قوستاناي. 24 مامىر. رەسەيدىڭ ترويتسك قالاسىندا «راسۋلەۆ وقۋلارى: رەسەيدىڭ تاريحى مەن بۇگىنگى ومىرىندەگى يسلام» اتتى عىلىمي-پراكتيكالىق كونفەرەنتسيا ءوتتى. وعان قوستاناي وبلىسىنىڭ اكىمى نۇرالى سادۋاقاسوۆ باستاعان دەلەگاتسيا قاتىستى. بۇل تۋرالى egemen.kz ءتىلشىسى حابارلادى.
چەليابى وبلىسى ۇكىمەتىنىڭ شاقىرۋىمەن حالىقارالىق كونفەرەنتسياعا قوستاناي وبلىسىنىڭ دەلەگاتسياسى دا قاتىستى. ونىڭ قۇرامىندا وبلىس اكىمى نۇرالى سادۋاقاسوۆ, قوستاناي قالالىق مەشىتىنىڭ يمامى شوقان ءامىرحانوۆ, عالىم-ءدىنتانۋشى قالقامان جاقىپ, ءدىن ىستەرى جونىندەگى باسقارما باسشىسى نۇرحان نۇگىربەكوۆ بولدى.
كونفەرەنتسيا جۇمىسىنا رەسەيدىڭ جوعارى ءمۋفتيى, ورتالىق ءدىني باسقارما توراعاسى تالعات تادجۋددين, چەليابى وبلىسىنىڭ گۋبەرناتورى بوريس دۋبروۆسكي جانە ۋفادان, ورىنبوردان, قازاننان يسلامتانۋشى عالىمدار قاتىستى. كونفەرەنتسياعا قاتىسۋشىلار رەسەيدىڭ ءدىني قايراتكەرى, ويشىل, مۇسىلمان الەمىندەگى ءىرى پەداگوگ-اعارتۋشى زەينوللا راسۋلەۆتىڭ ءدىني مۇراسىن عانا ەمەس, قازىرگى زامانعى يسلام الەمىندەگى جاعدايلاردى تالقىلادى.
ءنازيرا جارىمبەتوۆا.
دەرەك, سۋرەت: egemen.kz
