وبلىس اكىمىنىڭ 120 گرانتى مەن 238 شاكىرتاقىسى

اقمولا وبلىسىنىڭ اكىمى سەرگەي كۋلاگين «دوستىق جانە قوعام­دىق كەلىسىم» ۇيىندە «ەلبا­سىمەن بىرگە جاستاردىڭ 100 قا­دامى» تاقىرىبى اياسىندا جاستار وكىلدەرىمەن كەزەكتى كەزدەسۋ وتكىزدى. استانا مەيرامىمەن ورايلاستىرىلعان شارادا «قازاقستان-2020: بولاشاققا جول» اتتى قازاقستان رەسپۋبليكاسى مەملەكەتتىك جاس­تار ساياساتى تۇجىرىمداماسىن ىسكە اسىرۋ قادامدارى تالقىعا سالىندى. – ەلباسى ن.نازارباەۆتىڭ جا­ڭا ءداۋىر­دى تۇتاستاي قامتيتىن 5 ينستيتۋتتىق رەفورماسى بولا­شاقتىڭ تىرەگى ءارى سول ءداۋىردىڭ يگىلىكتەرىن جاساۋشى سىزدەرگە ۇلكەن جاۋاپكەرشىلىك جۇكتەيدى, – دەدى ءوڭىر باسشىسى ءوز سوزىندە. تاۋەلسىزدىگىمىزدىڭ العاشقى كۇن­دەرىندە-اق پرەزيدەنتتىك «بولا­شاق» باعدارلاماسى قابىلداندى. قازاقستاندىق, ونىڭ ىشىندە ءبىز­دىڭ وبلىسىمىزدىڭ جاستارى دا الەمنىڭ وزىق ءبىلىم وردالارىندا وقىپ, ەلىمىزگە ادال قىزمەت ەتۋ­دە. تىڭ ويلارىمەن, جاڭا باس­تامالارىمەن ۇلگى كورسەتىپ ءجۇر­گەن مۇنداي جاستار وڭىرىمىزدە از ەمەس. ماسەلەن, «بولاشاق» باعدار­لاماسى تۇلەكتەرىنىڭ ءبىرى مەم­لەكەتتىك قىزمەت ساتىلارىنان ءوتىپ, جۋىردا عانا ونەركاسىپتى ستەپ­نوگور قالاسىنىڭ اكىمدىگى لاۋازىمىنا تاعايىندالدى. قازىرگى كۇنى ءبىلىم ىزدەپ مىندەتتى تۇردە شەتەل اسۋدىڭ قاجەتتىگى جوق­تىعىن تىلگە تيەك ەتكەن سەرگەي ۆيتال­ەۆيچ جينالعان جاستارعا قۋا­نىش­تى حابارىن دا جەتكىزدى. ەن­دىگى جەردە مەديتسينالىق وقۋ ورىن­دارىنا تۇسۋگە نيەت بىلدىرگەن اقمولا­لىقتارعا 120 گرانت, ال وزگە دە جو­عارى وقۋ ورىندارى مەن تەحني­كالىق جانە كاسىبي مەكتەپكە قابىل­دانعاندارعا 238 شاكىرتاقى تاعاي­ىندالاتىن بولادى. باقبەرگەن امالبەك, «ەگەمەن قازاقستان». اقمولا وبلىسى.