-ت ۇلىك باعاسىنىڭ ايتارلىقتاي ارتۋى كورىنبەي وتىر. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا استانا اكىمىنىڭ ورىنباسارى اندرەي لۋكين وسىلاي دەدى. ونىڭ ايتۋى بويىنشا, ەلوردادا الەۋمەتتىك-ەكونوميكالىق جاعدايلاردى رەتتەۋ جانە مونيتورينگ جاساۋ بويىنشا ارنايى شتاب قۇرىلعان. ول وسى ورايدا باعالاردى تۇراقتاندىرۋ ءۇشىن اكىمدىك تاراپىنان قاجەتتى شارالار قولعا الىناتىنىن ايتتى. سونداي-اق, ەلىمىزدەگى اۋىل شارۋاشىلىعى مينيسترلىگىمەن بىرلەسە ۇستىمىزدەگى جىلدىڭ قاڭتارى مەن قازان ايى ارالىعىندا تۇتىناتىن بيدايدى استاناداعى ءدان وڭدەۋشى كاسىپورىنداردان بەلگىلەنگەن باعا بويىنشا جەتكىزۋ ءۇشىن باعدارلاما قولعا الىنىپ وتىرعاندىعىن جەتكىزدى. بيىل وسى باعدارلاماعا ەكى كاسىپورىن — «تسەسنا-استىق» كونتسەرنى» اق جانە «تابىس 2009» جشس قاتىساتىندىعىن اتاپ ءوتتى. سونىمەن قاتار, ول ساۋدا نىساندارى مەن اكىمدىك اراسىندا مەموراندۋم جاسالعانىن تىلگە تيەك ەتتى. ۇستىمىزدەگى جىلى وسىنداي مەموراندۋمعا 25 ساۋدا كاسىپورىندارى قول قويعان, ونىڭ ىشىندە بىرقاتار ساۋدا جەلىسى مەن سۋپەرماركەتتەر بار. جانە دە ۇستەمە باعانىڭ 10-15 پايىزدىڭ ماڭايىندا ەكەندىگىن تۇسپالداي وتىرىپ, بۇعان ءونىمنىڭ كوپ تۇرلىلىگى اسەر ەتەتىندىگىن ايتتى. الەۋمەتتىك ماڭىزداعى ازىق-ت ۇلىك ونىمدەرىنىڭ بولەك تۇرلەرىنە باعانىڭ ارتۋىنا تەڭگەنىڭ ەركىن باعامىنا وراي وندىرۋشىلەردىڭ بوساتۋ باعاسىنىڭ ءوسۋى نەگىز بولعانىن كولدەنەڭ تارتقان ول, سونىمەن بىرگە شيكىزاتقا, قاپتاۋ ماتەريالدارى مەن يمپورتتىق تاعامدىق قوسپالارعا باعانىڭ ارتۋى ىقپال ەتكەنىن جەتكىزدى. ال جەمىس-جيدەك, كوكونىس, ءسۇت جانە ەت ونىمدەرىنە باعانىڭ ديناميكاسى ماۋسىمدىق مانگە يە, دەدى ول. سونداي-اق, تەڭگە باعامىنىڭ اۋىتقۋى ەلوردادا بەنزين باعاسىنىڭ ارتۋىنا ىقپال ەتپەيتىندىگىن جەتكىزدى. بۇل ماسەلەدە قالاداعى بارلىق جانارماي قۇيۋ ستانسالارىندا جانار-جاعارماي ماتەريالدارىنىڭ بولشەك ساۋدا قۇنى بەكىتىلگەن شەكتە ۇستالىپ تۇرعاندىعىن ايتتى. ەنەرگەتيكا ءمينيسترىنىڭ بۇيرىعىنا سايكەس, ۇستىمىزدەگى جىلدىڭ مامىر ايىندا جانارمايدىڭ بولشەك ساتىلىمىنا شەكتى باعا بەكىتىلگەنىن ەسكە سالعان ول, اي-80 بەنزينى 89 تەڭگەگە, اي-92, اي- 93 108 تەڭگەگە جانە ديزەل وتىنىنا 99 تەڭگەگە شەكتى باعا ايقىندالعانىن اتاپ ءوتتى.